تبذير الأفراح

بعد مادق القلب خطبها------بشروط توصل للعشرين
شقة كبيرة محصّن بابها----وإوض نوم وعيال وخزين
حتى السفرة لازم تعجبها--وصالون مُدهب يملا العين
والأمورة تشد أصحابها---وأمها فى الأسواق خريفين
والميت ألف وفوق تطلبها----قولوا أبوها يلبى منين؟
والقاعة غالية ويحمى شبابها----كلّه يقلّد ناس تانين
بعد الدخلة ديونهم تشكى---ويقولوا فين ياحبيب العين
وقلق خلّى عيونهم تبكى----ليه كده بس ياعم حسين
ربنا قال التبذير أزمة--- والترشيد مطلوب فى الدين
لو يسرنا المولى يساعد-------ويعين كل المصريين