بقلم :نصرجابر وجهاد زيادة نصر & تهون الدنيا ودموعك ماتنزلشي وجودي لو قصاد دمعك .خلاص أمشي ولو حلمي جرح طيفك ولو أمني قصاد خوفك فاحسن لي أعيش خايف وأكرم ليا ما حلمشي ست الحسن بتحلف لسه ببعادي و انا بعادك بيألمني و دمعي لو يكون غالي عيونك أغلي من عمري بنتعاتب حبيبي كتير و نتأسف علي التأخير و لا شايفه و لا بسمع و حرفي لكلمتك تعبير نصر& عليم ربي أنا ف بعدك من الأموات وصوتي مهما كان عالي كأنه سكات كمان شعري مالوش مضمون بدون إسمك ماهوش موزون ولو فكرت أكون فارس ف لازم ابتدي ب جهاد ست الحسن جهاد نفسك علي فراقي ده يوم عيدي و لو تقابلني من بدري ما تخلف مره مواعيدي هكون الدنيا و براحها و اكون طفله و اسرحها و اعمل م الضفيرة جناح و امسك ف الهنا و ارتاح و ابوح للدنيا بالأفراح و اروح بس هرجع لك و تنده قلبي يسمع لك و روحي تردها كلمه و صوتك نبض لوريدي نصر& وريدك زي نهر النيل بنبضة حب يحييني وبشرب منه وارجع ليه أنا سباح وبغرق فيه وقلبك سد كان عالي انا بطلب تعديني عشان نرجع نعيش أحباب اسامحك وانتي سامحينى ست الحسن& سامحت برقوتين مني رقيتك مني و النني و من عين نايمه هتاكلني و رمش سكته عوجه و بت بتلبس الموضه رقيتك من عيون قلبي و صليت ع النبي ف سري لا حاسد يحسد إكمني بشوفك جوه كل الناس و رمشي خطوتين حراس اغمض بحرسك فيا افتح يحرسك مني و بكتب اسمك الموصول و اعدي لك و اخطي بحور و حرفي يوصفك و يصول ده نصر جاي بعد هشيم بوصلك ببقي بنت الحور نصر& لو إنتي بقيتي بنت الحور أنا راضي إني أموت بكرة انا مسامح جميع الناس خلاص حبيت ومش هاكره لكني هاوصي تبقي الدفنه على بابك وغسلي يبقي من دمعك وكفني يبقي ف ثيابك وروحي تمدلك ايدي تردي .هانلتقي بكره
