وائل عبد الودود حسين يكتب: فى شم النسيم

راح تشم أحلى نسيم
مع أكلة فسيخ
أحلى من الأكل والطبيخ
الشطة فيه تولع
تقعد تاكل وتدلع
معاها ليمون وبصل وطحينة
يا عينى على المعدة مسكينة
ولا تنسى الخس والملانة
تطرى النفس العطشانة
مع عيش طازة وطرى
بس اوعى تدوس وتفترى
والتسالى ترمس وحمص
والأطفال تقزقز وتهيص
معاها الواحد ينسى همه
ولا حتى الورد تقدر تشمه
وتجيب من واحد مضمون
أحسن تيجى معاك فى الجون
ويجيبك لمس أكتاف
تطلب بعدها الإسعاف
واوعى تكتر منه
أحسن الوعى تغيب عنه
ولا تشرب معاه الميه
تفضل رايح جى على الحنفية
كل ولا تلخبط لخابيط
أحسن تخبط بعدها فى الحيط
واوعى تزيد وتبهدل فى نفسك
والفسيخ يكتم على نفسك
بالراحة شوية وحبة حبة
ولا تخلى حاجة فى نفسك
بس للأسف سعره غالى
وبقى ضارب فى العلالى
ولو أنت مش قادر عليه
ولا حتى ليك خالص فيه
خليك فى الرنجة
يا واش يا واش ودنجا دنجا
ولا تنسى البيض الملون
مع الأطفال تقعد وتلون
شم النسيم مع لمة العيلة
والصحبة حلوة جميلة
بيبقى يوم مش عادى
بس خليك فى الأكل هادى
ولو جات لك حموضة
اشرب لبن رايب أو زبادى
واخرج اركب مركبة فى النيل
أو اتمشى شوية بالليل
والأطفال تركب المراجيح
والناس تعيد من غير تجريح
محتاجين حبة تفاريح
عيد الربيع علينا هل
عيد مليان ورد وفل
عيد سعيد يا رب على الكل
بس اغسل إيدك وبعدين كل


وائل عبد الودود حسين
شم النسيم
الرنجة
الفسيخ
"القومى للامتحانات": نتابع امتحانات البوكليت التجريبية لإعداد تحليل إحصائى
انتشار مكثف للشرطة النسائية لمكافحة التحرش بالأماكن العامة فى شم النسيم
5 مشاهد فى ليلة فوز الأهلى على أسوان بثنائية.. الأحمر يغرّد بالصدارة.. 100مباراة لعاشور مع البدرى.. ميدو جابر يسجّل أول أهدافه بعد غياب 8 شهور.. أجايي أساسيا لأول مرة منذ 35 يوما وكوليبالي يواصل التألق
زيارة بابا الفاتيكان فى عيون البرلمان.. نواب: تحمل رسالة سلام للعالم وتدعو للاتحاد مع مصر فى حربها على الإرهاب.. و"العلاقات الخارجية": لقاءاته تفتح آفاقًا جديدة لنشر سماحة الأديان ونبذ العنف والتطرف الدينى
وزير الرياضة: ليس لنا علاقة بأزمة مباراة الزمالك والمقاصة
فوائد صحية للورد.. يعالج القلب ويحارب الاكتئاب
لا توجد تعليقات على الخبر
لا يوجد المزيد من التعليقات.
اضف تعليق
الأسم
البريد الالكترونى
عنوان التعليق
التعليق
مشاركتك بالتعليق تعنى أنك قرأت بروتوكول نشر التعليقات على اليوم السابع، وأنك تتحمل المسئولية الأدبية والقانونية عن نشر هذا التعليق بروتوكول نشر التعليقات من اليوم السابع