أفشة: الحمد لله كنت الأكثر مساهمة فى أهداف الأهلى للسنة الرابعة على التوالى

تحدث محمد مجدى "أفشة" نجم الفريق الأول لكرة القدم بالنادى الأهلى، عن انتهاء الموسم الحالي مؤكداً أنه كان صعباً وكلل بتتويج المارد الأحمر بالألقاب والبطولات.
وكتب أفشة عر صفحته على موقع التواصل الاجتماعى فيس بوك: "الحمد لله نهاية الموسم علي خير، واحد من أصعب المواسم وأكثرها ضغط انتهت بأن الأهلي دائما كسبان".
وأضاف أفشة: "موسم كان فيه لحظات فيها قلق وتوتر نفسي، تراجع ذهني ووجع قلب بعيد عنكم الاستسلام كان حل سهل بس للأسف أنا معرفوش كل ما ضاقت أكثر كل ما كنت أشتغل أكثر".
وتابع أفشة: "تمرين فوق التمرين تركيز على التركيز هدف واحد بس أوعى تسيب لحظة في النادي الأهلي متحطش اسمك فيها كل حاجه بتتعوض إلا الزمن، الحمد لله 12 بطولة مع الأهلي 14 صناعة هدف، 22 فرصة محققة، نسبة مشاركة تخطت ال70٪؜".
وواصل: "وللسنة الرابعة على التوالى أكثر لاعب مساهمه في أهداف النادي، فضل ربنا ودعم زمايلي في الفريق، سمعت كلام كثير محبط ومش حقيقي مش هقول ظالم بس أقل حاجة يزعل".
واختتم أفشة حديثه قائلاً: "عموما ده ضمن الباكيج مفيش حلاوة من غير نار، الكلام ده حرفيا كان هو النار الي بتخليني عندى إصرار أكثر وغيره ورغبة إنى أكون أقوى من أى كلمة اتقالت.. في نهاية الموسم شكرا لكل اللي انتقد سواء سلبي أو إيجابي كلامكم شحن البطارية. ووقت الإجازة وضميرى مرتاح علشان فعلا تعبت جدا السنة دي".