كان ياما كان ||| كان فيه ثورة وكان فيه عسكر ||| قتلوا شباب كانوا زي السكر ||| وشباب تانية جمب الدبابة بتتصور||| كان ياما كان ||| ثورة وكانت مش مدروسة ||| اتعملت في بلد منحوسة ||| علشان ناس مش مستاهلة وموكوسة||| كان ياما كان ||| كان فيه دم وسال ع الارض ||| ووحوش ميري انتهكوا العرض ||| خلّوا الحرمات سنة وفرض||| كان ياما كان ||| كان فيه كنبة وناس قاعدين ||| ناس بلا قلب وملة ودين ||| قالوا علينا اننا قابضين||| كان ياما كان ||| ناس بدقون كانوا ضد الثورة||| والصوت ضد الحاكم عورة||| حكموا ومتنا اتاريها مؤامرة||| كان ياما كان ||| بانرات في الشارع واتحطّت ||| انتخابات رئاسية وعدّت ||| ومافيش فايدة برضه العسكر فيها متبّت ||| كان ياما كان ||| مات الشاعر مات الراوي||| ماتت في تاريخ مصر حكاوي||| ومات الصمت بصوتنا الداوي||| كان ياما كان||| قلنا الظلم ده دولته ساعة||| ودول الحق ليوم الساعة||| والدنيا غدارة وبياعة||| اوعى تصدق ليها أمان||| ده .... كان ياما كان|||