بَوْتَقِة أديان

دى مصر، ما ننساش.. مهد الثقافة والحضارة
بالعلم والفن والفكر كانت للعالم منارة
شهد التاريخ لها ولمجدها.. بكفاءة وجدارة
***
العلم والأخلاق عندها طول عمرها منابع نور
العلم والأخلاق عندها محور عليه الحياة بتدور
والأديان مقدَّسة فى "معابدها" مدى الأيام
من قبل ما يكون مسيحية ولا إسلام
وظلّت "معابدها" "بوتقة" للدين
وفى نهضة القرن العشرين
أيام "الزمن الجميل"
كان التآلف بين شعبها فى قِمِّتُه
رغم اختلاف الدين
***
الدين علاقة خاصة بين المخلوق وبين الخلاق
والدين وظيفته العبادة ويهذب الطبع والأخلاق
***
بس الدين بدون عِلْم... يبقى حلم ناس نايمين
والدين بدون أخلاق... عمره ما يكون دين
والدين بدون الاتنين
تجارة الجاهلين
***
دا رأيى
واللى عاوز يتَّهمنى بأنِّى
مش مؤمن بفضل الدين
يبقى جاهل ومغرض وناقص عقل ودين