نص حوار وزير الداخلية مع الاعلامية لميس الحديدى في برنامج " هنا العاصمة "

لميس : قبل يوم 30 الناس بتسال عن دور الداخلية هل حنشوف مشهد مؤلم زى احداث 25 يناير هل حنشوف مشاهد زى اللى شوفناها عند الاتحادية وسحل للمتظاهرين ولا حنشوف مشهد زى اللى عند وزارة الثقافة ام مشهد اكثر انحيازا للشعب ووقوفا على الحياد بعيد عن الانضمام او الانحياز لفصيل جيناالى للواء محمد ابراهيم وزير الداخلية عشان نساله عن موقف الشرطة بالظبط فى هذا اليوم .
سيادة الوزير انتو موقفكم ايه سمعنا موقف نادى الظباط لكن نحب نسمع من حضرتك خصوصا ان فيه تصريحات متضاربة مرة مش حتشوفوا عسكرى فى الشارع مرة حنامن المظاهرات ايه موقف الداخلية يوم 30 يونيو ؟
ابراهيم : لينا موقف واضح واجتمعت بجميع السادة المساعدين ومديرين الامن الخميس واعطتهم خطوط واضحة واسس اننا لن نكرر اللى حدث يوم 25 و28 2011 وحنامن اقشام الشرطة لان ما ينفعش الشرطة تنكسر مرة اخرى لانها لو انكسرت فى هذا اليوم لن تقوم لها قائمة لمدة 30 سنة ادام وبالتالى خطتنا اننا جهاز وطنى ملك للشعب كله وجهاز مؤسسى لا ينتمى لفصيل او نظام ولكن لامن المواطن مجملا وبالنسبة للتظاهرات السلمية تعليماتى واضحة بعدم الاحتكاك بها وتامينها
لميس : يعنى ايه تامينها ؟
ابراهيم : نوصل زى الدول الديموقراطية ونامنها واتمنى نصل لهذه الطريقة لكن للاسف الاقتراب المباشر بيؤدى لاحتكاك لذلك خطتنا تامين المداخل والمخارج عن بعدوبالنسبة للاتحادية وضع آخر لان الاتحادية تامينها يقع كاملا على الحرس الجمهورى
لميس : هل الشوراع حتغلق ؟
ابراهيم : دى انا سايبها على الحرس الجمهورى حسبما اتفق على تامينه للاتحادية داخله وخارجه
لميس : يعنى مش حتبقوا موجودين فى الشوراع المحيطة ؟
ابراهيم : متمركزين عن بعد لمنع الاحتكاك او الاقتتال من فصيل ضد فصيل
لميس : يعنى ما اتكلمتوش مع الدكتور مرسى عن قفل شوارع محيطة بالاتحادية ؟
ابراهيم : الى الآن ده متروك للحرس الجمهورى
وحيبقى فيه تمركزات لتامين المتظاهرين وعمل فصل بينهم
لميس : لكن فيه انباء عن اندساسات ممكن يلبسوا ميرى ممكن سيارات شرطة مسروقة واستخدامها وجر الشرطة للاحتكاك مع المواطنين .؟ استعدادتكم ايه ؟
ابراهيم : احنا على قدر الامكان ما فيش تواجد لينا حيعمل احتكاك من البداية ولازم الكل يتفهم ان الشرطة نازلة عشانهم مش ضدهم ويساعدوا الشرطة ويمكنها من آداء عملها زى اللى حصل عند وزارة الثقافة واتمنى يحسن المتظاهرين التنظيم والخروج بشكل سلمى حضارى .
لميس : بالنسبة للمؤسسات ؟ خطتكم ايه ؟
ابراهيم : انا واضع خطة شاملة اولا حاغلق المعابر اللى جاية من سينا
لميس : المعابر الرسمية ..رفح
ابراهيم : لا .. اللى على قناة السويس الشهيد احمد حمدى وكوبرى السلام والمعديات لمنع تكرار التسرب من جهاديين كما حدث من قبل وتكرار المشهد السابق وخدمات مكثفة لكل اللى جى من هناك
لميس : هل فيه نية لغلق معبر رفح ؟
ابراهيم : ده قرار سيادى لم نتطرق له
وكذلك المولات الكبيرة والاماكن المهمة فى القاهرة الكبرى والمنشات الحيوية ودواوين المحافظات
لميس : والبورصة والبنوك
ابراهيم : القوات المسلحة بتامنها معانا وكذلك التلفزيون فيه قوات للحرس الجمهورى معانا زى مجلس الوزرا والشورى والمناطق الحساسة
لميس : هناك قلق من الخارجين على القانون واستغلال الموقف وانشغال الداخلية بتامن المظاهرات والقيام بجرائم جنائية
ابراهيم : احنا عاملين حملة على مستوى الجمهورية من شهر لضبط المجرمين وضبط الاسلحة وورش تصنيعها ومحققين فيها نتايج كويسة
لميس : يعنى متحسبين للخارجين عن القانون خلال الانشغال بالحدث ؟
ابراهيم : اكيد فيه عناصر عاملين حسابنا عليهم وغرفة عمليات لذلك
لميس : والسجون يا فندم ؟
ابراهيم : السجون خط احمر ولا يمكن الاقتراب منها ومن يقترب من المنشآت الشرطية او السجون حيتم التعامل بحسم معه وفقا للقانون .
