الفنان إسلام إبراهيم: الدنيا مش مستاهلة صراعات واللى هيفضل الحاجات الحلوة

أعرب الفنان إسلام إبراهيم عن سعادته البالغة باستلام جائزة تكريم الفنان الراحل مصطفى درويش، قائلا:" بفرح لأن دى جائزة من الجمهور نفسه وده معناه أن الجمهور بيحب مصطفى لسه عالق فى ذهنه".
وأضاف فى مداخلة هاتفية لبرنامج 8 الصبح على dmc: "كان فيه خليط بين الفرح والحزن وكنت أتمنى إن مصطفى الله يرحمه يستلم الجوائز".
وعن كواليس مسلسل 100 وش التى جمعته بالفنان الراحل، قال: "كانت صعبة لأنه كانت أيامها كورونا ودخلة رمضان، فكان مصطفى بيحب القهوة قوى وكان بيمشى بمكنة إسبريسو ..وكلنا كنا بنعقد معاه فى الكرفان بنشرب معاه القهوة".
وأشار إلى أنه كان يلجأ إليه للمساعدة فى تكوين رأى حول المشاركة فى بعض الأعمال الفنية، مضيفا: "كنت بسأله فى أى عمل متردد فى المشاركة فيه..كنا على صلة طول الوقت حتى قبل البوست الأخير الذى كتبه قبل وفاته".
واختتم تصريحاته بالقول: "الدنيا مش مستاهلة قوى الصراعات اللى إحنا بندخل فيها بل محتاجة أن نأخد الأمور ببساطة.. مصطفى إدانا قلم على وشنا كلنا فجاة حد بكامل صحته و شهرته ونجاحه مبقاش موجود وفى نفس الوقت سايب أثر طيب الناس كلها بتفتكروا بيه وهو ده اللى بيفضل مش اللى هيفضل الإنجازات قد ما هيفضلك الحاجات الحلوة اللى بتعملها".