هبة السويدى لمنتقدى إعلان مستشفى أهل مصر: الحقيقة أكثر قسوة

علقت الدكتورة هبة السويدى، مؤسس ورئيس مجلس أمناء مؤسسة أهل مصر، على منتقدى إعلانات مستشفى أهل مصر للحروق، قائلة: سامحونا عن قسوة المنظر اللي موجودة في الاعلان لكن قسوة المنظر والألم فى الحقيقة أصعب بكتير.

وأضافت عبر صفحتها الرسمية على موقع التواصل الاجتماعي، فيسبوك: إحنا حاولنا نقلل من قسوة المنظر اننا حتي مانجبش صورة حقيقية للحادثة علشان كانت هتكون لا تحتمل. الأهم عندنا إن الناس تاخد بالها من الحوادث والقصص الحقيقية دي علشان ماتتكررش تاني لأولادنا واخواتنا وأمهاتنا .. وإننا نحاول على قد ما نقدر بمساعدتكم ندعم قضية الحروق وضحايا الخروق مش دعم مادي فقط الأهم الدعم النفسي.
واستكملت: خلينا ما نضيعش وقت في مهاجمة إعلانات مستشفى أهل مصر للحروق خلينا نساعد كلنا في أننا نفتحها في خلال شهور علشان ننقذ أرواح الناس، اقسم بالله المحتوى قصص حقيقية بنشوفها كل يوم في اهل مصر.. احنا بنتكلم في قضية حروق اصعب حاجة ممكن تحصل لأي حد في الدنيا.
وأضافت: ياريت نشوف الناحية الإيجابية للإعلان ونتعلم ونعلم ولادنا مخاطر الحروق وأهمية تقبل حالات ضحايا الحروق اللي مالهمش ذنب في تشوهاتهم وإعاقتهم، بنغمي عينا وعين ولادنا عن الحقيقة علشان نفضل عايشين جوة البالونة بتاعتنا ويفضل الانفصال المجتمعي يزيد ويزيد.



هبة السويدي
مستشفى أهل مصر
الحروق في مصر
أطفال مصر
الموضوعات المتعلقة
هبة السويدى لسمير عمر: تحويل 3 مبانى إلى مستشفيات عزل بطاقة 500 سرير.. والنجمة فريدة عثمان: حالة الأمن فى أمريكا سيئة جداً
الثلاثاء، 07 أبريل 2020 11:35 م
هبة السويدى رئيس مؤسسة أهل مصر باجتماع "المستشفيات العربية": قضية الحروق أمن قومى.. وتؤكد: 250 ألف ضحية يتوفى منهم 190 ألفا سنويا لعدم توافر الإمكانيات لإنقاذهم.. و50 % من ضحايا الحروق أطفال.. ويتعرضون للتنمر
الأربعاء، 26 فبراير 2020 02:30 م
الدكتورة هبة السويدى رئيس مؤسسة أهل مصر فى ندوة «اليوم السابع»: قضية الحروق فى مصر «أمن قومى»..والتوعية بها تحد لن نخسره.. ويوجد فى مصر 250 ألف ضحية حروق يتوفى منهم 190 ألفا سنويا لعدم توافر الإمكانيات لإنقاذهم
الإثنين، 10 فبراير 2020 01:00 م