نص تحقيقات النيابة فى قضية شبكة تبادل الزوجات الثانية بمدينة نصر.. "سماح": جوزى قال لى أثير "خالد" بكلام جنسى وصورنى وأنا عريانة.. حصلت بيننا مكالمات جنسية.. والشرطة دخلت علينا "الأوضة" بقمصان النوم

ينشر "اليوم السابع" نص تحقيقات النيابة العامة، فى أكبر شبكة لتبادل الزوجات بمدينة نصر، والمتهم فيها رجلان، بإقامة حفلات جنسية بين زوجتيهما بالتبادل، داخل إحدى الشقق بمدينة نصر.
بدأ المحقق بفتح المحضر، إذ تبين عرض المحضر رقم 22060 لسنة 2015 وبمطالعته تبين أنه حُرِّرَ بمعرفة المقدم أحمد حشاد، مدير مباحث الآداب والذى أثبت أنه وردت له معلومات من أحد مصادره السرية، بإنشاء أحد الأشخاص صفحة على شبكة التواصل الاجتماعى "فيس بوك" يدعو من خلالها راغبى ممارسة الجنس الجماعى، عن طريق فكرة تبادل الزوجات تحت اسم "عمرو وسماح".
محرر المحضر استعان بسيدة من مصادره السرية للإيقاع بمؤسس الصفحة
وتواصل محرر المحضر مع صاحب الصفحة، واستعان بسيدة من مصادره السرية للتواصل مع مؤسس الصفحة، بزعم أنه ومصدره السرى يرغبان فى ممارسة تلك الأفعال، حتى تَمَكَّنَ من التواصل مع مؤسس الصفحة، وإجراء محادثات هاتفية معه، وأخبره الزوج من خلال إحدى المحادثات أنه يرغب فى ترتيب حفلة جنس جماعى بينهما فى حضور زوجة كل منهما، وأخبره أيضًا بأن هناك زوجين آخرين على صلة به هو وزوجته ويرغبان فى حضور حفل جنس جماعى.
وبعد استئذان رئيس محكمة مدينة نصر، تم تسجيل المكالمات الهاتفية، واللقاءات التى تمت بينه وبين المتحرى عنهم، وثبت من آخر محادثة هاتفية الاتفاق على ترتيب لقاء جنس جماعى بإحدى الشقق المستأجرة بمدينة نصر، بمعرفة المتحرى عنهم المدعو "عمرو. م"، وعَقد اللقاء الجنسى، خاصة أنه اعتاد على إقامة حفلات بتلك الشقة.
وتبين من تحريات محرر المحضر أن الزوجين الآخرين وهما "محمد. م" و"سهام. م" من الأشخاص الذين يمارسون فكرة الجنس الجماعى عن طريق تبادل الزوجات، وبمداهمة الشقة تم ضبط كل الأشخاص بداخلها يمارسون أعمالاً منافية للآداب.
الاتفاق على المقابلة وفخ وقوع المتهم وزوجته
وبناءً على إذن النيابة، اتفق محرر المحضر على التقابل مع المتحرى عنهم "عمرو" وزوجته "سماح"، على أن يقابلهما بمصدره السرى التى تقوم بدور الزوجة، وقرر المتحرى عنهما انهما سيحضران الزوجين الآخرين "محمد" و"سهام"، حتى يشتركا معهم فى حفلة الجنس الجماعى.
وفى الموعد المحدد نشر محرر المحضر قواته حول الوحدة السكنية فى انتظار إشارة البدء، حتى دخل محرر المحضر إلى الوحدة السكنية، ومعه مصدره السرى التى تلعب دور زوجته، وتقابل مع المتحرى عنهم، والذين أخبروه بأنهم سيبدأون فى ممارسة الجنس الجماعى عن طريق تبادل كل زوج لزوجة الآخر، وطلب منهم أن يبدأوا فى ذلك، وبالفعل دخلتا "سهام"، و"سماح" غرفة النوم لارتداء الملابس المثيرة والاستعداد لممارسة الجنس، ودخل بعدهما الغرفة الزوجين "عمرو" ومحمد"، وتبادل كل منهما زوجته مع الآخر، وفى هذا التوقيت، أعطى محرر المحضر إشارته للقوة بمداهمة الشقة، وضبط المتهمين متلبسين، وتم التحفظ على ملابس المتهمين.
