القارئ سامح فكرى رتيب يكتب: قالوا و قلت أنا

قالوا الحب جنون قلت أنا دا زهرة تعطر كل الوجود
قالوا هتمشي في طريق من شوك قلت طر يق الحب كله ورد
قالوا الحب فترة و تفوت قلت الحب في القلب مالهش حدود
قالوا الحب كله وعود كدابة قلت أنا بالحب صادق موعود
قالوا هتبقي من المجاريح الغلابة قلت الحب دوائي و في قلبي يسود
قالوا وطن الحب غابة و الأحزان ديابة قلت حبيبي معايا بالحب اسود
قالوا الفراق صعب و مرَ قلت اليوم علي ذكراه يمر و بكره يعود
قالوا بكره تغني نغمة حزن قلت الحب نغمة جميلة تعزف علي وتر العود
قالوا العمر هيضيع قلت اللي راح من عمري و الجاي عشان خاطره
قالوا مالك إيه جرالك قلت بحب و قلبي عايش بالحب و بأمره
قالوا بعد الهجر قسوة قلت أنا الحب غنوة جميلة كله يوم تزيد حلاوته
قالوا الدنيا هتبقي صعبة قلت النظرة في عيونه تكفي و تكفيني غلاوته
قالوا انشغال البال قلت أفكر في حبيبي و ارسم صورة له في خيالي
قالوا سهر الليالي قاسي قلت أنا الحب يكون قمري و يبدل حالي
قالوا كلمة الفراق جارحة قلت الحب أجمل كلمة اسمعها في الدنيا
قالوا الحب لوحده مفيش فرحة قلت لحظة واحدة ويا حبيبي لو لثانية
قالوا الحب كله أوجاع ياما قلت أنا الحب جوا في القلوب ينسيها
قالوا هتداوي الحزن بحزن قلت أنا الحب حكاية فرح بغنيها
قالوا قلبك هيبقي كراكيب مرمية قلت اللي يحب يسامح و ينسي الأسية
قالوا هترجع طريق الحب بجروح تانية قلت الحب يداوي مرة تانية
قالوا بكره تعيد حساباتك و تندم قلت أنا الحب هو كل حاجاتي
قالوا الحب أناني قلت القلب وطن و أنا أعيش فيه كل حياتي
قالوا احترنا أحنا في أمرك قلت أنا حبيت و هويت من قلبي
و قالوا و قلت أنا كتير في وصف مشاعر قلبي و حبي
و قالوا ..... و قلت أنا .
سامح فكرى رتيب
قالوا و قلت أنا
الحب