تعال بلادنا شوف واتفرج

قررب قررب قررب قررب
تعال بلادنا شوف واتفرج
قررب قررب قررب قررب
من جوا جرابى بطلع أرنب
شاف واد صاحبو فيوم محتجلو
نفض وقتى يا ناس واتهرب
وصاحبو يقلو يا صاحبى الحقنى
سابو لوحدو ف همو بيشرب
قررب قررب قررب قررب
من جوا جرابى بطلع عقرب
راكب فيزبا وجاى م العزبة
طاير يسرق داير ينهب
يخطف شنطة ست كبيرة
الناس سيباها تبكى وتندب
قررب قررب قررب قررب
من جوا جرابى بطلع تعلب
ماشى يحور ماشى يدور
يسرق قوت الناس ويهلب
فاتح درجو ومادد ايدو
قاعد ينحل وبرى ويحلب
قررب قررب قررب قررب
سهم القوطة طالع يضرب
ولا تستغرب ولا تستعجب
مصر اختارت طعم الكاتشاب
قررب قررب قررب قررب
تعالى بلدنا بنفسك جرب
قررب قررب قررب قررب
باعوا بلدنا وليه بنستغرب
ما هى أعمالنا أكيد قعدلنا
والنعمة بقول الحق ما بكدب
سب الدين بقى زى لبانه
ويوم ما يهينو نبينا بنغضب
طب من فينا حب نبينا
نهارنا بنعصى وليلنا بنذنب
قاعد تحسب فذنوب غيرك
طب من فينا فذنبو بيحسب
اللى بيضرب صاحبو ف ضهرو
واللى بصاحبة صاحبو بيلعب
واللى تبات ع النت تحور
واللى لموجة العرى بتركب
كارت العشرا افتحلك كاميرا
بكارت المية الكاميرا تقرب
قررب قررب قررب قررب
اعرف غازك ليه بيتسرب
اعرف دمك ليه متلوث
اعرف ليه الاكل اتسرطن
ما انت جبان هلاس بتكيس
ما انت كمان بالعار مترب
قررب قررب قررب قررب
لقيو أخوك مخنوق متكهرب
فكك بفر رول وعفر
جايلى صباع تهريب م المغرب
طب بقى ليه يا أخينا بتزعل
إنك آخر حلمك تشجب
كلمة وقالها إمامنا الشافعى
اوعى فيوم ع الدهر تعيب
قررب قررب قررب قررب
واجه نفسك مش تتهرب
قبل ما تشكى الحظ وتندب
بطل يوم على نفسك تنصب
وللا عليا يا صاحبى بتصعب
انك فاكر نفسك يوسف
وانت قارون فرعون متنمرد
قررب قررب قررب قررب
كل ما تهرب زى الأرنب
كل يومين هيطير كام أرنب
كل ما تلسع زى العقرب
ييجى الموت من لدغة عقرب
كل ما تعصى وكل ما تذنب
أكتر واكتر بيتك يخرب
كل ما يولع ليك كام قطر
وكل ما تغرق عندك مركب
يا خوفى عليكى بجد يا بلدى
يا خوفى يا ترحلى ويا قمرنا
يا خوفى يا تغرقى زى المركب