أنا وأنت يا حُبى.. أحلى اتنين أحلى اتنين.. قلبك مع قلبى خلاص دايبين روحى وروحَك.. بَقُو روح واحدة بعد اتنين والعشاق دايماً يشوفونا.. يقولو دول مين. بنتعاتب وبنتخاصم ... دا بيحصل بين أى اتنين لكن عُمرهُ ف يوم ما خصامنا ... طوِّل أكتر من ساعتين بتقول كلمة و بقول كلمة ... تِلقانا على طول راجعين ننسى خصامنا , ننسى همومنا ... والآخِر بنروح ضاحكين . بنتسابق بين بعضينا.. مين فينا اللى هيسعد مين لو واحد يوم نِفسُهُ ف حاجة.. التانى يجيبها ولو فين الحاجة اللى تفرَّح واحد.. التانى يحطّها فى العين و الحاجة اللى بيزعل منها.. ما يعملهاش لو علشان مين. آدى حياتنا ف هَنَا بنعيشها.. فاتت فيها سنين و سنين عُمرهُ ما واحد يقدر يفرح.. والتانى من جنبه حزين عُمْر ما حاجة تفرَّق بينّا.. لو حتى مش متفقين أحلامنا سوا بنحققها.. طول ما احنا ف حُبنا عايشين .