لميس : فيه مساجين خطر حيتم نقلهم لاماكن اكثر تامينا ؟
ابراهيم : بالنسبة للاقسام والمراكز اديت تعليماتى ان كل العناصر الخطرة يتم نقلها للسجون العمومية
لميس : وبالنسبة للتامين والتسليح مش عايزين يحصل زى ما حصل قبل كده والظباط يتئذوا ؟
ابراهيم : واضح طبعا .. اللى حييجى جنب سجن حيعامل بحسم وقوة ولن يسمح باقتحام اى سجن مرة اخرى
لميس : بالنسبة لمدينة الانتاج الاعلامى ؟
ابراهيم : انا سمعت دعوات على الفيس بوك والكلام ده يوم 30 / 6 عايزين ييجوا
لميس : هما بييجوا ينورونا من قبل كده .. احنا عايزين مدخل آمن نؤدى عملنا لان التامين المرة اللى فاتت كان من الداخل وليس من الخارج
ابراهيم : ده كا ن ليه ظروفه وانا شرحت قبل كده وهناك ممر آمن للدخول وتامين من الخارج وقوات للتانمين عاملين حسابه
لميس : بالنسبة لمقرات الاحزاب ؟
ابراهيم : كل حزب يؤمن المقثر بتاعه ولن اتدخل الا لو حصل اقتتال بين الفصائل واعلنته الكلام ده قبل كده
لميس : ولو حصل اعتصام حتستمروا فى التامين ولآ يوم واحد وفقط ؟
ابراهيم : لا طبعا حنستمر
انا عمرى ما اقتربت من اعتصام سلمى من يوم ما توليت حتى لو فئوى
لميس : بس الاتحادية حصل فيها تجاوزات حمادة صابر
ابراهيم : مش عايز اتكلم فى حمادة صابر لانه ليه خلفيات اخرى
لكن بالنسبة لنا نؤمن الاعتصامات السلمية ولو طال الاعتصام ولو شهر ولن نفضه او نقترب منه
لميس : حزب الحرية والعدالة اعترض بشدة لما رفضت تؤمن المقرات بما فيها الحرية والعدالة وحملوك المسؤلية عن اى احداث عنف تحدث ؟
ابراهيم : انا قلت لحضرتك انا لن اتدخل فى الفصل بين الاحتكاك بين الفصائل وبعضها وحماية الجميع لكن لن احط قوات ثابتة على المقرات لانى معنديش قوات كافية وبالتالى خطتنا احنا موقفنا الفصل بينهم فقط.. ولا اى حزب كان .. لا الحرية والعدالة ولا غيره .. ولا مكتب الارشاد وانا قلت قبل كده مع خيرى رمضان
لميس : ليه فيه احساس من كل طرف من الجانبين انك تنحاز للتيار الآخر ؟
ابراهيم : ده قدر الشرطة انك تكونى غير مرضى عنك من الجميع
لميس : هل طلب رسميا الحرية والعدالة تامين مقراته ؟
ابراهيم : رسمى لا ..
