بعد تصدر هاشتاج "الطلاق انتشر ليه" على تويتر.. تعرف على أسبابه

المشاكل الزوجية ووقوف الأزواج أمام محاكم الأسرة، التى وصل به الحال لإرتفاع نسبة الطلاق فى مصر من 7٪ إلى 40٪ خلال الخمسين عاما الأخيرة، وأن إجمالى المطلقات فى مصر وصل إلى 4 ملايين، كما أن هناك 250 حالة طلاق فى اليوم الواحد بمعدل حالة طلاق تحدث كل 4 دقائق فى مصر، طبقا لإحصائيات مركز الإحصاء والتعبئة.
تصدر هاشتاج "الطلاق انتشر ليه" تريند على موقع التدوينات القصيرة "تويتر" بعد إرتفاع معدلاته، وجاء الهاشتاج ضمن قائمة الأكثر تداولا، وتفاعل معه المغردون، الذين اعترفوا بالأسباب التى أدت إلى الأزمة.
وقال المغردون: "عشان كله مفكر الجواز شهر عسل بس و نسيوا المودة والرحمة و الأخلاق"، "عشان مبخترش البنى آدم الصح أهم شئ عندنا الماديات و المظاهر ونسينا اننا هنعاشر الانسان مش فلوسه"، "مش عارفه اقول مافيش تحمل مسؤليه ولا بسبب الطرف الثالث ولا السوشيال ميديا اللى غيرت الناس ولا ايه".



فيما قال آخرين، "عشان الأغلبيه عنيهم فارغه ومحدش عاجبو حاجه ولا حد مقتنع بحياتو ونصيبو"، "الزواج المبكر وعدم التفاهم والثقه والاهتمام مبيطلبش وبسبب حماتوه العسل"، "مفيش ثقافه ووعى"، "مابقاش فيه تحمل مسؤلية"، "عشان الجهل انتشر بين الشباب ومبقوش فاهمين معني المسؤولية"، "بسبب بعدنا عن ربنا ومن يتقي الله يجعل له مخرجا ويروقه من حيث لا يحتسب".



وأكد آخرين: "عشان احنا تافهين وبنقف ع اتفهه الاسباب"، "انتشر لان علاقة الجواز من اول غلط مش مبنيه ع صراحة وتفاهم بتبقي بس فترة الخطوبه محن ودبادييب وبعد الجواز بتختلف"، "بسبب تدخل طرف تالت بين الطرفين يفسد العلاقه بينهم"، "عشان مبقاش فيه ثقه بين الازواج"، "بسبب عدم التفاهم ما بينهم لخيانه"، "علشان واحد مجنون اتجوز مجنونه بس".