لميس الحديدى:مساء الخير ، بصراحة ماتش جميل جميل جميل بس هو أللى ينقط بجد وأللى يضايق جدا لما أنتم بتعرفوا تعلبوا كده طب ما لعبتوش يوم الثانوية العامه ليه ؟ يوم الجزاير ملعبتوش كده ليه ؟ حاجة تضايق جدا لكن حاجة تسعد برده أن الواحد يشوف لعيبتنا قدام كاكا ورفاقه بيؤدوا هذا الأداء الرائع زى ما بنقول أن فريقنا بيضايقنا جدا ساعات برده بيفرحنا ساعات كتيرة جدا ويعنى ربنا يكرم وأللى فيه النصيب بقى يدوهلنا ننتقل إلى موضوع هذه الحلقة ضيفنا النهارده أحنا ألتقينا بيه منذ سنتين تقريبا داخل السجن أو داخل مكتب المدعى العام الأشتراكى ويعنى أجرينا معاه حوار وقتها ربما كان الأول مع رجال الأعمال المتعثرين وهم يقضون حكما من الأحكام يعنى المصدره عليهم الأن نلتقى به ولأول مره أيضا بعد خروجه من سبع سنوات عجاف وراء الأسوار فى لومان طره مجدى يعقوب رجل الأعمال المعروف جدا رئيس مجلس إدارة المجموعة الثلاثية هى مجموعه مشهورة جدا لها توكيلات ونشاطات مختلفه ماذا حدث له ؟ كيف قضى أيام السجن كيف تمكن أن يسوى جزء كبير من المديونية داخل السجن ؟وماذا سيقوم به بعد ما يخرج من السجن ؟ طبعا كان فيه فترة من الفترات المتعثر يخش السجن على طول هو كان السيستم كده متعثر لأسباب حقيقيه لأسباب غير حقيقية أخذ العاطل بالباطل وكانت الأحكام تقضى بأن أنت أتعثرت شيك شيكين تلاته يعنى السوق باظ معاك السوق ما باظش يعنى أنت فى النهاية نصاب بشكل أو بأخر أمام بعض الناس لكن تغير قانون البنوك وتغيرت الإدارة الأقتصادية وتغيرت الحكومة وأصبح يعنى فيه فكرة التصالح من يقوم بالتصالح ؟ من يسدد؟ من لديه نيه فى السداد؟ وفيه تقدير كمان أن التعثر ده نشاط اقتصادى طبيعى جنرال موترز فلست رؤسائهم مرحوش السجن هذا فى الفكر الأقتصادى الطبيعى جدا طالما أن المواطن أو رجل الأعمال مخدش الفلوس وصرفها على حياته الخاصة ودا طبعا جزء من الأتهامات التى وجهت لعدد كبير من رجال الأعمال فى هذه الفترة بتكلم على فترة سنة 99 ، 2000 فى هذه الحدود بموجب هذه التعديلات فى قانون البنوك خرج عدد كبير من رجال الأعمال حسام أبو الفتوح خالد محمود أللى كان ضيفنا أيضا فى هذا البرنامج والأن ربما أخيرا وأكتر واحد أتأخر كان مجدى يعقوب مجدى يعقوب قصته فيها تفاصيل كتيرة جدا منها أنه الوحيد الذى أحيل للجنايات 4 مرات أكيد عمل مصايب هنحاول نعرفها منه أزاى يحال للجنايات 4 مرات ؟ أكيد فى كارثة فظيعة جدا أرتكبها ماذا سيفعل؟ كيف أستقبل حياته ؟قضى الليله الأولانيه أزاى ؟ حكاية مجدى يعقوب بتفاصيلها التى تابعناها منذ اليوم الأول نحن أيضا نتابعها بعد الخروج للحرية لقطات لمجدى يعقوب المحكمة القاضى/ مجدى يعقوب سامح رشدى قررت المحكمة تأجيل نظر الدعوة لجلسة 3 2009 لتقديم التسوية النهائية وأمرت بالأفراج عن المتهم الثانى مجدى يعقوب بضمان محل أقامته مجدى/ كنا حريصين على السداد قبل التسوية كنا حريصين أن أحنا نوقع على تسويات نكون قادرين على سدادها مش تسويات علشان تسويات السجن مقبرة يعنى حاجة صعبة جدا لكن الحمد ألله مفيهاش حاجة ربنا بيدى أبتلاءات للبشر والأبتلاءات دى يا أما بتخلق رجال يا أما بتسقط أحنا مسقطناش السجن مقبرة الأحياء مجدى/ حكم عادل بس متأخر شوية فرح وفادى بنتى بنتى عايزة أعوضها السنين أللى راحت لميس الحديدى/ والسجن مقبرة الأحياء مجدى حمد ألله على السلامة مجدى يعقوب / ألله يسلمك لميس الحديدى/ هذه الدموع التى أراها فى عينيك الأن ورأيناها وأنت تخرج من السجن من سبع سنين مجدى يعقوب/ 6 سنين و7 تشهر وأسبوع لميس الحديدى/ عددهم باليوم مجدى يعقوب/طبعا الحمد ألله لميس الحديدى/ دموعك دى ليه ؟ احساس بالظلم ولا طب خلينا أسئلك على دموعك أللى شوفناها فى المحكمة ؟ مجدى يعقوب/ هو الساعة 2 القاضى رفع الجلسه علشان يدى القرار بتاع المحكمة الساعة 2و 10 سمعت أن عمى توفى فكنت ببكى لأنى كنت نفسى أشوفه عارفة والدى توفى فى 2007 وأنا محبوس وعمى دا يعنى ريحة أبويا وهو شريك أبويا وقصة طويلة يعنى فكنت حريص أن أطلع أشوفه هو كان تعبان قوى فا سمعت خبر وفاته 2و 10 ،2 وتلت المحكمة أصدرت قرارها بالأفراج فطبعا كان فيه تناقضات جامدة جدا فمش عارف بعيط على أيه ولا أيه دا السبب لميس الحديدى/ قبل ما أخش بقى فى أنا كنت الحقيقه باديه بالجزء الأقتصادى لكن خلينى أسئلك عن اللحظات الأولى لى لقاءك بفادى وفرح أنتى سبتهم كان عندهم كام سنه ؟ مجدى يعقوب/فرح كان عندها تقريبا 6 سنوات وفادى كان حوالى عنده 10 سنوات لميس الحديدى/كنت بتقابلهم فى السجن ؟ مجدى يعقوب/لأ كنت ما بخلهمش يجوا السجن خالص لأنى كان صعب جدا بس فادى لما كبر شوية أبتديت أخليه يجيلى السجن كنا بنروح جهاز المدعى بننزل دايما بنخلص تسوياتنا هناك فكانوا بيجونى على هناك على أساس أن المكان أقدر أقابلهم فيه لكن ما خلتش بنتى خالص تيجينى السجن يمكن جاتلى مرة أو أتنين فى الآخر لأنها كانت وحشانى جدا وكنت أنا على أتصال بيهم لميس الحديدى/ عمر كامل مجدى يعقوب/ أه سنين صعبة جدا كان لازم أكون معاهم فيها ومهمة جدا بس الحمد ألله أن ربنا حفظهم دى أهم حاجة لميس الحديدى/ والليلة الأولانية قضيتها معاهم أزاى ؟أولا قابلت فرح أزاى ؟ جت قابلتك أزاى ؟ مجدى يعقوب/أنا رحت العزى بتاع عمى بالليل وكنت مستنيها هتجينى أو أستنتنى فى البيت كان عندنها درس أو حاجة فهى جات أستنتنى وبعدين أما قابلتنى جريت فى الشارع ونطت عليا تعيط وتصوت وتعمل مش مصدقة مش مصدقة أنك قدامى يا بابى ونمت جانبيها يوميها أنا طبعا مش عارف أصلا أنا على السرير عندى مشكلة كنت بنام على الأرض فعندى مشكلة لميس الحديدى/ كنت بتنام على الأرض مش قلنا زنزانه 5 نجوم مجدى يعقوب/خالص خالص خالص صدقينى لأ بس يمكن المكان بتاعى كبير شوية عشان بقالى مدة كبيرة فكل شوية باخد حته لميس الحديدى/ بيوسع طب نيجى بقى للجزء الأهم دلوقتى أنت أترافعت فى المحكمة ليه ؟ عندك طاقم محامين كبار عندك الدكتور آمال عثمان عندك طارق عبد العزيز عندك مجموعة كبيرة من المحامين ليه صممت فى هذه الجلسة الأخيرة أنك تترافع بنفسك ؟ مجدى يعقوب/ أنا كنت عايز أوصل أللى جوايا يعنى عايز أوصل موقفى وهما طبعا وصلوا الكلام دا كله بس أنا كنت حاسس أنى لازم أطلع مش عارف أزاى حسيت كده يعنى فطلبت أنى أخرج وهو حتى سيادته قال عندك المحامين دول كلهم قلتله عايزة أتكلم لميس الحديدى/ بأختصار قلت أيه ؟ مجدى يعقوب/ أبدا قلتله أنا 6 سنين و7 تشهر و7 أيام موجود فى هذا المكان وأنا متقاعتش عن شىء وخلصت أحلت 4 مرات محكمة الجنايات 3 قضايا قضوا بالبراءة بأنقضاء دعوة التصالح والقضية الرابعة قدام سيادتك موافقة مجلس الأدارة طلعت والدفعة المقدمة أتسدد منها جزء كبير حوالى 90 مليون جنيه من 135 مليون وممثل البنك قال أن باقى الدفعة المقدمة موجود بس فيه منع تصرف لأن حاجتنا كلها موجوده بس أرفعوا منع التصرف فيه أصول بحاول 500 مليون بتتسدد وقلتله عندى بعض المشاكل فى أصولى ما أنكرتش مش هينفع تطلع مش هتنفع تخلص غير لما أطلع أخلصها مهما كان عندى ناس ومحامين لازم فيه حاجات عايزانى أخلصها لميس الحديدى/ طب خلينى أرجع شويه للخلف يعنى فى نهاية التسعينات كان هناك مجموعه من رجال الأعمال كان فيه رأى عام عليهم مناهض وقيل أن هما مبذرين وبذخ وبياخدوا الفلوس ويهربوا وياخدوا القروض من البنوك ويعملوا بيها نشاطات أخرى بيصرفوها على أنفسهم بيصرفوها على حياتهم بصراحة دى كانت الصورة أللى كانت عليك وعلى حسام وعلى خالد محمود وعلى مجموعه أللى هما أطلق عليهم نواب القروض والكلام دا كله فين الحقيقة ؟ طبعا فيه حاجات أتغيرت معظم هؤلاء خرجوا من السجن لكن يظل النظرة عند المجتمع تحتاج إلى التصحيح أتفضل مجدى يعقوب/ فى وقت كان فيه توسع وكانت البلد بتساعدنا أن أحنا نتوسع لميس الحديدى/ وكان فيه قرارات سياديه بزيادة الأئتمان مجدى يعقوب/ أه وكان فيه يعنى توسع فى المشروعات ممكن يكون الواحد فى وقت من الأوقات فى مشروعات تحتاج كوادر ليها خبرة وليها ثقل يمكن دا الواحد متوفقش فيه قوى لميس الحديدى/ يعنى توسعت فى نشاطات زيادة عن اللزوم مجدى يعقوب/ زيادة لكن كلها الفلوس موجوده مودنهاش فى حته لميس الحديدى/ طب ماهى الفلوس موجوده يا أستاذ مجدى ليه مسددتوش؟ مجدى يعقوب/ما هو دلوقتى أحنا حاطين الفلوس مثلا فى مصنع من المصانع والمصنع ده مكملتهوش هتيجيلى فلوس أزاى ؟ لازم تشغليه وتكميليه ما جه وقت لو تفتكر حضرتك فى 2001 أو 2000 الدنيا قفلت أحنا ماشين بنجرى وجه وقت فى 2000 الدنيا قفلت شوية الأستاذ أحمد البردعى لأ هات الفلوس طب هجيب منين مفيش يا الفلوس يا بلاش لميس الحديدى/ طب خلينى أفصص الأمور أكتر أنت لديك مجموعه من القضايا أللى هى معظمها قروض مع البنوك والبنك العقارى فيه مجموعه قضايا لكن القضيتين الأكبر مجدى يعقوب/لأ معنديش قضايا خالص غير القاهرة وأكستريس لميس الحديدى/القاهرة وأكستريس نبتدى بأكستريس ثم ننتقل إلى البردعى أكستريس أجمالى المديونية عموما فى كل البنوك كانوا كام ؟ مجدى يعقوب/أجمالى المديونيه كلها التسويات إللى سوتها للبنوك كلها سواء أللى طلع بيها موافقات مجلس إدارة علشان أكون دقيق مليار و400 مليون دول إللى أنا وافقت عليهم وأتفقنا على هذه المبالغ وأنا فى السجن لميس الحديدى/ أصل المديونيه كان كام ؟ مجدى يعقوب /حوالى 650 مليون لميس الحديدى/ والباقى ده فوايد ؟ مجدى يعقوب/فوايد وافقنا بيها وهما أسقطوا جزء كمان لميس الحديدى/ طب وأزاى عرفت تسدد وأنت فى السجن ؟ مجدى يعقوب/ ما هو أنا كان فيه هدف قدامى أنى لازم أخلص ولازم أسدد إللى عليا ولازم أبرأ ذمتى وذمة ولادى دا كان هدف أساسى فكنت معنديش حاجة غير أنى أعمل كده وكان المدعى الأشتراكى طبعا ساعدنا جدا المستشار جابر ريحان طبعا يعنى ساعدنا جدا فى فترة حوالى 3 سنوات أن أحنا بننزل بنقعد بنفسنا مع البنوك ونتفاوض وكده والحاجة كلها موجوده يا لميس الحاجة كلها موجوده لميس الحديدى/أمتى حسيت أن هناك خطر ؟ يعنى أمتى حسيت لأ دا أنا أحتمال أروح السجن ؟ مجدى يعقوب/ ولا مرة لميس الحديدى/ ولا مره أنا فاكرة أنا سئلتك السؤال ده من سنتين وأحنا فى مكتب المدعى الأشتراكى وقلتلى ولا مرة مجدى يعقوب/ أنا منعت من السفر فى 99 أتحبست فى 10 2002 ال3 سنوات دول إللى هما كانوا الناس مشيوا كتير قوى لميس الحديدى/ فيه ناس كتيرة هربت مش مشيت هربت مجدى يعقوب/ أنا عايزة أقول إللى مشيوا دول أو هربوا دول مش نصابين يعنى دول خايفين برده يعنى دول خايفين من أى حاجة تحصل يعنى بدليل أن هما بيخلصوا أهم يعنى جزء كبيرمنهم بيخلص لميس الحديدى/ ليه ما فكرتش تهرب ؟ مجدى يعقوب/أهرب ليه ؟ ما أنا قادر على أنى أخلص أنا ماكنتش مصدق أنى ممكن أتحبس لميس الحديدى/ بس قيل وقتها أنك أنت كنت على شفا الهرب وأن أنت كنت هتهرب عن طريق على ما أعتقد عربيه عن طريق ليبيا وما إلى ذلك وأن هما جابوك من هناك مجدى يعقوب /أنا قلتها قبل كده وهيعدها تانى كلمنى لواء فى الرقابة الأداريه أسمه فهمى عبد اللطيف قاللى عايزنك بكرة 5 دقايق الصبح رحت معايا السواق عادى وطلعت ولا مشيت ولا همشى دى بلدى أحنا لينا جذور هنا لميس الحديدى/ أيوه لكن فى ال3 سنين كان خرج فيهم رامى مجدى يعقوب/ رامى مشى والجرحى مشى وعمرو النشرتى مشى ومصطفى البلديى مشى لميس الحديدى/ ألله يرحمه مجدى يعقوب/ ألله يرحمه وأحنا قادعين ومش مصدق أنى ممكن حاجة تحصل أه متعثر لميس الحديدى/ طب ليه ما حاولتش تسدد فى ال3 سنين قبل ما تبتدى تطلع الأحكام مجدى يعقوب/ ما أنتى عارفة حضرتك محدش كان بيخلص وقتها فرقى بين حاجتين 2004 عهد الدكتور فاروق العقدة سياد المحافظ وفرقى بين سياد المحافظ محمود أبو العيون وفريقه ورفاقه يعنى قصدى أنا أسف فى الكلمة يعنى رؤساء البنوك إللى كانوا وقتها موجودين يعنى فرقى بين الأتنين دول المجموعة إللى جت بعد كده حاجة تانية خالص لميس الحديدى/ قبل ما يمسك البردعى أحمد البردعى رياسة بنك القاهرة كان فيه المرحوم محمد أبوالفتح وقيل أيضا الحقيقه وقتها وهو توفى داخل السجن مجدى يعقوب/توفى معايا فى نفس الزنزانه إللى فيها وتوفى مع بعض الساعة 12 بالليل توفى وكان حالته صعبة جدا كان راجل من أشرف الناس لميس الحديدى/ أتوفى وأنت قاعد جنبه ؟ مجدى يعقوب/ جنبى 12 بالليل وكان يوميها تانى يوم عندى حكم فى أول قضية تانى يوم الصبح وخد فيها براءة وكان بيضايقنى فى حاجات صعبة شوية قابلناها لميس الحديدى/ كان تعبان يعنى؟ مجدى يعقوب/ هو كان عنده القلب لكن هو يعنى دا إللى حصل يعنى لميس الحديدى/ طب رحمة ألله على الجميع لكن قيل وقتها أنه أحد أسباب هذه المأساه إللى حدثت لأنه فتح الأئتمان بلا ضوابط بلا معايير على البحرى زى ما بيقولوا وجه أحمد البردعى ليحافظ على أموال المودعين قوللى ردك على ده ؟ مجدى يعقوب/ أنا مش هقولك أستاذ محمد أبوالفتح ألله يرحمه كان بيقول أيه متحفظ جدا هو أه بيدى تسهيلات بس الناس مفيش حد خزله إللى حصل كله لميس الحديدى/ ما أنتوا خزلتوه أهو مجدى يعقوب/ لأ البردعى الكل خزل البردعى أحمد البردعى كل الناس مشيت وقت ما أحمد البردعى مسك البنك كله مشى خافوا كان بيقول هحبسكم هسجنكم لميس الحديدى/ أو يمكن لما هو طلب بداية الرد أو شايف أن فيه تعثر مجدى يعقوب/ ما أنا عايزة أقولك على حاجة حضرتك هيرد أزاى التسويات دى ليها أصول يعنى ليها أصول حضرتك استاذ أحمد دلوقتى يعنى ماسك شركة أو حاجة عند أوراسكوم حاجة أئتمان يعنى متناهى الصغر أئتمان فى ال 50 ألف هودا أللى ناجح فى حاجة زى كده لأن هو رجل مصرفى محترم فى ده لكن تسويات للى عليه مليار طب سوا لمين هو ؟ مسواش حد من الكبار خالص لميس الحديدى/ أنت ترى أن أحمد البردعى هو كان ومازالت عند رأيك أللى أنا سئلتك فيه 2007 أنه كان السبب الرئيسى فيه تعثر أو فيه هذه القضايا المعقدة لكثير من رجال الأعمال ؟ مجدى يعقوب/ أنا هحكيلك حاجة صغيرة حصلت معايا صغيرة فى نص دقيقة أنا أرسلت خطاب لسيادة رئيس الوزراء الدكتور عاطف عبيد أن عندى مشاكل مع بنك القاهرة وعايز أسوى وسياد الدكتور صفوت النحاس كان على أتصال بى وحدد ميعاد ورحتله وقاللى أنا عايز منك كذا وكذا وكذا خد منى حاجات ب150 مليون جنيه فقلتله أنا خايف لا ياخد ال150 مليون وبعدين ما يسويش معايا فالدكتور صفوت قاللى لأ خلص معاه وهو وعد وهيخلص وحاجات زى كده وقابلت الدكتور عاطف عبيد شخصيا كان فيه حاجة تانيه وقلتله على هذا الكلام قاللى لأ كله تمام خد ال150 مليون ومسواش حاجة وخدهم دخلهم علشان يحسب فوايد علينا ما القصة أن هو عايزيحسب فوايد علينا علشان منسددش ومنخلص هو لما جه فى 2007 مع حضرتك قال أيه؟ قال دول مش هيخلصوا خالص هيخلصوا أزاى ؟ لميس الحديدى/ بس خلينى أقولك ما هو قال حاجات تانيه قال أنواأن أنتم أستخدمتم هذه الأموال فى نشاطات أخرى يعنى أنت حضرتك بتستلف القرض لمشروع ثم تنفقه على مشروع آخر وقال أن أنكم خدوا الفلوس وأنفقتوها على أموركم الخاصة فيلا مش عارفة فين فى ماربيا بصراحة كنتم عايشين عيشة مترفه مجدى يعقوب/أحنا عايشين عيشة كويسة من زمان مش من وقت بنك ولا وقت كذا أحمد البيه ما كنش عايز يخلص مع حد خالص من الكبار لمواضيع شخصية لميس الحديدى/أيه مصلحته يا أستاذ مجدى أن هو يعنى يتعنت يعنى ؟ مجدى يعقوب/طب هو يقول مين خلص معاه من الكبار كلهم حسن دره خلص بعد كده منتصر أبو غالى خلص بعد كده مفيش حد خلص معاه لميس الحديدى/طب البردعى رحل فى 2004 عن بنك القاهرة من 2004 لى 2009 مش كتير شوية مجدى يعقوب/أحنا خدنا فى 2007 ما هو سايب تركه ثقيله جدا الناس المحترمة محمد بيه بركات قاعد يحسب فوايد على المديونيات وفوايد ناس فى السجن واحد فى السجن يسدد 100 مليون جنيه فوايد ويطلع يقول خدوا مليار و400 ومليار و500 مخدناش حاجة مخدناش الأرقام دى أصل مديونية بنك القاهرة 350 مليون هو بيقول مليار و400 أنا وافقت فى التسوية ب835 يعنى فيه 500 مليون جنيه فوايد وافقت قاعد يحط فوايد على الحسابات ويبلغ المالك ويحطها فى الميزانيه مش عايز أقول أن دا تزوير وقلناها دا تزوير أزاى أنا واحد متعثر وأزاى واحد فى السجن وأزاى واحد زى ما هو بيقول متوقف أحسب عليه فوايد ؟ لميس الحديدى/ ممنوع التصرف فى ممتلكاتك مجدى يعقوب/ كان فيه قرار أسمه 321 بتاع البنك المركزى بيقول بعد 3 شهور لو العميل ما غطاش الفوايد الحساب بعد كده يتجمد يعنى الفوايد دى ما يحطهاش قعد يحسب أما جه محمد بيه بركات البنك مشكله مليار ونص على مجدى يعقوب والدين 300 و400 خدت وقت منهم لغاية ما يوصلوا معانا لحلول هو تعبهم لميس الحديدى/ هل صحيح أن فى يوم من الأيام طلب منك تسديد 30 مليون جنيه وأنت داخل السجن خلال 48 ساعة ؟ مجدى يعقوب/ حصل بس دى كانت لى حاجة تانية فى أكستريس أحنا كنا سوينا مديونيه وأتفقنا على سداد 20 مليون جنيه نقدا والباقى بضمانات البنك وبعدين محضر الصلح لما راح للبنك المركزى طلبوا قالوا عايزين نزود المقدم وعايزين ال30 مليون جنيه بعد بكره علشان الجلسه لو ما جبتهمش الجلسه هيبقى فيها مشكله فى المحكمة وأنا كنت مخلص كله وماضى على محضر الصلح لميس الحديدى/ عملت أيه ؟ مجدى يعقوب/ كلمت الدكتور رؤوف غبور وربنا يخليه وأدانى ال30 مليون جنيه وسددتهملوا بعد 45 يوم وجابر بيه ريحان سياد المستشار حضر هذا الأمر لميس الحديدى/ يعنى فيه ناس وقفت معاك مجدى يعقوب/ طبعا لميس الحديدى/ هاجى لسيرة الناس أللى وقفت معاك دى بس أتصلت برؤوف غبورأداك 30 مليون مجدى يعقوب/قلتله على 30 مليون جنيه بعد يومين أداهملى وسددتهم والبنوك عرفت محمد بيه بركات عرف وسياد المحافظ عرف الفلوس دى منين ؟ لميس الحديدى/ أرجع تانى لقضية بنك القاهرة أنت كنت رجل قوى ملء السمع والأبصار وكذلك كان زملائك أو يعنى أقرانك من رجال الأعمال ما كنتوش بترفعوا ليه سماعة التليفون على دكتور عاطف عبيد على الرياسه على حد مهم يعنى أنت كنت ناس واصلة ناس مهمة فى البلد يعنى كان كبار رجال الدوله بيجوا يفتحوا مشارعكم ويقصوا الشريط ليه مرفعش مجدى يعقوب التليفون على حد يقولوا أحنا هنروح فى داهية؟ مجدى يعقوب/ أنا مفيش غير الميعاد إللى رحته ده وكنت رايح لحاجة تانيه لمشروع مع سلطان أبن فهد أبن عبد العزيز كان بيشاركنى فى مشروع ومعايا فيصل أبن عمه وكنت رايح للدكتور عاطف علشان مشروع بنعمله شراكه وبعدين قلتله على الموضوع دا أللى حصل يعنى أنا مرحتش مخصوص علشان كده قدمتلوا طلب وبعد كده كلف الدكتور صفوت أن هو يتابع الأمر لميس الحديدى/ يعنى تعتقد أن تعنت ما تطلقون عليه تعنت البردعى دا كان بأمر سيادى بأمر الحكومة ؟ مجدى يعقوب/ لأ خالص خالص بدليل لما الإدارة أتنقلت ولما سياد المحافظ فاروق بيه جه القصة أتغيرت كلها أتغيرت أينعم خدوا وقت مخلصوش بقى بسرعة لأن فيه مشكله يعالجوا أزاى واحد عليه على الورق مليار وشوية ؟ لميس الحديدى/ حاسس أن أنت التصالحات بتاعتك أنت بالذات أتأخرت شوية عن الباقين مجدى يعقوب/ شوية لميس الحديدى/ شوية أنا فاكرة فى كل جلسة يقولوا خلاص مجدى هيطلع مجدى هيطلع فى أى سبب ما فى رأيك ولا؟ مجدى يعقوب/ هما كانوا عايزين تسوية بنك القاهرة يتأكدوا أن هى خدت موافقتها وبتتفاعل فيها بجديه لميس الحديدى/ مجدى هنخرج فاصل أعلانى وبعد هذا الفاصل هنشوف جزء من أول حوار أجريناه مع الأستاذ مجدى يعقوب داخل مكتب المدعى العام الأشتراكى ودى فرصة أنى أنا أحيى المستشار جابر ريحان رجل ربما لا يعرفه كثيرون لا يتذكره الكثيرون أنه رجل ساهم فيه حل كثير من القضايا كنت بروح مكتبه كتيروكنت بشوف بيحل قضايا مش بس قضايا الكبار ولكن أيضا قضايا الصغار فاصل ونرجع فاصل لقطات لمجدى يعقوب من حلقة سابقة لميس الحديدى/ ما فكرتش تهرب؟ مجدى يعقوب/ خالص وعمرى ما فكرت أنى أمشى رغم أن زملاء لينا كتير مشيوا لميس الحديدى/ هروب بعض زملائك زى ما بنقول أو أصدقائك أثر على موقفك سلبا ؟ مجدى يعقوب/بالتأكيد لميس الحديدى/ فكرت تهرب فلوسك طيب ؟ مجدى يعقوب/ أنا قاعد فى البلد ووبستثمر فيها وبشتغل أهرب أروح فين ؟ أحنا أخطأنا لكن بقول على أسلوب المعالجة كان ممكن ميبقاش بهذا الشكل- ما أشترتش حاجات شخصية كل حاجتى الشخصية كانت موجوده قبل ما أخد قرض بنك القاهرة- بس ممكن أكون أستثمرت فى حاجة مش فى نفس النشاط دا حقيقة وممكن يكون دا خطأ لميس الحديدى/أتمنعت من أيه ؟ مجدى يعقوب/ أنا أتمنعت من كل حاجة لميس الحديدى/ زى ؟ مجدى يعقوب/ممارسة الأبوه لميس الحديدى/ غلط فى أيه ؟ مجدى يعقوب/ماكونتش بشوف كويس لما دخلت السجن بقيت أشوف لاكويس ماكنش عندى تمييز لميس الحديدى/ أدينى تلت أخطاء ؟ مجدى يعقوب/ توسعت فى الشغل بتاعى وفى شركاتى وفى مشروعاتى وما أخترتش الكوادر السليمة إللى تقود النشاط أو الأنشطة دى لميس الحديدى/ مين خانك من أصحابك ؟ مجدى يعقوب/ كتير لميس الحديدى/ مين الشخص إللى بتشعر أنه المسئول الأول عن دخول مجدى يعقوب السجن ؟ مجدى يعقوب/ أنا لميس الحديدى/ مجدى يعقوب أتكسر ؟ مجدى يعقوب/ خالص لميس الحديدى/ مجدى يعقوب بيقول أنوا ما أتكسرش دا كان حوارنا مع الأستاذ مجدى يعقوب من داخل مكتب المدعى الأشتراكى 2007 وكان أول حوار يجرى مع مسئول من رجال الأعمال الكبار أول ما خرجت تانى يوم ودا أنا عرفته من بنك مصر رحت قابلت أستاذ محمد بركات مجدى يعقوب/ أنا كنت حريص أول ما طلعت أنى أقابل قيادة بنك مصر الناس المحترمين لميس الحديدى/ تانى يوم ؟ مجدى يعقوب/ تانى يوم حتى روحت معنديش هدوم أروح بيها الهدوم كلها قديمة وبتاع قلتله سورى أنى أنا جاى كده علشان أتفق معاه من تانى يوم هنعمل أيه الفترة الجاية ؟ وهسدد باقى المديونيه أزاى ؟ لأنى حريص على دا جدا لميس الحديدى/ طب دلوقتى خلينى أقول عارفة الأرقام الظبط أحنا بنكلم فى مليار و400 مجدى يعقوب/ دا أجمالى البنوك المحبوس عليها لميس الحديدى/ أنت سددت وأنت جوا السجن 600 مجدى يعقوب/ أه حوالى 625 مليون نقدى وعينى لميس الحديدى/ نقدى وعينى كنت بتعمل أيه بتبيع أصول ولا بتعمل أيه ؟ مجدى يعقوب/ كنت الأصول بتاعتنا بنحاول أن أحنا ونبيعها لميس الحديدى/ الشركة كانت شغالة ؟ مجدى يعقوب/ الشركات شغالة بس طبعا فيه توكيلات راحت لكن شغالين لميس الحديدى/ مين كان بيديرها ؟ مجدى يعقوب/يعنى عندنا أصطف كبير بيدير الكلام دا كله لميس الحديدى/ طب الباقى بقى من ال625 مجدى يعقوب/ لأ بنكلم فى حوالى750 ،770 مليون دول باقى المديونات للبنوك كلها لميس الحديدى/ لحد أمتى التسويات الجدول لحد أمتى ؟ مجدى يعقوب/ مفيش المفروض نخلص قبل 108 السنه إللى جاى كله لأننا أنا أوردى البرنامج محطوط أتفقنا على الأصول وهى أجراءات نقل الملكيه وفى بعض المشاكل بنحلها احنا معندناش مشكلة فى الجزء المتبقى لأنوا موجود مش لسه هنشوفه يجيى منين لميس الحديدى/ 7 سنين مجدى يعقوب/ 6 سنين و7 تشهر لميس الحديدى/6 سنين و7 تشهر مجدى يعقوب/ مش عايز أسمع 7 لميس الحديدى/ مش عايز تسمع 7 مجدى يعقوب /7 دى قالولى قعد ال7 وخد الحكم دفعت الفلوس ليه ؟ قلتلهم مش دا الموضوع أللى أنا لازم أدفع إللى عليا لازم ولادى ما يتقلش عليهم أن أبوهم كل البنوك دا مهم جدا وأحنا هنكمل دى بلدنا لميس الحديدى/ عرفت تشرحلهم الحكاية ؟لسه ولاد صغيرين يمكن مش فاهمين يعنى أيه بابا خد فلوس يعنى أيه خد كذا ويعنى أيه بابا فى السجن لما خرجت شرحتلهم القصة دى مجدى يعقوب/ أكيد أنا بشرحلهم بالراحة بس هما فاهمين كويس وهما يعنى فخورين بيا جدا أنى أتحملت وأنى واجهت يعنى هما بيقولوا الكلام الصعب بيقولوه يعنى فرح قالتهولى أول يوم ومستأدتهوش لميس الحديدى/ أيه أصعب أوقاتك؟ مجدى يعقوب/ لما أبويا توفى فى 2007ومحمد أبو الفتح لما توفى جنبى وعمى أنى أنا عايزة أطلعلوا توفى لأن عمى دا زى أبويا دا هو أللى موجود يعنى أللى باقى موجود من العيلة الكبار يعنى دول أللى أسسوا مؤسسة بغداد الشركة الأم يعنى لميس الحديدى/عنبر 3 فى لومان طره اشرحلى أحكيلى أوصفلى العنبر دا ؟ مجدى يعقوب/هما بيتفرجوا دلوقتى علينا وبيضحكوا أهم حاجة وأنا ماشى كان بيقولوا مين هياخد مكانى ؟ لميس الحديدى/ أه دا كانوا بيقسموا التركة بدرى بدرى مجدى يعقوب/ أخدها النائب السابق بهاء المليجى هو وواحد صاحبه خدوا المكان دا أهم حاجة لميس الحديدى/ مين كانوا أصحابك فى؟ مجدى يعقوب/ مرت عليا مجموعه كبيرة يعنى آخر واحد كان عماد الجلد فيه بقى بهاء الدين فيه طارق السويسى فيه وراح بعد كده المزرعة محمد المهندس راح المزرعة لميس الحديدى/وحسام أبو الفتوح أعتقد مجدى يعقوب/ حسام أبو الفتوح كان فى المزرعة لميس الحديدى/ صحيح كان فيه حاجة يوم الجمعة بتسموها فطار المحبة ؟ مجدى يعقوب/يوم الجمعة أنا بخش الصبح المطبخ أوضب فطارلى 30 نفر ومعايا ناس علشان بنفطر الصبح مع بعض لميس الحديدى/ بتفطروا أيه ؟علشان بس مسئولين السجون لما كانوا بيجولنا بيقولوا أن الأكل فى السجن ده أعظم حاجة مجدى يعقوب/لأ بنفطر فى مطبخ يعنى ملحق للمكان فبيبقى فيه أومليت وجبن لميس الحديدى/ أوملت ؟ مجدى يعقوب/ تشيز أوملت لميس الحديدى/الأصطاف كله ضحك طب أحكلنا السجن 5 نجوم الناس مش مصدقه متخيله أن رجل الأعمال بماله بما يملك يستطيع أن هويظبط حاجة أحنا بنسمع كلام بنسمع عن هشام طلعت دلوقتى أنه يدير شركاته من داخل السجن مثلا مجدى يعقوب/ عايز أقولك على حاجة السجن دا شىء صعب جدا مفيش حاجة أسمها الكلام دا خالص بيجوا يفتشونا على طول نطلع كلنا بره نطلع حاجتنا بره مفيش حاجة أسمها كده لميس الحديدى/بس أميرة كانت بتبعتلك الأكل أميرة دى شقيقتك ست عظيمة جدا مجدى يعقوب/ كانت بتبعت الأكل كل يوم وبعد كده أتمنع الأكل فى الفترة الأخيرة كان فيه موافقة بكده وبعدين الموافقة دى أتمنعت بعد كده لميس الحديدى/ هل فى السجن قربت من ناس يمكن ما كنتش تعرفهم؟ مجدى يعقوب/ناس طيبه جدا لميس الحديدى/ مش كلهم علشان بس نكون واضحين مجدى يعقوب/ أنا بتكلم على الغلابة لميس الحديدى/ ما هو أنت أحساسك أن يا ما فى السجن مظاليم بس مش كل إللى فى السجن مظاليم مجدى يعقوب/طبعا طبعا بقولك أنى فيه ناس منهم طيبيين أو غلابة وكويسين قوى شفت حاجات أنسانية كبيرة لميس الحديدى/ لما سئلتك السجن عمل فيك أيه ؟ قلتلى خلانى أشوف شوفت أيه ؟ مجدى يعقوب/ شوفت كل حاجة ما كنتش شايفها لميس الحديدى/زى ؟ مجدى يعقوب/ حاجات كتير شوفت الناس شوفت حاجات ما كنتش عارفها أكتر حاجة أتعلمتها يا لميس عرفت ربنا بجد لميس الحديدى/ وأنت ماكنتش بتعرف ربنا بجد ؟ مجدى يعقوب/ لأ ما كنتش أعرفه بجد لميس الحديدى/ دا أعتراف عظيم مجدى يعقوب/أنا عرفت ربنا بجد وعرفت يعنى صبر وعرفت يعنى أيه إيمان يعنى أيه التوكال على ألله ويعنى أيه ربنا بيقود حياتنا وهو بنديله مواضعنا وهو بيتصرف ويعنى أيه نتحمل أنا مصمتش خالص قبل ما أتحبس 40 سنة ما بصمش كنت فى السجن بصوم 100 يوم فى السنة ما كنتش بصوم خالص قبل كده فأنا السجن بالنسبالى ما أصبحش شىء بكرهه لميس الحديدى/ أعتدت عليه ؟ أصبح ألفه؟ مجدى يعقوب/ لا أبدا مش بكرهه لكن شىء أتعلمت فيه حاجات حلوة قوى وخلصت فيه مشاكل كتيرة قوى ونضجت فيه نضج آخر تانى فأصبح بالنسبالى مكان أتعلمت فيه أه أنا عايز أمشى منه لأن دا شىء صعب جدا لكن مش شىء أكرهه مش شىء مش عايز أشوفه لميس الحديدى/ بس ليه مش عايزة أقولك مش مصدقاك بس عايزة أوصل للحقيقة فى الحته دى مجدى يعقوب الرجل المترف كان عايش حياه جميلة فجأه يسيب كل ده الحرير والديمكس والسيارات إللى كذا وكذا وكذا العيشة إللى كنتوا عايشناها ثم أنتقلت إلى قضبان مجدى يعقوب/ما هو لازم هنتحمل ولا هننهار؟ هنبقى رجاله ورانا ولاد وعيال وبيت ودنيا وناس وناس موظفين وفيه بعد أجتماعى وفيه شركات أسيب الدنيا ولادى دول هيعملوا أيه ؟ ما هو لازم أخلص المشاكل دى وأخلص كل ده ما كنش عندى سكة تانيه كنت كل يوم أقعد أشتغل وأنا قاعد أقعد أكتب كل حاجة كنت بشتغل أكتر ما بشتغل بره لميس الحديدى/بتكتب أيه ؟ مجدى يعقوب/ بتجينى بوسته بكتب أى تقرير بعمل كل الشغل بتاعى ببعتلهم بيبعتولى معنديش حاجة غير أنى أشتغل ننزل للمدعى كل يوم ونسوى معندناش حاجة لميس الحديدى/ والفترة إللى بعد ما يعنى رحل جابر ريحان أو يعنى ذهب عن منصبه مجدى يعقوب/كانت صعبة جدا لميس الحديدى/ عربية الترحيلات ركبتها ؟ مجدى يعقوب/هى عربية الترحيلات يمكن أصعب شىء شوية لأنى هى درجة الحرارة جوا بتبقى أزيد حوالى 15 درجة فلو 40 تبقى 55 والسكة حوالى ساعة وشوية رايح وساعة وشوية جاى وكان لازم أنزل الصبح أصحى ألبس هدومى وأطلع أكنى رايح الشغل أقف قدام العربيه أروح مهما كان أغير القميص هناك أغير هدومى لكن عايز أشتغل فى أصرار أنى عايز أخلص مش مده عايز أطلع معلياش حاجة عايز أطلع مفيش فى حالتى الجنائية حكم حصل 6 سنين و7 تشهر واسبوع أنا الصحيفة الجنائية نضيفة يعنى مش مقضى 5 سنين ولا 3 سنين ولا سنتين كل الأحكام سقطت لميس الحديدى/ عربية الترحيلات دى كان فيها كذا حد ؟ مجدى يعقوب/ كنا أه 5 تنفار 6 تنفار بس أنا أكتر واحد ركبتها لأنى كنت حريص أنى أنزل كل يوم ويمكن فيه ناس ما كنتش بتحب لأنهم كانوا بيتعبوا أنا كنت بنزل كل يوم علشان عايز أخلص عايز أسدد عايز أسوى وربنا أكرمنى الحمد ألله لميس الحديدى/ مين وقف معاك ؟ مجدى يعقوب/ بصى الدكتور رؤوف غبور دا رجل عظيم وقف معايا المهندس نجيب سويرس مفيش مره كلمناه لميس الحديدى/ هو جدع مجدى يعقوب/ مفيش مره كلمناه إلا لما رد على التليفون مفيش حاجة طلبناها منه إلا لما عملها فيه برده أستاذ أيمن العشرى دا واحد برده من الناس إللى هما دفعلى مبلغ كبير جدا 90 مليون جنيه ودخل معايا شركة فى حاجة وهو مش عايزاها وأنا فى السجن يعنى برده حد يأتمن حد وهو فى السجن ؟ وطبعا فيه مجموعه تانيه أنتى عارفها عاطف سلام وأحسان دياب إللى طلعوا دول يعنى فيه ناس حلوة وفيه ناس كتيرة وحشة لميس الحديدى/ بعد ما خرجت تليفونك توقف عن الرنين ؟ مجدى يعقوب/ هو الحقيقة أنا بيجيلى فى اليوم حوالى 100 ، 120 تليفون لميس الحديدى/ مبسوط ولا زعلان بصراحة يعنى ؟ مجدى يعقوب/ أنا بضحك لأن ناس مشفتهاش من 7 سنين بتقولى أزيك يا مجدى هشوفك بكره وأنا مسمعتش صوتهم خلال ال7 سنين يعنى لميس الحديدى/ ولا سألوا عليك ولا بعتوا جواب ولا سألوا على الولاد ولا حاجة مجدى يعقوب/خالص خالص خالص فطبعا أنا بضحك عادى أتعلمت وفهمت أتعلمت أيه؟ أتعلمت دى لميس الحديدى/ ومين خانك يا مجدى ؟ أنا سئلتك السؤال ده قبل كده مين لستة بقى أيه أمير الأنتقام بقى الخونة الأصدقاء مجدى يعقوب/ لأ مش هنقول أسماء لكن ناس كتيرة جدا خانتنى ناس كتيرة جدا كلتنى ومدفعتليش فلوس ليا عندها أرقام خياليه من وقت ما أتحبست ومعاها فلوس عارفة لو واحد ممعهوش فلوس ومبيدفعش لكن ناس معاها فلوس ملايين وعليها ملايين مدتفعش خالص يعنى فى حاجات كتير لميس الحديدى/ عندك أسامى ؟ مجدى يعقوب/ لأ مش هقول لميس الحديدى/ بس ناس موجودين دلوقتى مجدى يعقوب/ موجدين موجدين أه أحنا لينا 500 مليون جنيه ما لمناش حاجة خالص من يوم ما أتحبست بسبب الأستاذ أحمد البردعى طبعا هيقول أيه؟ مش أنا إللى حبستهم أنا ما أحالتهمش طب ما أنت ما خلصتش معانا ما أنت سبت الموضوع يكبر وبعدين بتقول لى لميس أنا عندى مجلس إدارة لأ كانت كل حاجة بتتعرض عليك الأول هتوافق تدخل دى أو مش هتوافق ويسأل فى ذلك 2 موجودين حاليا واحد رئيس بنك محترم محمود عبد اللطيف إللى كان النايب بتاعه وصبحى بدوى حسنين النايب بتاع محمد بيه عشماوى كانوا النواب بتوعوا مشيوا طفشوا كانوا بيتفقوا معانا على حاجات بيطلعوا يقولولو يقولهم لأ يكسفوا يقابلونا ما كنش عايز يخلص بيخلص أى تسويات أم 2 مليون أم 10 مليون عملنا ويقول 20 تسوية طب ما ال12 ، 13 الكبار عملت فيهم أيه ؟ هربتهم كلهم ليه ؟ لميس الحديدى/ هنقف هنا ونخرج فاصل إعلامى وعندنا سيل من الأتصالات التليفونيه بعد الفاصل نتبتدى ناخد تليفونات لى رجل الأعمال مجدى يعقوب الخارج إلى الحريه بعد 6 سنين و7 تشهر وأسبوع فاصل ونرجع فاصل لميس الحديدى/ مجدى يعقوب الخارج للحريه منذ أقل من أسبوع واحد معانا تليفونات وأتصالات كثيرة ونبدأ بالأستاذ على موسى رئيس الغرفة التجارية مساء الخير على موسى/ مساء الخير أهلا بيكم أزيك يا مجدى مجدى يعقوب/أزيك يا على على موسى/ وحشنى وألله مجدى يعقوب/ ربنا يخليك أنتى فين يا على ؟ على موسى/ أنا فى تركيا يا مجدى مجدى يعقوب/ أنت مقلتليش كده أمبارح على موسى /أنا يا مجدى عايز أقولك حاجة وعايز أقول لكل الناس بتستمع للبرنامج دوا أنا 6 سنين ونص معاك تقريبا شبه يومى أنا مشفتش واحد عنده عزيمة وعنده قوة شخصية من الداخل زى ما أنا شفت أنت فى كل هذه الظروف كان المفروض أنك أنت كنت معارض أنت وصلت أنك حليت كل هذه المشاكل فى الظروف إللى أنت فيها أنت بطل وأن شاء ألله هتبقى أكبر رجل الأعمال مجدى يعقوب/ ربنا يخليك يا على لميس الحديدى/ بس يا أستاذ على الأشاعات كثيرة عن مجموعه كبيرة من رجال الأعمال منهم الأستاذ مجدى يعنى أنهم بددوا فلوس البلد وأنوا خدوا فلوس المودعين والكلام دا كله يعنى أنت كرجل أعمال وواحد فى البزنس يعنى زى ما بيقولوا ماذا تقول فى ذلك على موسى/ مجدى لو ماكنش مقيده حريته كل هذه المده كان خلص كل المديونات بتاعته فى أقل من سنتين مجدى لو كان أشتغل وقت ما البورصة وأنتعاش البورصة وكل الأسهم وكل الشركات العقاريه إللى عنده والأراضى إللى عنده كان حل مشاكله فى أقل من سنتين وأنا عارف لأنى أنا عارف تفاصيل المديونية بتاعه مجدى وتفاصيل ممتلكات مجدى لميس الحديدى/ أشكرك أستاذ على موسى مين معايا أشرف من القاهرة أتفضل أستاذ أشرف أشرف/ مساء الخير يا فندم لميس الحديدى/ مساء النور أشرف/ أستاذ مجدى أزيك حضرتك حضرتك يمكن ما تكونش فاكرنى أنا آخر مرة شفتك فيها من 13 سنه عند اللوا كامل ونس ألله يرحمه ازيك يا أستاذ مجدى وأنا عارف أنك طول عمرك راجل وطول عمرك تاجر جدع وأنا حقيقى لما سمعت الحديث بتاعك تشرفت أنى أنا كنت أعرفك من 13 سنة وربنا يا رب يكرمك فى ولادك وسلامى لى أشرف لأنك أنت فعلا ممكن تكون ناسى شكلى لما هتشوفنى هتعرفنى لكن أنا بقولك ربنا يكرمك وأنت أتعلمت من المحنة دى لميس الحديدى/ شكرا يا أشرف سيد من القاهرة أتفضل يا أستاذ سيد سيد/ سلامو عليكم لميس الحديدى/ وعليكم السلام سيد/ أزيكم الأول وأنا سعيد جدا جدا بوجود هذا الرجل أنا بتشرف بيه ومصر كلها تتشرف بيه وإللى زيه والمفروض أنت متأيس أنا عندى 67 سنة حضرت حروب اليمن وكله خلاص أنا راجل وطنى وأحب الراجل الوطنى لميس الحديدى/ أجدع ناس سيد/ أنا ليل رأى صغير أنت رجل أعمال أنا مش عارف الجيل إللى جاى هيكون مصيره أيه ؟ المدام بتقول أيه أنت خرجت للحريه أبدا أنت خرجت للسجن الكبير لميس الحديدى/ أه وهى وجهة نظر يا سيد أن دايما أقول جمهورنا فى أتكلم جمهور متفلسف لديه فلسفة ووجهة نظر أشكرك يا أستاذ سيد فعلا عندك وجهة نظر قوية مين معانا ؟ طيب لحد ما يحضروا التليفونات خرجت للسجن الكبير ناوى تعمل أيه بقى فى الشغل والبزنس؟ الدنيا أتغيرت يعنى المواضيع بقى فيها قصص بقى فيها فلوس كتير أكتر كتير من إللى أنتم كنتم بتكلموا ناوى تعمل أيه ؟ أيه خطتك للفترة القادمة ؟ مجدى يعقوب/ خطتى أن أحنا نركز فى أنشطة معينة وفيه أنشطة أو أصول غير منتجة دى أحنا بنتنازل فيها للبنوك لميس الحديدى/ أنتم بتشتغلوا فى أيه بالظبط غير التوكيلات ؟ مجدى يعقوب/ أنا عندى نشاط سياحى فنادق شغاله فى الغردقة مش عايز أقول أسمائها علشان لميس الحديدى/ لأ بلاش أسامى مجدى يعقوب/ وعندى نشاط صناعى جيد فى العاشر من رمضان وإللى هكبرها يعنى أحنا عايزين نتوسع فى المنشأت السياحيه عايز أتوسع فى التصنيع عايز أتوسع فى تصدير المحاصيل الزراعيه لأنى أنا عندى شركة كبيرة جدا فى هذا النشاط الحاجة التانيه بغداد الشركة الأم إللى هى بتاعة أبويا وعمى إللى أسسوها من 58 طبعا لازم الكيان ده يكبرويستمر لميس الحديدى/هرجع بس بعد ما أخد التليفونين دول أكلمك عن الأخطاء لأنوا أنتوا برده توسعاتكم أحيانا بتكون غير مدروسه ناديه من القاهرة أتفضلى يا أستاذة ناديه ناديه/ألو مساء الخير يا أستاذة لميس لميس الحديدى/ مساء النور ناديه/مساء الخير يا أستاذ مجدى مجدى يعقوب/ أهلا يا فندم ناديه/أنا بصراحة متشرفتش بحضرتك غير أسما فى الجرايد بس الحمد الله على سلامتك لى ولادك ولبيتك ولأسمك فى السوق والضربة إللى ما بتموتش تقوى وحمد ألله مرة تانيه على سلامتك وترجع أقوى من الأول 100 مليون مره لميس الحديدى/ شكرا يا ناديه هيام من القاهرة أتفضلى يا هيام هيام/ ألو أزيك يا أستاذة لميس لميس الحديدى/ أهلا وسهلا هيام/ أنا مديرة علاقات عامة فى جريدة الحقيقة وأعرف الأستاذ مجدى كويس لأن أخويا محبوس عنده كان زميله يعنى لو يتذكرنى هو من الناس المحترمة جدا والناس إللى عملت كتير جوا السجن ووقف جنب ناس كتير وأولهم أخويا وألله وبقولك ألف مبروك وأنت مشرف القناه الأولى وربنا معاك يا رب وتكمل المسيرة على خير لميس الحديدى/ الأستاذ طارق عبد العزيز المحامى مساء الخير يا أستاذ طارق والحقيقة لازم قبل ما أقلك مساء الخير اشكرك على كل مجهودك معانا يعنى أنت عاونتنا كتير جدا فى قضية مجدى غير أنك كنت أحد محاميه ولكن أيضا عاونتنا فى الأتصال بيه والمعلومات وفى البحث إللى أحنا أجريناه قبل أن نلتقى بيك أزيك يا أستاذ طارق طارق عبد العزيز/ ربنا يخليكى يا أستاذة لميس وأحنا شاكرين دايما على تبنيكى لى هذه القضايا ويعنى هى فرصة أنى أنا أقول لمجدى ألف مبروك ويعنى طالت المده لغاية ما شوفناه الحمد ألله على شاسة تليفزيونكم الجميل وإن شاء ألله يبقى أحسن من الأول بكتير ويعنى طبعا أنا عايزة أشكرك أنتى على الموقف أللى أنتى يعنى كنت سند لكثير جدا من المتعثرين كنت سند لمجدى لميس الحديدى/ أتمنى أن أكون سند للحق بس دا أهم حاجة طارق عبد العزير /كنت بتكلمى الحق والحمد ألله كان لهذا الدور يعنى فعل كبير فى أنهاء الكثير من المشاكل لكن أنا عايز أقولك على حاجة فيه أولا حاجتين عايز أتكلم فيهم لميس الحديدى/ أتفضل بس سريعا يا طارق لو سمحت طارق عبد العزيز/ حاضر الحاجة الأولى أنوا مجدى قدمها للناس كلها دون أن يقصد وهو الحكم الصادر من محكمة النقض من دائرة المستشار الجليل صلاح بيه البرجى إللى طبق فيه مبدأ جديد أعتقد محدش يعرفه أطلاقا أنوا هذا المبدأ كان القانون بتاع تعديلاته بيتطلب شكل معين للتصالح لابد أن يعتمد من السيد محافظ البنك المركزى ويوثق فى الشهر العقارى القصة دى سنة وشهرين و3 تيام إلى أن وافق السيد المحافظ وعرف أنوا التصالح وارد ووثقه جت محكمة النقض المصرية فى قضية مجدى وعلشان كده أنا بعتبر أن من حسناته الجميلة أن هذا المبدأ قال أيه؟ قال من الأخر كده علشان مطولش عليكى أنوا إذا كان المشرع قد طلب هذا التوثيق وهذ الأعتماد من المحافظ على وجه العموم هذا التوثيق وهذا الأعتماد من شروط التصالح وكل من سدد سواء المحافظ أعتمد أو لم يعتمد سواء وثق فى الشهر العقارى مجرد التصالح لميس الحديدى/ النقطة التانية يا طارق علشان بس وقت البرنامج والنشرة أرجوك طارق عبد العزيز / النقطة التانية يا لميس وأنا هقول لمجدى بقى هستأذنه زى ما كنا بنخصص وقت له النهارد جه الدور إللى يخصص جزء من وقته لرجال الأعمال أنت عارفة كتير من رجال الأعمال إللى خارج مصر وأللى حصل ليهم مشاكل عنهم مع مجدى يعنى مثلا على سبيل المثال عمرو النشرتى وأنت عارفة أن عمرو الحمد ألله خلص بنكين العقارى والتجارى المصرى وبقيله بنكين بنسوى فيه دلوقتى وأصول عمرو موجوده داخل تفليسه وتم تقييمها بما يساوى ضعف المديونية إللى موجوده عليه وعمرو يوم ما مشى من مصر فى 2001 لميس الحديدى/ يعنى بأختصار موقف عمرو دلوقتى أيه ؟ طارق عبد العزيز/ أنا عايز أقول أحنا دلوقتى بنسوى فى بنكين وبيتطلب له حاجات كثيرة لكن ودى لأول مرة بقول لحضرتك أحنا محتاجين ومش عمرو لوحده كل إللى موجودي بره عايزين يرجعوا وأنا قلت فى البرنامج قبل كده نفسهم يرجعوا لميس الحديدى/ يعنى أنا أعتقد أن أكيد سياد المحافظ سمعنا وأكيد إدارة بنك مصر بالذات أتمنى أن يكونوا سمعنا إدارة بنك مصر وبنك القاهرة والبنك الأهلى أه أعتقد أيضا البنك الأهلى شكرا للأستاذ طارق محمد من القاهرة أتفضل يا أستاذ محمد محمد / السلام عليكم لميس الحديدى/ وعليكم السلام محمد/وألله أنا فى البداية بشكر البرنامج أن هو أستضاف أستاذ مجدى يعقوب وبقوله حمد ألله على السلامة ونورت الحياه الخارجيه وأنا عارف كويس ومتأكد أنك هتثمرعلى الحياه الأجتماعية والأقتصاديه فى مصر أنا المستشار محمد الأسيوطى عاصرت مجدى بيه وهو بيتفاوض فى قضايا كتيرة جدا فى جهاز المدعى العام الأشتراكى تشرفت بمقابلته كذا مرة عند المستشار ممدوح عبد السلام والمستشار عمرو حبوش وجابر بيه ريحان كنت بشوف جديه غير عاديه فى الأستاذ مجدى فى أنهاء الأزمة أللى هو كان فيها كنت بشوف أزاى بيحاول يخلص المديونيات بتاعته بأن هو يبيع جزء من أصوله حتى لما كان بيبيع جزء من أصوله كان بيتفاوض على أعلى سعر علشان يقدر يوصل بيه المديونيه لأقل فايدة موجوده لميس الحديدى/ أشكرك جدا أستاذ محمد أشكر شهادتك يعنى أشرف من القاهرة أتفضل يا أستاذ أشرف الخط قطع يا أستاذ أشرف طيب أتمنى أنك تحاول الأتصال بينا تانى طيب لحد بقى ما نواصل الأتصالات واضح أتصالات كتيرة جدا ناس تعرفهم وناس متعرفهمش تعالى نتكلم فى الأخطاء أكيد عملت حساب لنفسك وقلت أنا أخطأت فى هذه الأمور فيما أخطأت؟ مجدى يعقوب/ أنا قلتلك فى 3 ، 4 حاجات توسعنا فى أنشطة كثيرة ومحضرناش أللى يدير هذه الأنشطة الموضوع التانى حطينا بعض الفلوس إللى بناخدها من البنك يعنى أنا واخد من البنك مثلا قرض ب10 مليون جنيه المفروض يتسدد على سنتين أتحط فى مشروع أتسدد على 7 سنين فده أحد الأخطاء هما دول الحاجتين صدقينى إللى هما لميس الحديدى/ مش أنك كنت مبذر فى حياتك؟ مجدى يعقوب/ خالص لميس الحديدى/ يا أستاذ مجدى يا أستاذ مجدى مجدى يعقوب/ صدقينى خالص صدقينى خالص ولا حاجة خالص كان يعنى ممكن أكون جبت عربيه غاليه هى دى الموضوع هى دى الحكايه يعنى مفيش حاجة دلوقتى طبعا العربيه دى ولا حاجة لميس الحديدى/ من ضمن الحاجات التانيه أنا فاكره برده فى الحوار إللى أجريناه من سنتين وقلتلى أن طريقة حياتك هتتغيرت تماما بعد خروجك من السجن كلام وأنتهى ولا فعلا طريقة حياتك هتتغير؟ مجدى يعقوب/ أكيد أكيد هتغير لميس الحديدى/ هتتغير أزاى؟ مجدى يعقوب/ هتغير أزاى؟ أنا قلتلك قبل كده أنا مشكلتى كانت مع الناس مين هاصحبه ومين هسلم عليه ومين هدخله بيتى ومين هدخله مكتبى ومين هشتغل معاه ومين مش هشتغل معاه وولادى طبعا ليهم أهتمام كبير جدا جدا يمكن ما كنتش بهتم بيهم قبل كده يا لميس لميس الحديدى/ هل أنفصالك عن زوجتك فى هذه الفترة مأثر عليك سلبا؟ مجدى يعقوب/ لا لا خالص لميس الحديدى/حاسس أنها وقفت جنبك ؟ مجدى يعقوب/ أدت دورها أدت دورها فى وقت من الأوقات لميس الحديدى/ ومش حاسس أنك مضايق من أنها مثلا الموضوع ما كملش مجدى يعقوب/ لا لا لا أحنا أصدقاء ومفيش حاجة لميس الحديدى/ طب نكمل التليفونات صبحى من القاهرة أتفضل يا أستاذ صبحى صبحى/ مساء الخير أنا صبحى يعقوب صديق أستاذ مجدى بقوله حمد ألله على السلامة وأنا كنت أحد المتهمين معاه فى أول قضية وخدنا براءة ألحمد ألله وأتهمنا ظلم للأسف الشديد ولكن بقوله حمد ألله على سلامتك حمد ألله على سلامتك لولادك لميس الحديدى/ كفاره بقى بيقولها كفاره مش كده صبحى/ الحمد ألله عدت على خير كبوة ولكل جواد كبوة زى ما بيقولوا مجدى أنسان جدع جدا وحنون جدا وأنا واحد من الناس وقف جنبى فى أزمات كتيرة جدا جدا جدا دون مقابل يعنى أنا منسلهوش دوا أن كان ألله معنا فمن يكون علينا ننسى أمبارح وننسى كبوة أمبارح بمرها ووحشها وكله وبكرة أنا متأكد تماما إن مجدى هيكون أحسن من أمبارح بكتير جدا جدا جدا لأنوا مؤمن وصبور وجدع وربنا يديه يا رب لميس الحديدى/ أشكرك يا أستاذ صبحى أحمد أتفضل يا أستاذ أحمد أحمد/ مساء الخير يا أستاذة لميس لميس الحديدى/ مساء النور أحمد/ أتكلمنا دلوقتى على موضوع نواب القروض أو كده أستاذ مجدى يعقوب طب حضرتك إللى ودوهم السجن السادة رؤساء البنوك أو كده مش المفروض يتاخد معاهم موقف حتى لو سابوا البنوك ؟ لميس الحديدى/ لأ تانى فهمنى يا احمد مش فاهمة أحمد/ يعنى حضرتك رؤساء مجالس البنوك زى الأستاذ أحمد إللى أمر أن هما يخشوا السجن لميس الحديدى/ لأ هو ما أمرش أنت فاهم هى القضية أيه بيرى شىء بيحيله إلى النيابه النيابة تحقق مجدى يعقوب / لأ هو محلش المديونيات ومدخلش الفلوس فى البنك فى الأوقات دى كان ممكن يدخل فلوس فى البنك قد أيه وكان ممكن ياخد أصول وهدى مثل لفتحى بيه السباعى المصرفى العظيم ومحمد بيه عشماوى أللى هما لما جم حلوا قد أيه مشاكل وناس كانت فى السجن خرجوهم محلش لميس الحديدى/ بص يا أحمد هناك يعنى قانونا كده أحمد البردعى وغيره من الذين يعنى بيتهموهم رجال الأعمال أن هما تعنتوا فيه هذه التسويات لا يمكن محاكمتهم قضائيا ولكن فى بقى الناس وفيه المجتمع وفيه يعنى ربنا مجدى يعقوب/ هما أهدروا المال العام لميس الحديدى/ هما قالوا أن أنتم أهدرتم المال العام مجدى يعقوب/ ما هو كونى مش عايز ياخد منى طب أنا سويت مع الباقيين ليه دلوقتى ليه ليه ؟ لميس الحديدى/ يعنى أنت ترى أن هؤلاء رؤساء البنوك دول هما إللى أهدروا المال العام أحمد البردعى أهدر المال العام مجدى يعقوب/ طبعا طبعا ليه مسواش مع الناس كلهم؟ أللى محمد بيه بركات وإدارة بنك مصر بيسوى معانا هو أحنا جبنا فلوس من بره ؟ هى الحاجة موجوده زى ما هى لميس الحديدى/ أه بس الدولة كانت ترى ذلك يعنى الدولة كانت شايفة ده وهى أللى جايبه أحمد دول بيجوا منين بيجوا من الدولة الدولة هى أللى حطت أحمد البردعى وهى أللى مشت أحمد البردعى مجدى يعقوب/ أنا بس عايز أقول حاجة ال4 قضايا أللى المحافظ دكتور محمد أبو العيون كان أى بلاغ بيجيلوا على طول بيحول إلى النيابة لميس الحديدى/ وقت البرنامج خلص مجدى يعقوب/ أنا عايز أقول بشكر سياد وزير الداخليه أنى شفت ناس عنده فى مصلحة السجون ظباط شفتهم بيدوا فلوس للمساجين شفتهم بيجوبلهم أدويه شفت البعد الأجتماعى كبير جدا شفت قيادات عظيمة يعنى مش هقولك أسماء كتيرة بس لم أقول عمر بيه الفرماوى أقول العقيد أشرف فتحى والعميد حمدى مهنى أسماء كتير شفت منها حاجات أنسانية كثيرة جدا جدا جدا أنا مش مصدق أن الظباط بتوع مصلحة السجون بهذا الشكل لميس الحديدى/ مجدى يعقوب أنا أشكرك شكرا جزيلا لأن أول لقاء زى دايما ما خصتنا بيه من داخل مكتب المدعى أول لقاء عندما خرجت للحرية كان معانا سئلتك قبل كده أتكسرت؟ مجدى يعقوب/ خالص بس هقول حاجة تانيه قبل ما تقفلى لازم أشكر الدكتوركمال أبو المجدوالدكتور آمال عثمان لميس الحديدى/ وأنا شخصيا بشكر الدكتور فاروق العقدة مجدى يعقوب/وأشكر الأستاذ طارق عبد العزيز والأستاذة الأخت نسرين لطفى والأستاذ فريد الديب الناس أللى وقفت معايا أشكرك لميس الحديدى/ أشكركم شكرا جزيلا كان هذا مجدى يعقوب العائد للحرية يعنى نتمنى أن تكون هناك مسيرة جديدة لرجال الأعمال نحن نريد رجال يبنون الوطن ولا نريد يعنى من يعبث بمقدرات هذا الوطن أشكركم وهذه لميس الحديدى تحييكم وتصبحوا على خير .
