حرة جريئة ومش ممكن تنهار

اليوم السابع شمس نهار مش ممكن موقع ليها ينهار
جريدة نزيهة بفكر حديث وحدة شعب بتبنى عمار
جريدة حرة خادمة وطنها سبق ريادى فى الأخبار
هدفها عروبة سلام ومحبة ومصر الغالية دا ليها شعار
حاقد عايز يطفى الشمس علشان عنده ضيق أفكار
لو ليه حق يروح لقانون مش يتهور يدى قرار
لو فيه شئ يطلب يستفسر يلقى إجابة ومش يحتار
حق الرد مكان مكفول ونعيش بتفاهم عقل كبار
ليه بتأذى جريدة بإيدك؟ معاها ترخيص حق الإشهار
عايز تحجب فكر الآخر؟! منع الفكر دا كله دمار
بلدنا فيها قانون يحمينا من أى مخالفة فى الإصدار
جريدة اليوم السابع واضحة شهرة بريق عبر الأقطار
لا فيها تشهير ولا فيها إغراء جريدة محترمة تدخل دار
جريدة صامدة رغم الريح مش بتخاف موج ولا إعصار
بنحيى فريقها بخالص شكر ويصونه ربى من الأخطار
ونقوله سير بنجاح وتألق دا حب قلوبنا أحلى ثمار
مش ممكن جبل ف يوم يتهز من لعبة سخيفة وفيها هزار