كان ياما كان قريب مش م زمان كان عندنا مسمار مدقوق ف الكرسى مزرجن ومتبت ومصدى خرب الكرسى وعمل بارومه حواليه أصله كان مدقوق لآخره ومتنى ولا شاكوش ولا منشار قدروا عليه قولنا لازم نخلعه بالزوق بالعافيه هنطلعه ولا نسيبه يبوظ الكرسى و نبقى عليه عامل زى الخزوووووووووق إلمغرى متمسمر ف الكرسى ومعدى أكتر من تمانين سنتى يخرب بيته مسمار هو كان مدقوق بأيه الشواكيش عملت ثوره والكل هاج عليه حتى المناشير تيلمت من كتر النحر فيه أتاريه كان ناوى يأبد ف الكرسى ويستموت عشان خاطر المسمار الصغير إبن الأيييييييييييييييه لابد وفاكر إنه خالد فييييه بس على مييييييييييييين خمسه وعشرين مناول يوميها جابوا وحطوا عليه تمنتاشر يوم وهات يا تكسير إشى من هنا وإشى من هناك الكل نفسه ف التغيير ولما إتقطم ساب ديله ونتر ولسه محتارين فيه أصله نابه كان أزرق وجدوره ف كل حته بتبقبق وكل ما تقطع ديل يطلعله ألف ديل يخرب بيته إيه حكايته هو سره باتع ولا أيه ندراً عليا يوم لما يغور أقلع عريان وأرقص زى المجنون ف ميدان التحرير يخرب بيته مسمار كل ما تيجى سيرته الواحد دمه بيفور مش كده ولا أيييييييه