شريف مدكور بعد القفز بنجوم السماء: بحب أهالى الإسماعيلية ونفسى أكل سمك ومانجه

حل الإعلامى شريف مدكور، ضيفا بحلقة اليوم الاثنين، على برنامج " نجوم السماء" المذاع عبر القناة الأولى بالتليفزيون المصرى، لخوض تجربة جديدة من مغامرات القفز بالمظلة من ارتفاع 14 ألف قدم فوق الإسماعيلية.

وقال مدكور، قبل خوض التجربة الرائعة، إنه بدأ مغامرات "سكاى دايفينج" فى 2016 مع أصدقائه، وأجرى مقارنة بين صعوبة "الزواج، والقفز بالمظلة، قائلا: "تانى مرة فى برشلونة ببرنامج استضافوا 30 شخص للقفز، و29 شخصية قفزوا وانا الراجل اللى معايا خاف ومش قفزت، وبيتى فيه قطع من كل دول بزورها، والشخص اللى يقفز لازم يكون جرئى، ونفسى اروح سانت كاترين وسيوة".

وبعد خوضه تجربة القفز بالمظلة، قال مدكور: "كنت عاوز أفضل فوق شوية ومكنتش متوقع إننا ندخل جوا السحابة، وبعيش الوقت ومش بيهمنى، وبحب أنام لو فى مغامرة معايا عشان خاطر، أهالى الإسماعيلية أشوفها بجمالها بأهلها وناسها، وقناة السويس القديمة والجديدة، ونفسى أكل سمك واحلى بمانجا".

ويستضيف البرنامج نجما فى كل حلقة، ليقفز من ارتفاع 14 ألف قدم، وذلك بالتعاون مع فريق سكاى دايف فاروس الذين قدموا عروض القفز بالمظلات فى منتدى شباب العالم بشرم الشيخ.

فى كل حلقة يكتشف البرنامج مكانا جديدا فى مصر "من السما"، حيث يشمل جولات فى كل أنحاء مصر، وهذه هى المرة الأولى فى العالم أن يتم تقديم برنامج سكاى دايفينج من مكان مختلف يوميا، حيث تم التصوير فى الأهرامات وسقارة والفيوم ومدينة الجلالة والعلمين الجديدة والنوبة والأقصر وشرم الشيخ وطابا ونويبع ووسط البلد وبورسعيد والإسماعيلية والسويس والغردقة والمنصورة ودمياط.
وتقدم أغنية التتر الفنانة هلا رشدى، ويشارك فى البرنامج عدد من النجوم، أبرزهم دينا الشربينى، ومحمد فراج وبسنت شوقى، ورانيا يوسف، ومحمود الونش، وهبة مجدى ومحمد محسن، وعلا رشدى وأحمد داود، وهدى المفتى، ومايان السيد، وشريف مدكور، ونيللى كريم، وهايدى موسى، وسلمى أبو ضيف، وآدم الشرقاوي.