يبدأ المحقق فى سؤال المتهمة الأولى "سماح. ر" ربة منزل، وعُرِضَت تسجيلات التحقيق على المتهمة بعد ذلك واعترفت بصحتها..
س: ما قولك فيما هو منسوب إليكِ بأنك متهمة بإدارة مسكن لارتكاب أعمال الفجور والدعارة على النحو المبين بالأوراق
ج: محصلش
س: ما قولك فيما هو منسوب أنكِ متهمة بالإعلان بطريقة "مواقع التواصل الاجتماعى" على النحو المبين بالتحقيقات
ج: محصلش
س: ما الذى حدث إذن وما ظروف ضبطك وإحضارك
ج: اللى حصل إن جوزى عمرو اتعرف على واحدة اسمها "صوفى" على النت وعرفنى على جوزها وإحنا كنا هنبقى أصدقاء لأن جوزى عمرو عامل "أكونت" على ال"فيس بوك" بخصوص موضوع تبادل الزوجات، وبيتكلم مع ناس فى الموضوع ده، لكن إحنا ماعملناش حاجة مع أى حد خالص، بس هو لما اتعرف على واحدة اسمها "صوفى" وجوزها اسمه "خالد"، قال لى إننا هنتقابل معاهم عشان فى فرصة عمل معاهم، وقال لى إن خالد ده عنده مشاكل جنسية، لأنه بيتعاطى هيروين، وقال لى إننا هنبقى أصحاب مع بعض، وفى فرصة شُغْل معاهم، واتكلمنا فى التليفون أكتر من مكالمة، ولما كلمناهم، كان فى مكالمات جنسية بينى وبين خالد، بعد ما اتفقنا أنا وصوفى مراته وعمرو جوزى، على إننا نتكلم كلام جنس فى التليفون بس، وده مقابل إنهم يشغلوا عمرو جوزى.
وتضيف فى التحقيقات: كان فى واحد تانى اسمه "محمد"، جوزى اتعرف عليه، واتعرف على مراته اسمها "سهام"، وكان فى كلام حصل بين سهام وعمرو جوزى حكتهولى، إن فى مشاكل بينها وبين جوزها بسبب الجنس، وإنها نامت مع رجالة تانية، وأنا كنت اتصاحبت عليها وبكلمها فى التليفون وإحنا اتفقنا كلنا على التقابل يوم الأربعاء فى الشقة بتاعت "صوفى" اللى اتعرف عليها عمرو جوزى، وكان جوزى مفهمنى إن ممكن يحصل كلام فى الجنس ما بينا كلنا فى الشقة، وإنه متفق مع صوفى على كده، لأنهم بيحبوا الكلام ده، وحصل مكالمات بينى وبينهم قبلها، وأنا باعترف إن المكالمات كان فيها كلام جنس لكن ماكنتش هاعمل حاجة، واتقابلنا فى كافيه بمدينة نصر أنا وجوزى مع صوفى وخالد (الضابط ومصدره).
