حَقِك عليا يا مصر

يا أم الدنيا هاتى إديكي
شُوفتى ولادِك دَاسُو عِليكِى
بَس أنا حَالِف عُمرى مَا خَالِف
دَيماً وَاقِف صَاحِى و عَارِف
مِين بيِحبك مِين مِعادِيكى
وَاقِف زى غَفير زِينَهار
حرسك صَبح وليل ونهَار
مِش هَتعدى الهَفوة عليا
حَاطِت قلبى فى كَف إدَيا
بَدعِى يَارب تحَن عَليا
و تحفظ أُمى أُم الدنيا
هَحمى بَلدنا و مِش رَاح أنَام
مِش هَتحسى يا مصر الآلام
هَفضل جَنبك سَاند ضهرك
مهما يقُولوا ومهما اتقَال
هَمك هَمى حُزنك حُزنى
عَارف إن الهَم تقيل
بَس الصَبر يا بلدى جَميل
عُمرى ما هدعى و اقُول يا رَحيل
دا أنتى يا مَصر تِعبتى معايَا
شَايلا هُموُمى و شَايلا آسَايا
أدعى إلَه الكُون يِرعَاكى
قَلبى وعَقلى يا مصر معَاكى
قَلبى وعَقلى يا مصر معَاكى