Edit قصيدة: جدال وحوارالثورة by Mahmoud Agrama on Thursday, May 26, 2011 at 1:31pm قصيدة: جدال وحوارالثورة شوف المصري واقف محتار ........مش عارف ايه يختار عندنا ملوخيه وطعميه وكمان البلطجيه احنا نلهب كده علي طول ......وشعوبنا موكوسه ومَلهيه وبدام خايفين وديماً ساكتين...... هنكون احنا مبسوطين يكلو ملوخيه وطعميه ...... .... وناكل احنا المهلبيه عندنا ملوخيه وطعميه وكمان البلطجيه قام علينا الثوار ...............وخلعونا والمحسوبيه بس احنا برضه بنديهم ......... بقوة و بعنجهيه يوم بالكذب والتشكيك .....ويوم بحروب الطائفيه عندنا ملوخيه وطعميه.... و احنا كمان البلطجيه شوف المصري واقف محتار ...........مش عارف ايه يختار يمشي في طريق الحريه..................... ولا ورا البلطجيه ياخوَنا د مش فئوس وخيار.............دي فيها جنه وفيها نار يعني طريق صعب وكله رُعب........... واخره نعيم ورفاهيه او ياخد وقته وعلي راحته.............. ويرضي بذل وعبوديه واللي عايز تحيره.. خيّرُه....... .....بعدها يخسرك وتخسره واذا كان بيفهم يبص لأصله.. ...... وينسي شكله و مظَهرُه عندنا ملوخيه وطعميه.... واحنا كمان البلطجيه واحنا اللي دهنا الهوا دوكو .......رب يخلينا ويخليكو ولو ف قلبكوم رحمه................. رُدونا وحياة ابوكو واحنا الثوار الاحرار............ في كل بيت و ف كل دار بعزيمتنا ووحدتنا..................... خِلصنا من اكبر حمار وبإذن واحد احد....................... هنخلص من كل غَدّار بالسلم وبالحلم.............................. او بالحديد والنار يابني اكلم علي أدك .............واِنكتم واعرف حدك داحنا ورانا الموساد ...............وكل ادوات الفساد وكمان معانا امريكا...................بالرقص والمزيكا ومعانا كل الفلوس................ لكل عميل وجاسوس وانت غلبان عدمان .............. وكمان فقير منحوس وان كنش ده يعجبك............ يجيلك بلطجي يأدبك ولو فاكر شبابك ينفعك ................خلي امك تودعك وحنا معانا عتاد وسلاح....... يكسر ضهرك ويفجعك وفإيدنا الورقة الطائفيه .............وكمان قنابل ذريه و لو رجعونا لمناصبنا ........هنتسامح ع اللي صابنا ونرجع فلوسكو المنهوبه ... وكرامتكو اللي كانت مسلوبه ونديكو ملوخيه وطعميه........ .......ومعاهم حتة عسليه ادينى اهمس في ودانك.............وخليها بيني وبينك لو رجعونا فى. اماكنا ............لأحلف براسك وديلك لأخلص علي كل الثوار ..........ف كل بيت وف كل دار ولا خليلهم راس مرفوعه............ ولا حتي عين مفقوعه ولا واحد يطالب بحقه.............. ولا يجرؤ يفتح بوؤه واشيل ميدان التحرير........... من كل حاسب وخريطه وامحي من كتب التاريخ............ كل ثوره وزومبليطه شوف المصري واقف محتار....مش عارف ايه يختار أنا الثوري أنا الثوري....... أنا ابن مصري ومصرية و بلادي بلاد عربية................ لَ شرقية ولا غربية ودا الطريق اللي اخترته...... ....طريق كفاح وحريه انا مش خايف م الطغيان.......... دانتو شِلِّة حرميه لا انتو شرطه ولا انتو امان...... انتو اصل الهمجيه وانا ابن أب وأم وحيد.... ..ولحب وطني هموت شهيد وانا ودعت أٌمي خلاص ...........وهنتلاقي في الجنه وهتزغرتلي ف يوم العيد.... ......من فرحة قلب بيتهنا واعيش بينكم بجناح وسلاح... . سلاح القوه السلميه وجناح يطير مع العصافير .....في رحمة ربي العلويه وانا شايب وف جسمى قروح.............والميه جاتلي في عنيه لكن شايف طريقي بوضوح ...........وارض اجدادي دوم ليَ واشيل سلاحي وكلى جروح ............وان قطعو رجلي وإديا واموت شهيد في يوم الفتوح................ لأجل بلادي العربيه وانا زوجه عربيه وفيه....... هنيئه في بيت الزوجيه اربي ولادي في حريه ........لساعة الصفر الحتميه وادعى ربي ف كل يوم .... .ساعة الفجر وقبل النوم يجعل ولادي اهل صلاح..... وصلاه للمولي وعبوديه و تقوي قلب ونور وفلاح.....وشهاده مكتوبه وفروسيه وانا طفل بلعبتي مشغول....... .لكن فاهم ايه بتقول و زي ابويا وأخويا.. لحب بلدي ....هعيش علي طول وان طلبوا روحي وعنيه...........دول يبقو اول هديه دى بلدي وحقوقها عليّ ......عارفها ف طفولتي ديه الثوره قامت ياخونا............وانفتحت ابواب الجنه دامين اللي عايز يتأنى. .......ولا ثانيه حتي يستنى وابني وحيد مات شهيد....... دا كان بيدعى ويتمنى الشعب كله في التحرير.......وف كل جامع وكل دير طالب الحرية بسلميه...........وهيخلص م البلطجيه لا هَمُّه عصايا و ملوتوف ....ولا يعرف طعم الخوف يصلى ف ميدان وحارة........مسلمين وكمان نصارى وشعوب العالم محتاره.........من ثورة عجيبه وحضاره وانا شعب عربي واصيل ..........وكلي صحه وحيويه وكنت رايح ف نوم طويل ...........وف تونس فَتّحْت عنيّه ورحت اشرب م نهرالنيل... ........واتوضا بمياه نقيه وفى قدسى هاقوم الليل............وصلى الفجر فسوريه و في ليبيا سمعت عويل.............رحت احررها بإديه وفجرت ثوره مالها مثيل............فى كل دوله عربيه واجمع ولادى من كل وادى........ونهتف بصرخه قويه الله اكبر تعيش بلادى ...........الله اكبر والنصر ليه اخوكوم فى الله. محمود عجرمه [email protected]
