بيقولولى ليه ما بتحبش مصر؟

وعلى طول بتشتمها
شكلك قليل الاصل
...
وناسى جميلها
انكشح برة وغور
واتفضل من غير مطرود سيبها
ساعتها بس هاتعرف قيمتها
وترجع ذليل تتمنى رضاها
وتطاطى تبوس أيدها
طالما مصر تعباك قوى كدا
أيه اللى جبرك تقعد فيها
أرحل وفارقها
لا هى عجباك
ولا انت بسلامتك عاجبها
رديت وقلت مصر حتة منى
وأنا منها
وأزاى محبش مصر
وسبحانة اللى خلقها
بس كل المشكلة
ان مش عاجبنى يا ناس حالها
راجعوا وقولوا مصر أم الدنيا
رديت وقلت ياناس
هو فية فى الدنيا أم بتقتل عيالها