"وإحنا قاعدين، كان عمرو جوزى جايب معاه عضو ذكرى علشان "صوفى" طلبت منه كده، عشان تستعمله، وإحنا أخدنا العضو الذكرى معانا فى الكافيه، وحصل ما بينا كلام فى الجنس لكن ماعملناش حاجة.. وفى اليوم ده وبعد ما روّحنا البيت، أنا كنت بكلم عمرو جوزى وقولت له إنى مش مرتاحة من اللى بيحصل ده، وإن ده حرام، وهو كان بيقول علشان ضغوط الحياة إحنا هنجاريهم، وده مجرد كلام مش أكتر، علشان كده أنا وافقته وهو اتفق معاهم إننا نتقابل فى شقة خالد، ولما روحنا قابلنا "صوفى" وخالد جوزها اتكلمنا عن موضوع تبادل الزوجات، وكان عمرو بيكلمهم إنه عامل حساب على ال"فيس بوك" بخصوص الموضوع ده بس ماكنتش ناوية أعمل حاجة غلط مع خالد، وكانت "صوفى" متفقة معايا إنى أثيره بس بالكلام، لكن مش هنعمل حاجة، وقعدنا شوية مع بعض وإحنا قاعدين فى الشقة خالد نزل عشان يقابل "سهام" وجوزها، ويجيبهم الشقة عشان يقعدوا معانا وأنا كنت قاعدة مع جوزى عمرو وصوفى، لقيت جوزى بيداعبنى وأنا قاعدة على الكنبة ويبوس فيا قدام "صوفى"، ويحضنى ويتحسس جسمى، وكان هيقلعنى البنطلون اللى لابساه، وكانت "صوفى" بتتفرج علينا، وبعد كدة جم سهام وجوزها محمد، وقعدوا شوية معانا، وبعد كده دخلنا الأوضة أنا وسهام، وصوفى، وقالت لنا إنها جايبة قمصان نوم، وطلبت مننا تغيير ملابسنا، وأنا لبست قميص نوم أحمر وسهام لبست قميص لونه أسود، وقعدنا شوية مع بعض، وبعديها بشوية لقيت عمرو جوزى، ومحمد جوز سهام، دخلوا علينا أوضة النوم وإحنا قاعدين بقمصان النوم، وهما أول ما دخلوا إحنا اتكسفنا أنا وسهام لأننا كنا لابسين قمصان نوم عريانة، وغطينا نفسنا بالبطانية، راحت "صوفى" قالت لنا إنها جمعتنا إحنا الأربعة تتفرج علينا، راح جوزى عمرو قالها يعنى انتى عاملة كل ده عشان تتفرجى علينا راحت ضحكت جامد ومش فاكرة إيه اللى حصل بعد كده غير إن الشرطة دخلت علينا، وعرفت إن خالد وصوفى ضباط مباحث آداب، وده كل اللى حصل.
س:متى وأين حدث ذلك؟
ج: إحنا من فترة أنا وعمرو جوزى متعرفين على صوفى وجوزها خالد، وسهام وجوزها محمد، واتقابلنا فى الشقة إمبارح فى مدينة نصر.
س: ما سبب تواجدك بالمكان والزمان سالفى الذكر؟
ج: أنا كنت رايحة هناك مع عمرو جوزى على أساس إننا هنتقابل مع صوفى وجوزها خالد، وسهام وجوزها محمد.
س: ما هى صلتك بالمدعو (عمرو. م)؟
ج: هو جوزى وفى ولاد بينا
س: ما هى علاقتك بكل من المدعوة سهام و(محمد. م)؟
ج: هى سهام صاحبتى، واللى عرفنى عليها عمرو جوزى بعد ما هو اتعرف على جوزها محمد.
س: هل يمتلك زوجك المدعو عمرو حساب على ال"فيس بوك" بخصوص موضوع تبادل الزوجات؟
ج: أيوه أنا جوزى قال لى إنه عامل صفحة على النت بخصوص تبادل الزوجات.
س: ما هو سبب قيام سالف الذكر بإنشاء صفحة على ال"فيس بوك"؟
ج: أنا ماعرفش لأنى مش بعرف أدخل على النت.
س: هل تواصل زوجك مع أشخاص آخرين فى موقع التواصل الاجتماعى فى تلك الصفحة عن تبادل الزوجات؟
ج: أيوه هو كان بيكلم ناس على الصفحة بس ماكنتش بعرف أى تفاصيل.
س: هل سبق وأن طلب منك زوجك ممارسة الجنس الجماعى مع أزواج وزوجات آخرين عن طريق التبادل؟
ج: لا هو ماطلبش ده منى قبل كده، لكن هو صورنى صورة وأنا فى أوضة النوم وعريانة خالص، وصورنى أكتر من صورة وقال لى إنه بيحب يخلى الصور دى معاه.