لميس : بس طلع متحدثين رسميين من الحرية والعدالة وهاجموك شخصيا وبيحملوك مسؤلية اى عنف ؟
ابراهيم : اللى يهاجم يهاجم انا لما صرحت انى مش حاحمى المقرات وما سؤلتش رسميا لا فى الشورى او مجلس الوزرا وانا قلت انى مش حاتعرض للمتظاهرين السلميين وحامن المنشآت الحيوية فقط
لميس : بالنسبة للتسليح ؟
ابراهيم : بتختلف ..حسب المنشآت ولكن التسليح نارى عالى طبقا للقانون لمنع تكرار ما حدث اما فض الشغب فتسليحه غاز فقط
لميس : هل تم بالفعل ضبط موبايلات الثريا مؤخرا؟
ابراهيم : ضبطنا بالفعل فى المنيا وفى سينا اكتر وموجود فى الفيوم ضبطنا بعضها وبتتظبط فى الجمارك وليس لدى معلومات لانها خاصة بالاخوان فقط او لفصيل معين انما بتتظبط
لميس : قبل ما انتهى من هذا الجزء تقول ايه للناس
ابراهيم : الشرطة جهاز مؤسسى يعمل من اجل الوطن والمواطن وسنحمى المتظاهرين السلميين وحماية المنشآت الحيوية فقط
لميس : وما موقفك من موقف اللى اعلنه نادى ضباط الشرطة ؟
ابراهيم : هما بيطلبوا هذا الكيان من كافة الوزرا السابقين وانا الوحيد اللى وافقت عليه وانا عايزجهاز الشرطة يتحول الى جهاز مؤسسى من اجل الشعب وليس من اجل النظام زى ما فى امريكا والدول المتقدمة ونفسى نصل الى هذا المفهوم لاننا مؤسسة امنية همنا تحقيق امن المواطن والوطن .
لميس : بس الانطباع ده جه من ساعة ما امنت مكتب الارشاد وعدم تامين الاتحادية ومدينة الانتاج الاعلامى بنفس الشكل ؟
ابراهيم : اعتقد ان موضوع الارشاد شرحته بان جت معلومات باحتشاد من التيار المدنى ويقابله احتشاد الاخوان لتامين المقر حطيت القوات اعمل فاصل بين الكتلتين ولو رجعتى للمشهد حتلاقى اننا كنا بنفصل فقط الآ ان الاشتباكات حصلت بعيد عن نظاق خدماتى واستمرت فترة ولو تدخلت وحصل اعتراض لاى مدرعة من المتظاهرين حتحصل مشاكل وييجى اللوم على الداخلية ولما جه فى الجزيرة مباشر مشهد حبس العشرين فى فيلا والعيال بترمى علييهم المولوتوف تدخلت فورا لكن مش تدخلت لتامين مكتب الارشاد .
لميس : بس انتوا عملتوا تلات حواجز يعنى الداخلية تستطيع التامين اذا ارادت التامين اهه وماحصلش عند مدينة الانتاج ده مثلا .!
ابراهيم : لو ما تدخلتش وحصل زى ما حصل عند الاتحادية وماتوا عشرة مثلا مش حتلوموا على الداخلية
لميس :لكن ما امنتوش مدينة الانتاج الاعلامى بنفس القدر!!!
اراهيم : انا قلت الانتاج الاعلامى كانت الخطة موضوعة تامين داخلى وخارجى ولكن لماحصل تعرض للاعلاميين وتلقيت مكالمة من الاستاذ ضياء رشوان وتاكدت من المعلومة قلت له عشر دقايق واكون عندك وتحركت فورا وكان لى موقف من القيادات الامنية وبعدها طلعت القوات كلها بره وامنا خارج المدينة وحتشوفوا يوم 30 تامين اكبر انشاء الله من اللى كان موجود .
لميس : هناك دعوات من التيارات الدينية للجهاد فى سوريا ومساعد الرئيس الرزاز قال ان مصر لن تحاكم اوتحاسب او تتعقب العائدين من سوريا وهذا يختلف تماما عن السياسة المصرة السابقة للعائدين من باكستان وافغانستان كان هناك دائما ترقب لهؤلاء ؟
ابراهيم : فيه بعض العناصر الجهادية اتسللت لسوريا عن طريق تركيا ولكن الى الآن ما فيش عودة لهم لكن وقت العودة حيتم ترقبهم والتصدى لاى محاولة منهم للاضرار بالامن
لميس : هل هناك اى حصرللاعداد ؟
ابراهيم : مش تحديدا مش حتقدرى تحدديهم لانهم بيتسللوا عن طريق تركيا ولكن فور العودة حيتم ترقبهم والتصدى لاى محاولة منهم للاخلال بالامن .
