القارئ إبراهيم العطار يكتب: لو

لو ينفع أدخل جوًّا الكلام،
واخلّى الحروف تُرفض تِنام،
عشان اعبر عن جمالك ،
كُنت هاعمل
لو مُمكن اطوّل نص الليل،
واخلّى النص التانى يطُول،
عشان يسرّحنى ف خيالك،
كان هايحصل
لو ياخد القلب مجرى العينين،
وتاخد العينين قلبى الحنين ،
جايز احس بحبك اكبَر ،
كُنت هاقبل
ولو ياخد القلب مجرى اللسان ،
واجرّى الحنين جمب الكلام ،
عشان احس بسحرك اكتر ،
هبقى أفضل
لو تعرفى ايه الى بيخلينى ابوح ،
واقول كلام محشور ف الروح ،
عشان اعبرلك عن مشاعرى ،
هاتقولى شِعري
ولو يعرفوا يحسّوا ربع حنينى ،
أو يوصفوا يقولوا تُمن كلامى ،
هَوقّف قلبى و قلمى وكمان ولسانى ،
لأن القلب على قد حنينه ،
على قد الكلمه ماتبقى معاني
أنا خايف اسكر من إحساسى ،
وخايف اكتّر من كلماتى ،
ليهبط قلبى وتِنزل راسى ،
أنا بحبك ،
أنا فِعلاً بحبك .


الحب
قصائد الحب