أول رد من تامر حسنى على إحيائه حفل زفاف "آية مكرم" بعد تنكره كمصور صحفى

رد الفنان تامر حسنى، لأول مرة على فيديو تنكره كمصور صحفى، لإحياء حفل زفاف البلوجر "آية مكرم"، ولمفاجأة العروس، وقال فى ستورى عبر حسابه الرسمى بانستجرام :"آية غير انها بنت ناجحة ومحترمة وطموحة، هى أصلا من محبينى من وهى طفلة، ودايما كان بيجيلى منها رسايل من صغرها إن أمنيتها إنى أغنى فى فرحها، وبعتتلى من فترة إنى بالنسبة لها مثل أعلى فى النجاح، وبتستمد منى طاقة إيجابية بتفرحها وبتنجح بيها".
تامر حسنى

وأضاف تامر فى الستورى :" تخيل لو النجم أو الفنان اللى هو مثلك الأعلى ميكنش عندك مقدرة مادية إنك تجيبه يحييلك فرحك، ولأن الفنان دا صدق طاقتك اللى وصلته من حروف صغيرة، ولكن صادقة كل الصدق، فتساعد الظروف هى الأخرى ويتم إلغاء ميعاد مهم عندى من أطراف أخرى، لتأتى الظروف وتساعد، وأصبح فاضى فى هذه الساعة، فأذهب دون مقابل لفرحة آية الطفلة اللى كبرت، وطول عمرها بتتمنى اللحظة دي، من خلال حروف بسيطة، فأروح وافرحها هى وعريسها الجميل الشاب الطموح المحترم هيمن، اللى محبش مثل أعلى واتعلق بيه من صغره ولقاه جانبه بيحققله أمنية من أمنيات حياته، مش هيفهم الكلام دا، بس دى علاقة صدق فى الطاقات الحب، بيألف قلوبها ربنا، عشان الناس تفرح، وفى فرحة بتحليك مش فى كامل وعيك، من كتر مانت مش مصدق، ودا انا قولته فى أغنية "يافرحة"، "يااااه مش مصدق، ربنا يرزقكم كلكم الفرحة دي، مبروك لحبايب قلبي اخواتى الصغيرين آية وهيمن، حب الناس الطيبة لفرحتكم ميتوصفش".
ولا تخلو أفعال النجم تامر حسني دائما من المفاجآت ل محبيه ومتابعيه، وهو ما جعله يحقق أمنية عروس في ليلة زفافها بأن يحيي حفل الزفاف، حيث ظهر النجم متخفيا في زي مصور صحفي وحمل الكاميرا وقام بارتداء "الكمامة"، ونشر تامر حسني فيديو له من حفل الزفاف على حسابه بموقع انستجرام وعلق عليها ب : " فاجأت آيه وهيمن حبايب قلبي أجمل عروسين وعملت نفسي مصور صحفي و داريت وشي ورا الكاميرا و لبست عدة الشغل ماسك ونظارة نظر عشان اوصل من الزحمه من غير ما حد يحس بيا مبرووووووووووووووك مليون مبروووووك فرحتك بالدنيا يا آيه ربنا يخليلك اجمل هيمن في الدنيا و عقبال الجميع".
ومن جهة أخرى خرجت البلوجر آية مكرم، عن صمتها للرد على الهجوم الذي تعرضت له عقب انتشار مقطع فيديو من حفل زفافها، الذي فاجأها خلاله النجم تامر حسني، والذي تصدر مواقع التواصل الإجتماعي، عقب رد فعلها الذي أثار الجدل، خاصة في لقطة دفعها لطفلة صغيرة من المسرح.
ونشرت آية عبر حسابها بموقع "انستجرام"، فيديو يظهر تدافع عدد كبير من الحضور على المسرح، موضحة تفاصيل رد فعلها، قائلة :"أظن الفيديو ده أكبر دليل وحابة الناس تركز أوي على الهجوم اللي حصل على الاستيدج، من مصورين وناس كتير، ولما شفنا المنظر أنا وهيمن قولنا لبنت أختي تنزل بسرعة".
وتابعت :"اتفرجوا وشوفوا واحكموا بنفسكوا لو شوفتي بنتك في مكان عليه هجوم كده هتعملي إيه، دي بنت أختي وخايفة عليها أكتر منكوا، وأظن الفيديو أثبت ده.. ركزوا هتلاقوني قولتلها انزلي بسرعة، وهيمن قالها كده وإيده باينة، وهو بيشاورلها".