ارفع رأسك يا أخى

فجر جديد لأول عيد يهل علينا بعد الثورة
زال الجرح رجع فرح خلى الأمة زاحت الغمة
أول عيد بعد الحرية عاشوا العرب أمة أبية
رفضة توابع لنظام تابع للأفكار الصهيونية
سعدى بنفسى إننى مصرى زاد بمراحل
بعد ما كنا واخدين حيطة... ميله غبية لنظام راحل
ارفع رأسك يا ابن بلدنا وزيد فى الهامة
مجدك راجع فخرك ناسك عزك ساسك
إنك مصرى عربى خليجى أو أفريقى
مش هنفرط يوم فى بلدنا باب المندب ولا جيبوتى
ليبيا دى أرضى سوريا دى عرضى
أردن دارى يمنى أهو جارى
عيدوا أمجاد الحبشة وبلاد بونت وكينيا وتونس
واذكروا دجلة ونهر العاص والضفة وغزة وخان يونس
فين شهامتنا فين رجولتنا فين الصبى ميسرة
وعيسى الغواص وجميلة أبو حريد ورياض وأحمد حمدى
وكل شهيد وفدائى ضحى بنفسه فى سوريا
وليبيا وتونس وابنى شهيد من عندى
شيلوا أفكار مسمومة انغرست فى عقول كل شبابنا
إن المشى جنب الحيطة يحمى ولادنا ولا يصون كرمتنا
لا والله عمر الذل ما يرفع رأس
مهما جريته وبوست فى إيده
وقلت هطاطى يمكن يرضى أعيش مذلول ويسبنى فى حالى
أنا وعيالى مش هيسيبك دا أنت رضيت بالذل
لنفسك واتجرعت مرار الكأس
ارفع رأسك يا بطل عصرك واطلب حقك أنت وكل الناس