لميس : حضرتك عارف بيتم تصدير بعض الافكار الجهادية والتكفيرية وده موجود فى سينا
ابراهيم : طبعا موجود فى سينا فيه كذا حاجة فى ىسينا
لميس : هل طلب منكم رسميا رفع اسماء اللى مطلوبين من الامن من تلك القوائم اللى مدرجة فيها اسمائهم
ابراهيم : فيه 13 جهة بتدرج احنا راجعنا بعض المدروجين واللى زال سبب الادراج بتاعه بنشيل اسمه
لميس : كان فيه عدد كبير من المدروجين كانوا على ذمة قضايا وهاربين من احكام ولهم انشطة ارهابية الآن تلك النشاطات لم تعد ارهابية
ابراهيم : خلى بالك ان كل العناصر اللى جت من الخارج دخلت ادام القضاء المدنى واخدوا براءات
لميس : كان فيه عناصر من حماس من المكتب السياسى موجودين فى مصر وكذلك من كتائب القسام دخلوا ازاى لمصر وعدد منهم ممنوع من السفر وممنوع من دخول مصر؟
ابراهيم : اللى اعتقده انهم موجودين للمصالحة ودخلوا رسمى من المنافذ بتاعتهم وما فيش حد ممنوع من السفر منهم او عليه احكام ومن هو مدرج وسبب الادراج قائم حتلاقيه موجود على قوائم المطلوبين ولم يطلب منى رسميا شطب اسمه من تلك القوائم
لميس : هل مازال بيستشار جهاز الامن الوطنى الى الان فى التعيينات السياسية ؟
ابراهيم : من بعد الثورة لا قبل الثورة اه والقائمين على الحكم بيجنبوا ده بعد الثورة
لميس : يعنى يعين محافظ كان مرفوت من الداخلية او يعين ىخر من الجماعة الاسلامية التى قتلت الضباط فى اسيوط واللى قتلت السائحين فى الاقصر ما فيش تقارير امنية عنهم
ابراهيم : بيستطلع الرقابة الادارية وبعض الجهات المخابراتية لاننا بالنسبة لنا كان هذا النظام قائم قبل الثورة فقط
لميس : هل ما بتعترضوش وبتقولوا الدولة يحكمها رجال دولة مش رجال ارهاب سابقين ؟
ابراهيم : احنا بنعطى النصيحة ولا نملك القرار
لميس : هل سبب محاصرة التيارات السلفية الضباط فى الامن الوطنى الالم لرجال الشرطة ؟
ابراهيم : جهاز الامن الوطنى تعرض للتجريف والمقصود منه الانهاء عليه والداخلية لا يمكن الاستغناء عنه لان الداخلية امنن سياسى وامن جنائى ولما جيبت بدات اقوى فيه واحاول انمى الادارات بمساعدة نائب الوزير للامن الوطنى والامن الوطنى يجمع المعلومة ويعطيها للامن الجنائى وليس له دخل بالضبط او الاحضار
لميس : ليه ما دافعتوش عنه زى ما دافعتم عن الارشاد ؟ وده جهاز دولة وكرامة دولة .!
ابراهيم : المكان فى مدينة نصر مكان مفتوح فى اكثر من اتجاه وكان اى احتكاك حيقولوا انهم جايين سلميين وانت تعرضت لهم .. واتفقنا على ان كل تعاملنا حيبقى فى الداخل وده اللى حصل اننا طلعنا المدرعات فى تلاتة دقايق فضينا الاعتداء على الابواب بمجرد الاقتراب منها
لميس : هل اعترضت على الجهات السيادية على هذا الفعل بمنتهى الصراحة ؟ هؤلاء الاهل والعشيرة دول ناس قريبين من الرئيس والحزب الحاكم ؟
ابراهيم : حصل وكان الرد انها مش حتتكرر وخلى بالك ان الجماعات كتير والرئاسة مش مسيطرة على كل الفصائل وكله بيخضع تحت نطاق السلفية اللى فصائلها كتير
لميس : هل انزعجت كرجل امن من مشهد استاد القاهرة واللى اتعمل لنصرة سوريا ؟ مش كوزير ..قلقت من تحريض فصيل على آخر ؟
ابراهيم : انا ما اخدتهاش كده احتمال من الباطن وجهة انما اخدتها انها نصرة للشعب السورى
لميس : يعنى ما قلقتش من التحريض كرجل امن وانت بتسمع الدعوات بالتحريض على الواهمين واللى نازلين يوم 30 ؟؟؟!!!
ابراهيم : انا بانادى تيارات الاسلام السياسى ما فيش داعى لتواجدهم يوم 30 /6 لاننا سندخل فى آتون مشهد مثل البلاد المجاورة وبانادى الجميع بالتعقل وبعد كل فصيل والاحتجاب عن التوقيت الذى حدده الآخر حقنا للدماء
لميس : الضباط حاسين انهم ما بياخدوش حقهم بداية من اللى اتخطفوا من سنتين الى اللى بيتقتلوا حاسين ان دمهم بيروح هدر !!!
