"إبراهيم" لبّس الإيموشنات نقاب عشان "يفرح المنتقبات".. نشطاء فيس بوك اتهموه "بازدراء النقاب" والإرهاب.. والبنات: "أخيرًا حد حس بينا".. ومعارضات: "احنا مش من كوكب تانى عشان يتعملنا إيموشن"

"إيه المسخرة دى".. للمرة الأولى ربما يتفق عدد من مؤيدى ومعارضى النقاب فى الرأى على شىء واحد، فكان هذا مضمون تعليقهم على الرموز التعبيرية النسائية التى ترتدى النقاب.
واختلفت الأسباب وراء تعليقاتهم، ففريق يرى أن بها "استهزاء وإهانة للنقاب"، وفريق آخر يعتبرها موجة جديدة من التطرف تجتاح العالم الافتراضى. وبعيدًا عن الفريقين وقف "إبراهيم المكى" الشخص الوحيد الذى يعرف السبب الحقيقى لوجود هذه الرموز التعبيرية، والتى حملت توقيعه.
"أنا بصراحة كنت عايزها تنتنشر، وكنت عارف إن الفئة دى من الناس بتشهر الحاجة، فعملتها، وغير كدة حبيت أهدى المنتقبات حاجة تعبر عنهم وتخليهم مبسوطين، لأن المنتقبة كان قدامها تلبس حاجة غير النقاب لكن لبسته عشان ترضى ربها مش خلقه فهى تستحق دا".. بهذه الصراحة تحدث "إبراهيم" طالب الثانوية العامة ذو ال16 عامًا عن فكرته، وقال ل"اليوم السابع": "قبل ما أنشرها عرضتها على كذا بنت منتقبة فانبهروا فاتشجعت ونشرتها".
خلال يومين فحسب حققت الرسوم التعبيرية الهدف الأساسى ل"إبراهيم" منها، ويقول "أنا بقالى سنة ونصف متعلم تصميم جرافيك وفوتوشوب وإليستريتور، لكن ما كانش عندى صفحة خاصة، فعملت الصفحة وحبيت أبدأها بالإيموشنات المنتقبة، وفعلا خلال يومين بس الصور وصلت لأكثر من 120 ألف شخص".
لم يتوقع "إبراهيم" هذا الانتشار الواسع لرسومه البسيطة التى يقول "أنا كنت أصلاً متردد فى نشرها"، ولم يتوقع أبدًا أن يصبح محورًا لنقاش كبير ومعارك بين من يرون أن هذه الرموز بها استهزاء من النقاب، وآخرين يرونها مدًا وهابيًا جديدًا، ويقول "إبراهيم": "أنا قبل ما ارسمها أصلاً استشرت ناس بتعرف فى الدين وقالوا لى إنها مش حرام، هى مجرد رسوم كارتون، أما الناس اللى بتقول دا تطرف وإرهاب دى دخلت على حساباتها وأغلبهم ملحدين"، واستطرد: "أنا معنديش مشكلة حد يقول عليها وحشة، لولا اختلاف الأذواق لبارت السلع، لكن محدش يتهمنى إنى إرهابى أو إنى بستهزأ من الإسلام".
الانقسام نفسه حول هذه الرموز التعبيرية ظهر فى تعليقات المنتقبات أنفسهن اللائى يمثلن الفئة المستهدفة من هذه الرموز، فهناك من استقبلنها بفرحة "أخيرًا حد حس بينا" و"حلوين جدًا وفعلاً بتمثلنا"، وهناك من انتقدنها لأسباب عدة، فكتبت إحداهن "مش شايفة ليها لازمة الإيموشنات دى بصراحة، وهو فى منتقبة بتغمز؟ استقيموا يرحمكم الله ويا ريت لو عايزين توضحوا للناس إن المنتقبات مش معقدات متستخدموش الأساليب الغريبة دى"، وكتبت أخرى "هو أنتوا ليه بتتعاملوا كأن المنتقبة كائن آخر، يعنى مثلا مفيش إيموشنات للمحجبات ولا حتى للرجالة أو الستات، يبقى ليه نعمل ده للمنتقبات، المنتقبة إنسانة عادية جدا".
موضوعات متعلقة..
- بالفيديو.. آمنة نصير: "النقاب من الشريعة اليهودية.. وفرضه الله عقابا لهن"