كشفت الفنانة إيمان العاصى عن معاناتها مع فيروس كورونا، والذى أصيبت به مؤخرا، وقامت بعزل نفسها فى المنزل بعيدا عن أهلها وابنتها، حيث ظهرت فى فيديو عبر "انستجرام، وكشفت عن مأساتها مع المرض، حيث قالت إيمان، "بطمن الناس عليا واللى حاولوا يطمنوا عليا بسبب فيروس كورونا... النهاردة 9 يونيو 2020 .. اكتشفت ان نتيجة تحليلى إيجابى .. اخر يوم رمضان .. وعملت بعدها تحليل تبع وزارة الصحة 29 مايو .. وطلع سلبى.. وعملت بعدها 3 تحاليل طلعوا سلبى .. كل أهل بيتى وكل المخالطين ليا كلمتهم وعملوا تحاليل وطلعوا سلبى .. كان أهم تحليل ليا اللى داخل وزارة الصحة المصرية .. اللى هتأكد منه بنسبة 100 % .. وفضلت عازلة نفسى لمدة 15 يوما .. بنصح أى بنى آدم يسمع كلمة إيجابى دلوقتى أنه يهدا لأن التوتر والضعف بيضعف المناعة لأنى عشت مأساة نفسية تتلخص فى بنتى وأهلى".
View this post on Instagram
#الكورونا_مش_عيب #المرض_مش_عيب #المتعافي_مش_منبوذ #covid19 A post shared by emanelassiofficial (@emanelassiofficial) on Jun 9, 2020 at 7:15am PDT وتابعت، "مشيت بنتى وقعدت فى العزل لأنى مش عارفة أعمل ايه وبنتى وحشتنى وكنا بنتكلم فيديو كول وبنعيط .. وده كان حافز رهيب ليا وأنى ابقى قوية واعدى الأزمة والحمد لله عدتها من أكتر من 10 أيام". إيمان العاصى
وأضافت:"أنا بعمل الفيديو ده علشان الناس ماتخاقش يقولوا إن كان عندهم كورونا وخفوا .. الموضوع مافيهوش عار .. اتكشفت أن الناس بتقول ديه إيمان كان عندها كورونا ونزلت الشارع .. أنا متعافية وسمعت أن بلازما متعافى الكورونا .. تعتبر علاج وتساعد .. يعنى أنا دلوقتى أقدر أساعد .. فليه بيتم تعامل المتعافى على انه فيروس .. بالعكس أنا خفيت وبنتى بتنام فى حضنى". وأكدت "عشت مأساة صعبة وماينفعش أنه بعد ما ربنا يكرمنى وأتعافى وأشوف أهلى ومبسوطة أن عديت المرحلة ديه أن الناس تتعامل معايا على أساس أنى لسه مريضة وخوف وحذر .. انا ماعنديش أعراض .. كل الأعراض راحت وماكنش عندي غير فقدان الشم والتذوق وعملت 3 تحاليل وطلع سلبى .. ياريت الناس تبقى رحيمة بالمتعافين". ايمان العاصى كورونا اصابة إيمان العاصى بفيروس كورونا كورونا نيوز الموضوعات المتعلقة صيف بدون ساحل بسبب "كورونا" والفنانون يعيشون على صور الماضى الثلاثاء، 09 يونيو 2020 05:00 م مكانش فى كورونا .. لماذا غنى إبراهيم حمودة فى الأربعينات مرتدياً كمامة؟ الثلاثاء، 09 يونيو 2020 04:00 م "ولا كورونا ولا احتجاجات"..كيندال جينر عايشة حياتها وتستمتع بالسهر الثلاثاء، 09 يونيو 2020 02:30 م إصابة ابنة وحش الشاشة فريد شوقى بفيروس كورونا..وتؤكد: الذوق وداني فى داهية الثلاثاء، 09 يونيو 2020 01:59 م