ابراهيم : جموع الضباط يضحوا من احل الوطن وليس لمجد شخصى وهناك احتمالات للخساير لما بيدخلوا ويداهموا اوكار المجرمين
لميس : اوكار وبؤر المجرمين ماشى بس ابو شقرة ؟؟؟!!!
ابراهيم : ظروف ابو شقرة ما وقفناش لسة على الحقيقة فيها دى مجموعات كانت موجودة لتنفيذ مهمة محددة وهو خرج عن نطاق هذا التامين فحدث ما حدث الى الان لم نتوصل تحديدا لكيفية اغتياله ولكن انا باعد اننا سنصل للقتلة ونقتص منهم وانا وعدت والده بذلك
لميس : بس اللى خطفوا الضباط هناك شعور كده ان عفا الله عما سلف وخليكم مكانكم واحنا مكانا!!!
ابراهيم : سينا من قبل الثورة واجهنا الارهاب فيها اكثر من مرة منذ التسعينيات وياما سقط شهداء وفى ما بعد 25 /1 /2011 الشرطة غير موجودة وبالتالى ملف الضباط المختطفين تاخر كثيرا
لميس : فيه احد الضباط انت لليسدة زوجته انهك عارف انه حى وبعد كده عندنا معلومات اخرى انه ربما يكونوا قتلوا
ابراهيم : انا ما بقاليش اربع او خمس شهور كنت بعيد عن الملف واول ما جيت قابلتهم وسمعت منهم وفهمت القصة من الامن العام وطلبوا منى عقد مقابلة مع الرئيس وقابلوه وقالوا ما قالوا واحنا فنيا لما الحادثة بيمر عليها وقت بتزداد صعوبتها وانا قلتلهم عن التريدات ولكن كلها ترجيحات وانا وعدتهم فى كل الحالات حاجيبهم
لميس : هلى تلقيتم من حماس معلومات انهم قتلوا ؟
ابراهيم : لا يا فندم ... جه تردد من ابو مرزوق انهم قتلوا ومدفونين فى مكان ما وقلت للامن الوطنى يتواصلوا معاه ويعرفوا ايه الحكاية ... فحصل اتصال بينه وبين الامن الوطنى واكد هذا الكلام فاحنا حبينا نعرف فين المقبرة
لميس : موسى ابو مرزوق يعرف منين حماس تعرف عن جنودنا اكتر ما احنا نعرف عنهم ؟؟؟!!!
ابراهيم : ده ملف قديم انا باقول وفيه معلومات بتقول من الجهات المخابراتية الكلام ده وماقدرش اقول له اعتبر ابنك شهيد فيقول لى فين الرفات احنا شغالين على الحتة دى اننا نتوصل تحديدا فين او دليل اكيد يحل اللغز اللى احنا فيه
لميس : ضباط النادى قالوا بالامس انهم حيدوا وزير الداخلية مهلة اسبوع يا اما حيقبضوا على كل افراد حماس فى مصر
ابراهيم : ده انفعال انا مقدره وانشاء الله حنصل لنتيجة ف هذا الملف
لميس : هناك تخوفات زى ما قدم ملف الضباط المختطفين يقدم ملف الست سبع ضباط المختطفين فى سينا وكله حيقدم ؟؟؟!!!
ابراهيم : انا اشرحلك موضوع سينا اللى حصل بعد الثورة سهولة الحركة فى الانفاق وتكوين بعض البؤر فى سينا وتسرب كميات كبيرة من الاسلحة وحاليا البؤر دى مسلحة تسليح عالى والطبيعة الجغرافية صعبت الموقف وهناك تنسيق مع القوات المسلحة ومجموعات من المخابرات لجمع المعلومات وبدانا بتحقيق نجاحات وتوصلنا للسايبر اللى ذاع فيديو المخطوفين وتوصلنا الى العنصر اللى ودى الشريط وهو من الناصر المختطِفَة ومحبوس
لميس : وابو شقرة اتقتل وكان مسؤل عن هذا الملف
ابراهيم : لا ... ما كانش مسؤل عن الملف تحديدا .. واحنا بعد القبض على العنصرين حصل استشهاد النقيب ولكن كملنا العمل وهناك تنسيق كامل بينا وبين القوات المسلحة لصعوبة المكان وساعة الحسم لم تحدد لكن حتما حنقضى على هذه البؤر .
