الرئيس السيسي: "حياة كريمة" أعظم وأكبر مشروع لتغيير حياة 60 مليون مصرى

تحدث الرئيس عبد الفتاح السيسى، عن مشروع "حياة كريمة" قائلا: "أكثر مشروع له تأثير كويس أوى بنعمله مشروع "حياة كريمة".. المشروع مهم ونوفر له الدعم لأنه يمس حياة 60 مليون ولو قدرنا نحسن حياة الناس وتيسيرها واعانتهم هنكون عملنا حاجة كبيرة اوى.. كل القرى فى الريف المصرى".

وأضاف الرئيس السيسى، ردا على سؤال أحد أصحاب الهمم حول أهم مشروع تنفذه الدولة المصرية، قائلا: "حتى أكد المعلومة تصور أنك فى بيت ومفيش فيه مياه شرب بانتظام.. ياترى المعاناة عامله ازاى.. والحياة فى البيت عامله ازاى.. ولو مفيش كهرباء وصرف صحى البيت ده والبيوت اللى جنبه هيكونوا ازاى.. لو مفيش طريق أو مستشفى أو لو مفيش الخدمات.. بتصور أننا كدولة ومجتمع مدنى وشركات لو عرفنا قيمة العمل وعائده بالنفع على الناس".

وتابع الرئيس السيسى: "مشروع حياة كريمة تخلى حد نايم فى بيته سعيد كل يوم.. تحققه له اليسر والسعادة.. قيمته الإنسانية كبيرة وقبل ده كله وبعد ده كله عندنا ربنا اللى بيحسب علينا بالثانية كل شيء.. أعظم وأكبر مشروع لو نجحنا وده تحدى فى الالتزام وانتهاء حياة كريمة ل 60 مليون إنسان وإنسانة".

وحول جهود الدولة لدعم أصحاب الهمم قال الرئيس عبد الفتاح السيسي: "احنا بنعمل كل حاجة عاوزين نعملها عاوزه قدرات.. قدرات مالية علشان نقدر نعمل كل حاجة.. لكل الناس.. قدرات اقتصادية قوية من أجل إنهاء هذا الأمر"، متابعا: "هل عملنا من أجل أصحاب الهمم اللى بنحلم بيه ليكم لا.. لسه كتير والموضوع مش قدرات اقتصادية.. ومرتبط بوعى الناس وازاى نتعامل مع بعضها بالحب اللازم والتقدير اللازم ولو كلنا كده.. كل الناس تتعامل بما يليق مع بعضها البعض.. وكلنا بنتعامل مع بعض بما يليق الدنيا هتكون مختلفة خالص.. حتى لو ظروفنا مش كفاية.. أنتم جزء مننا.. واحنا واحد كلنا وأنتم ولادنا وحبيبانا وعلى راسنا كلنا".