س: ما هو سبب موافقتك على تصوير زوجك لتلك الصور الإباحية؟
ج: علشان هو جوزى، وكان بيصورنى وأنا فى أوضة النوم وأنا ماكنتش بقوله لا.
س: ما هى طبيعة العلاقة التى تربطك أنتِ وزوجك مع سهام ومحمد وصوفى وزوجها خالد؟
ج: إحنا كنا أصدقاء، وأنا عرفتهم عن طريق عمرو جوزى، وكانت سهام بتحكى لعمرو إن جوزها عنده مشاكل جنسية، وإنها نامت مع رجالة كتير قبل كده، وإن خالد وصوفى كانوا هيشغّلوا جوزى عندهم وإن صوفى كانت بتقولى إن جوزها خالد عنده مشاكل جنسية وإنها عايزه تثيره بإننا نتكلم فى الجنس مع بعض قدامه بس.
س: هل وافقتى على طلب المدعوة صوفى فى الحديث عن الجنس لإثارة المدعو خالد؟
ج: أيوه أنا وافقت على طلبها، وأقنعتنى إننا مش هانعمل حاجة غير الكلام بس.
س: ما هى كيفية تنفيذ الاتفاق الذى دار بينكم على الحديث فى الأمور الجنسية بينكما وبين باقى الأطراف؟
ج: إحنا كنا بنتكلم بعض فى التليفون، وكان كلامنا فيه عبارات جنسية.
س: وما سبب حدوث المقابلة بينكم فى أحد المقاهى بمدينة نصر؟
ج: إحنا كنا متفقين نتقابل علشان نقعد عادى مع بعض، وكان جوزى جايب عضو ذكرى صناعى علشان صوفى كانت طالباه منه.
س: وما هو الحوار الذى دار بينكم مع المدعو خالد والمدعوة صوفى؟
ج: إحنا اتكلمنا مع بعض وكان فى كلام هزار ما بينا، وكان فى كلام خارج شوية، وعمرو جوزى طلع العضو الصناعى على الترابيزة، بعدين اتفقنا نتقابل فى شقة مدينة نصر يوم الأربعاء.
س: ما هو الغرض من تلك المقابلة التى تم الاتفاق عليها بمدينة نصر؟
ج: إحنا اتفقنا تكون قاعدة صداقة، وجوزى قال لى ممكن يكون فى كلام فى الجنس لو خالد اتكلم فى حاجة زى كده عشان أثيره بالكلام، إنى أجارى خالد لو اتكلم فى الجنس.
س: وما سبب تغييرك الملابس عقب دخولك الوحدة السكنية؟
ج: أنا غيرت ولبست الترنج علشان نقعد براحتنا.
س: من أين تحصلتى على تلك الملابس التى ارتديتيها؟
ج: أنا كنت جايبة اللبس ده معايا وأنا جاية من الشقة.
س: وما الذى حدث بعد ذلك؟
ج: عمرو جوزى بدأ يبوسنى ويحضنى، وكان عايز يقلعنى قدام صوفى، رحت زقيته، وبعد كدة جت سهام وجوزها محمد، ودخلنا أوضة النوم.
س: وما الذى حدث بعد ذلك؟
ج: إحنا قعدنا هزرنا، ولبسنا قمصان النوم، ودخل علينا عمرو جوزى ومحمد زوج سهام.
س: هل حدثت بينكما معاشرة جنسية؟
ج: لا إحنا مالحقناش نعمل حاجة ولقينا الشرطة دخلت علينا.
س: وما سبب قبول زوجك المدعو عمرو بظهورك وأنتِ تمارسين الجنس معه وفق ما قررتى؟
ج: أنا مش عارفة ودى غلطة، أنا عارفة إنى غلطانة، ماعرفش هو عمل كده ليه؟
س: هل لديكى أقوال أخرى؟
ج: لا