لميس : هل هناك قرار بيحجم الوصول لهذه النقطة ؟
ابراهيم : اطلاقا ً لا
لميس : قبل ما يطلق سراح المختطفين من كان يقوم بادارة العمليات على الارض ؟
ابراهيم : كان فيه غرفة عمليات بقيادة مساعد الوزير للمنطقة وقائد الجيش التانى ومدير الامن الوطنى والمخابرات الحربية والمخابرات العامة كلهم كانوا بيديروا هذا الملف وبعد ما الطائرات حلقت فوق المنطقة وشعر المختطفين بعملية عسكرية اطلقوا سراح المخطوفين
لميس : ولكن هناك غصة فى حلوق المصريين ومش فرحة لان الارهابيين ما زالوا مطلقى السراح!!!
ابراهيم : انشاء الله الفرحة ستكون بالقبض عليهم قريبا
لميس : هلى تطهير البؤر الارهابية فى سيناء قرار متخذ ام قرار لم يتخذ بعد ؟
ابراهيم : لا قرار هو متخذ بالفعل ولكن الوقت المناسب لم يحن وسيتم تحديده بالتعاون مع القوات المسلحة ..
لميس : اتنشر فى الجريد الرسمية بتاريخ 25 مايو القرار بالسماح لبعض الاشخاص بازدواج الجنسية منهم اتنين من ابناء الرئيس ونجل الدكتور محمد سليم العوا ..ليه النشر دلوقتى فى هذا التوقيت ؟
ابراهيم : ده حق لاى مواطن الاحتفاظ بالجنسيتين واى مواطن يقدم اوراق معينة ويطلب ده بيتم فحصه واتعرض على طلب من ضمن 21 واحد هذه الطلبات و تم اعتماد القرار ولا املك احرمه من ازدواج الجنسية الا لاسباب امنية وممكن يرفع على قضية ويكسبها
لميس : لكن طبقا لمعلوماتى قانون ازدواج الجنسية يجب تقديم الطلب قبل الحصول على الجنسية التانية وهذا لم يحدث فى هذه الحالة ؟
ابراهيم : لا ... ما فيش تحديد فيه كتير مصريين موجودين واخدين الجنسية التانية قبل الطلب وقبل الثورة كمان كان هذا موجودا و ممكن اجيبلك ما يثبت ذلك اعداد كبيرة من طلبات ازدواج الجنسية لانه ليس هناك ما يحول على حصوله بعد حصوله ولا قبل الحصول على الجنسية وانا اعتمدت القرار من شهر ونص وانا بيتعرض على ورق سليم وانا باعتمده وفقط ولكن لا يهمنى ان اعرف سبب التوقيت
لميس : هل لهذا التوقيت علاقة بالقضية المتداولة المرفوعة عليهم من سنة والمتداولة فى المحاكم ؟
ابراهيم : احتمال وارد
لميس : لكن عرض عليك الطلبات من شهر واحد
ابراهيم : تحديدا فيه نماذج بيتم فحصه فى الجهات المعلوماتية وبتقدم الى وانا باعتمدها وانا يوميا باعتمد قرارات زى دى وغيرها لازم تعتمد بقرار وزارى
لميس : طب ليه النشر يا فندم
ابراهيم : القواعد بتقول كده فبيطبقها وانا ما اخدتش بالى ان فيه قرار الا بعد تدوال الامر فى الصحف
لميس : انما ما طلبش منك رسميا وقال لك دول اولاد الدكتور مرسى ؟
ابراهيم : هو بيتقدم زيه زى اى مواطن ممكن مندوب راح قدم انا باقولك باعتمد قرارات كتير
لميس : قيل ان هذا النشر لرفع الحرج عن الداخلية ؟
ابراهيم : تاكدى لن ولم ارتكب اى مخالفة للقانون لاى شخص كان فى مصر
لميس : ما لقيتش الورقة اللى بتثبت ان الدكتور مرسى كان فى السجن ؟
ابراهيم : اجيب مصحف احلف عليه ؟؟؟!!! هو كان موجود ولو كان فيه قرار يبقى وزير الداخلية العادلى هو اللى يسال عن قرار الاعتقال واقول لك تحليلى الشخصى ايام الثورة الاخوان لما قرروا ينزلوا الشارع حصل لم لقياداتهم لاقصائهم عن النزول ف اليوم التالى للثورة وتم وضعهم فى وادى النطرون وكان الدارج احط فى السجن بجواب من امن الدولة وجارى موافواتهم بقرارر الاعتقال وممكن يكون دخلوا وحصل اللى حصل وتم تدمير الجواب فى السجن ولما راجعت كل القرارات بالاعتقال والمسلسل والشئون القانونية ولم اجده.
