عمرو سمير عاطف عن "ليالى الحلمية": نستنى لما نتفرج قبل ما نتسرع ونحبط الناس

علق السيناريست عمرو سمير عاطف على الجدل المثار بشأن تنفيذ الجزء السادس من مسلسل "ليالى الحلمية" عبر صفحته الشخصية على موقع التواصل الاجتماعى "فيس بوك" قائلا: "أسامة أنور عكاشة الله يرحمه قال فى حوار تليفزيونى بعد الجزء الخامس من ليالى الحلمية إنه بيرحب وبيدعو أى سيناريست إنه يكمل المسلسل، أنا سمعته بنفسى ومش ناسى لأن اول حاجة جت فى دماغى ساعتها إنى أحاول وهل أقدر ولا لأ، وبالتالى أن ورثة ليالى الحلمية يتنازلوا عنها أو يتنازلوا عن الفكرة وسيناريست آخر يكمل ده كلام بيتم بموافقة ورضا بل واقتراح من أسامة أنور عكاشة نفسه الله يرحمه".
وتابع سمير عاطف قائلا: "تانى حاجة تقديس الأعمال الفنية شىء مؤسف فى الحقيقة وفى رأيى يتناقض مع طبيعة الفن نفسه اللى بتستلزم التغيير والتجريب ده بشكل عام، وبشكل خاص التليفزيون أساسه الاستمرار والاستثناء فيه أنه يقدم أعمال ليها نهاية من أول جزء ففكرة أن منتج يقرر أنه يكمل ليالى الحلمية فكرة مش سيئة ولا تضايق ولا تزعل بالعكس- فى رأيى- فكرة جريئة من الصعب جدا أنك تتوقع الناس ها تستقبلها إزاى".
واختتم عمرو سمير عاطف قائلا: "أخيرا الحكم على عمل من قبل ما نشوفه برضه حاجة مش سليمة وتوقع الفشل والشعور بالضيق وتخمين أن العمل ها يطلع مش حلو إلى آخر هذا الكلام المحبط مرفوض بالنسبة لى تماما، العمل لسة أصلا ما اتكتبش لسة مفيش أى حد ولا حتى المؤلف نفسه يعرف هو ها يبقى عن إيه، وبالتالى نستنى لما نتفرج قبل ما نتسرع ونحكم أو نحبط الناس".
يذكر أن "اليوم السابع" انفرد بنشر تفاصيل الجزء السادس من مسلسل "ليالى الحلمية"، وهو رائعة المؤلف الكبير أسامة أنور عكاشة، وإخراج إسماعيل عبد الحافظ، ويقوم حاليا بكتابته أيمن بهجت قمر وعمرو محمود ياسين، وإنتاج شركة "MBA" للمنتج محمود شميس، بمشاركة قطاع الإنتاج، وإخراج مجدى أبو عميرة.
موضوعات متعلقة..
- بالصور.. ننفرد بنشر تفاصيل الجزء 6 من "ليالى الحلمية".. فرحة ودموع ورثة أسامة أنور عكاشة أثناء التنازل عن الراوية للمنتج محمود شميس..أيمن بهجت وعمرو ياسين يتوليان كتابة الحلقات.. ويخرجه مجدى أبو عميرة
- مجدى أبو عميرة: الجزء الجديد ل"ليالى الحلمية" يعيد للدراما المصرية بريقها
- عودة الزمن الجميل.."ليالى الحلمية" يعود من جديد فى رمضان المقبل