بالفيديو.. "إسراء" الخامس على الجمهورية: هدخل كلية الطب عشان أبقى دكتورة

"أنا ناوية ادخل كلية الطب علشان اطلع دكتورة واخدم بلدى "، بتلك الكلمات بدأت الطالبة "إسراء عماد بكر " الخامس مكرر علمى بالثانوية العامة من مدرسة بيجام الإعدادية ادارة غرب شبرا الخيمة بالقليوبية كلامها ل" اليوم السابع "
وقالت "إسراء " :"أنا كنت بذاكر 10 ساعات يوميا قبل امتحانات الثانوية العامة وكنت من المتفوقين فى الصف الثانى والأولى على المدرسة ولكننى لم أكن أتوقع أن أكون من أوائل الجمهورية ولكن بتعبى واهتمام والدى ووالدتى ربنا عوض تعبنا خير".
وأكدت الخامس مكرر بأوائل الثانوية العامة "كنت باخد دروس خصوصية فى كل المواد لكن الدروس وحدها لا تكفى للنجاح بل الاعتماد على النفس والمذاكرة اليومية هى الأهم" ووجهت إسراء الشكر لوالدها الذى يعمل مدرس لغة عربية ولوالدتها قائلة "من غيركم مكنتش هوصل للتفوق اللى انا وصلت له "
وأضافت إسراء: ناوية ادخل كلية الطب عشان ابقى دكتورة واعالج الفقراء واخدم بلدى اللى بحبها وبدعى للرئيس السيسى ان ربنا يوفقه ويحميه ويخدم البلد