لميس : هو الهروب من السجن مش له عقوبة ؟
ابراهيم : فى اول الفترة للمجلس العسكرى كان مدى فترة سماح بتقديم طلب للعفو وبعد تلك الفترة كان كل ما يضبط بيتم محاكمته
لميس : وهل لديك معلومات بان الدكتور مرسى قدم طلب بالعفو ؟
ابراهيم : المجلس العسكرى يسال فى هذا انا ما لي علاقة بامانة ولم اكن موجودا
لميس : ارجع لموضوع الجنسية حضرتك مضيت على القرارات وما اخدتش بالك من الاسماء
ابراهيم : فعلا
لميس : لو اخدت بالك كنت حتمضى على القرارت وهما ابناء رئيس الجمهورية ولاموضوع له علاقة بالامن القومى لانهم ابناء الرئيس ؟
ابراهيم : ممكن كنت اراجع الشروط واتحسب لان لما امضلى القرار اكون قرارى سليم
لميس : هل تشعر بان هذا القرار ملائم كرجل امن ؟
ابراهيم : انا لما راجعت فى الجوازات وقالوا لى انه تقدم كمواطن عادى و حصل 123 وما فيش اى مخالفات ارتكبوها
لميس : هو الرئيس مرسى لم يعترف ان اولاده عندهم جنسية امريكية بس كرجل امن تعلم ان فيه فى منزل الرئاسة مواطنين امريكيين وولاءهم وقسمهم للدستور الامريكى مش مقلق
ابراهيم : الداخلية خارج هذا العلم ووزير العدل والنائب العام هما اللى الموضوع فى اطارهم وخارج اطارى خلينا فى اطارى
لميس : ما هو انطباعك عن حال الناس وحالة الامن العام ؟
ابراهيم : احنا فى بداية تداعيات الثورة كان هناك جرائم كثيرة جدا ومن تانى شهر لما جييت من خلال خطة وضعتها ركزنا على العناصر الهاربة من السجون وقبضنا فوق ال 21000 من اصل 23800 مسجون هارب واللى عامل الخلل الهاربين من السجون وتاكدى كل بؤرة زعيمها هارب من السجن بمؤبدات واعدامات وفاضل اقل من 2000 والشهر اللى فات تم القبض على 447 مرة واحدة وعشان كده فيه حالات استشهاد كتير فى الفترة الاخيرة ولسة فى ظل العمل الجاد حيسقط شهداء لاننا نتعامل بايجابية وجدية فى العمل لاننا نواجه كم ونوعية سلاح احسن من اللى معانا
لميس : كان فيه مبادرة لتسليم السلاح فى سينا
ابراهيم : لم تنجح ولن تنجحانتى بتنفخى فى قربة مقطوعة لازم بقوة القانون يسلمها .
لميس :بس فيه لسة خطف كتير وفيه سرقة عربيات كتير ..
ابراهيم : تم تحجيمها وتم كشف غموض حوادث كثيرة والقبض على بؤر كتيرة والناس طالبة المزيد لكن الصراع السياسى مش مدينا الفرصةواقولك احنا شايلين كتير المطالب الفئوية واللى بيقفل محابس الغاز التصدير
لميس : طب مين اللى بيعمل الحاجات دى ؟ وانا اشعر ان الداخلية قادرة
ابراهيم : مواطن ... ولكن سلوكنا اختلف
لميس : يعنى الوضع عند سيميراميس مثلا تقدره تلموه فى نص ساعة
ابراهيم : عارفة الوضع عند سيمراميس ده يؤلمنى لان الاوتيل لما دخلوا على السياح والسائحات داخل غرفهن وهن نائمات ولولا العمليات الخاصة لكانت فضيحة عالميا وقضت على السياحة نهائيا ومن الجمعة اللى فاتت عملنا مجموعات قبض وكل اسبوع باقبض على اكثر من 40 واحد .
لميس : هل فيه حالات قبض كثيرة واعتقالات على النشطاء ؟
ابراهيم : انا باعترض على هذا انا لم اعتقل او اقترب لاى ناشط سياسى وكلها على محاضر نيابة وانا ماليش علاقة بها وما حدش يقبل ان مجند للشرطة واقف مستنى عقيد بيقدم رسالة فى الجامعة الامريكية فى محمد محمود ودى واقعة الناس شافوها يقوم سبع افراد منهم بنت يرموا عليه بنزين ويولعوا فيه بالولاعة فيتفحم
لميس : بس دول اكيد مش نشطاء
ابراهيم : انا مش عايز اسقط على حد واتظبطوا وحينالوا اشد العقاب وباسال ليه هذا التعامل مع الشرطة ليه ؟؟؟!!!
