بالفيديو..المصريون وصورة البطاقة..«أنا مش عارفنى..أنا مش أنا..أنا تهت منى»

"حسبى الله ونعم الوكيل..ربنا ينتقم منه.. ليه بيعمل معانا كدا".. دعوات وكلمات تتدل على معاناة من يقولها؛ ليست موجهة إلى "بلطجى" أو موظف مرتشى أو رجل أعمال فاسد، ولكن إلى الموظف الذى يشرف على تصوير الصورة التى توجد فى البطاقة الشخصية لأفراد الشعب المصرى.
"أنا بتكسف أطلعها وماشى من غيرها".. بتلك الكلمات بدأ مواطن الحديث مع كاميرا "فيديو7′′ خلال استطلاع رأى لعدد من المواطنين حول صورة البطاقة، وقال إنه "بسبب صورة بطاقته السيئة على حد قوله بيخجل أن يظهرها أمام الناس".
فيما مواطن آخر، قال:"أنا بمشى من غير بطاقة وماشى بجواز سفر..أنا شكلى زى المساجين".
"صورة البطاقة تحتاج إلى تجهيزات".. هذا ما قاله أحد المواطنين الذى تجاوز عمرة العشرين عاما، ولم يذهب إلى السجل المدنى حتى الآن خوفا من من صورة بطاقة سيئة، وأضاف:"أنا عامل حسابى من كلام اللى سمعته من الناس اللى قبل كدا وعارف هيعمل إيه.. هفضل اضحك ومش هكشر عشان ياخد أحسن صورة"، والغريب فى الأمر أن كاميرا "فيديو 7′′ التقت العديد من المواطنين لم يحصلوا حتى الآن على بطاقة شخصية.
وتعالت سخرية كثيرين واستنكارهم أيضا للخدمة التى يقدمها الموظف المشرف على تصوير صورة البطاقة ، قائلين: "ليه بيعمل معانا كدا.. ربنا ينتقم منه..أنا والله معرفوش أقبل كدا عشان يعمل معايا كدا.. أنا واحدة ست اللى صورتنى ومش عارف أقول لها إيه".
وطالب عدد من المواطنين تغيير الموظف المسئول عن صورة البطاقة الشخصية بآخر محترف، قائلين:"لازم اللى بيصورا البطاقات يتغيروا بمصورين محترفين عشان البطاقة بتفضل معانا فترة والواحد بيتكسف يطلعها".
ووجه عدد المواطنين، انتقادات للسجل مدنى، بسبب الصور السيئة التى توجد فى أى ورق يخص مصلحة حكومية، مطالبين السجل المدنى بتوفير معدات حديثة وأشخاص محترفين.