لميس : هل طالبتم بتغليظ العقوبات على المعتدين على الشرطة ده له علاقة ب30 يونية
ابراهيم : اطلاقا .. وبعدين لن يتم اعتماده قبل 30 يونيه لسة فى اللجنة التشريعية وحيلاقى جدل
لميس : بتواجه اعتراضات كتيرة من مجلس الشورى ؟ كتير منهم معترض عليك عشان موقفك من الضباط الملتحين
ابراهيم : انا عمرى ما رحت لهم ورافعين على قضيتين لالزامى بالقبض على تمرد والتانية لاقالتى لسة قارى ده فى المصرى اليوم تقريبا
لميس : سامعة ان فيه دعوات يوم 21 لاقالتك ؟
ابراهيم : يا ريت
لميس : بتقابل هذه الدعوات ازاى ؟ بتشعر بايه لما بتسمعها ؟
ابراهيم : باحس بالراحة
لميس : انا عارفة انك ضد اخونة الشرطة علاقة المهندس خيرت الشاطر بجهاز الامن الوطنى ؟
ابراهيم : سئلت هذا السؤال اكتر من مرة الامن الوطنى يتصل بكافة الاحزاب وكون يتصل باحد قيادات الاخوان فى اطار العمل امر طبيعى
لميس : علاقة عمل ايه .. ممكن يتصل بالاحزاب لكن بالاخوان ليه علاقة الاخوان اساسا غير شرعية
ابراهيم : حاقولك على حاجة .. كونه يستفسر عن شى ء او يطلب معلومة فى شىء طب ما هو بيتصل بالجميع انما بالمحافظة على سرية عمل الجهاز وعدم الاخلال بوظيفته وانا اثق فى مساعد الوزير القائم على الجهاز اثق فيه جدا
لميس : كل الكلام المتداول ان هؤلاء اللى بيديروا الجهاز ..
ابراهيم : ما حدش فينا حيقبل ده
لميس : وتسريب الملفات وان ملفات الاخوان كلها ضاعات
ابراهيم : وقت اقتحام الجهاز اعقاب الثورة فيه حاجات اتاخدت انما الاعظم منها حمته القوات المسلحة وسلمته لنا وكل محفوظ على سيديهات
لميس : وورق الدكتور مرسى وبس اللى ضاع ؟.
ابراهيم : انا شرحتهالك وبارجع اكرر اسالوا حبيب العادلى زى ما سالت المحكمة محمود وجدى اذا كان قرار اعتقال حيبقى عند العادلى واذا كان قرار بالعفو حيبقى عند محمود وجدى واصطفلوا معاهم
لميس : تقول للناس ايه ؟
ابراهيم : اطمنوا يوم 30 حنقوم بواجبنا واحنا مع الشعب وحنامن مظاهراتكم وارجو تكون سليمة وارجو التيارات الاسلامية ان تحتجب عن النزول فى هذا الوقت لتجنب ما لا يحمد عقباه وبجانب تامينكم عونونا لتامين النشآت الحيوية اللى ملك الشعب كله وارجو ما يبقاش فيه احتكاك مع الشرطة وحطينا قواعد للتعامل فيها فى هذا اليوم من الوزير لاصغر مجند وارجو المحافظة على سلمية اليوم لاعطاء صورة مختلفة عن ما يشاع واعتبرنا نسيج واحد ما انا ممكن حد من عيلتى يبقى فى المظاهرات
لميس : سامعة فيه ضباط عايزين ينزلوا كتير كمواطنين عندك مشكلة معاهم ؟
ابراهيم : حنبقى مشغولين انا سمعت فيه منهم بيمضوا تمرد ما حاسبتش حد داخل الوزارة حياديين وداخل اطار عملى واطالب كل ضباطى بعدم الخروج عن الحيادية كما اقسمنا مع الجميع وارجو ان النظرة تجاه الداخلية تتغير وفى اطار تقديم خدمة مقابل الاحترام وانا سابذل اقصى جهد لكى لا يتكرر مشهد 28 يناير واستغاثة النساء من البلطجية والذعر الذى كان فى البيوت وسنقاتل من اجل عدم عودة هذا المشهد مرة اخرى وحفظ الله مصر ...