بالفيديو.. ضابط شرطة معلقًا على واقعة سيدة المطار: "عايزين مننا ايه"

تداول رواد موقع التواصل الاجتماعي فيس بوك فيديو لضابط شرطة معلقاً على الحادثة المعروفة الاعلامية بسيدة المطار، وهو يوجه رسالة بخصوص ماتعرض له ضابط شرطة على يد هذه السيدة لمن هم ضد الشرطة ويقول الضابط في مقطع الفيديو: "طبعا احنا شفنا واقعة تعدي واحدة ست على ظابط شرطة بشكل مشين فى المطار". وأضاف: "هي واقعة مشينة الظابط فيها اتعامل بمهنية زيادة عن اللزوم، بس طبعا احنا كلنا كظباط مقهورين جدا من اللى حصل " وتساءل بسخرية : "بس هنا السؤال انتم عايزين مننا إيه"؟: "انت سيادتك عايز ايه من ضابط الشرطة، لا كده نافع ولا كده نافع، انت عايز ايه؟ المفروض نعمل لسيادتك ايه"؟ وقال: "الضابط اتعامل بأدب زيادة عن اللزوم وحظ الست الكويس انها وقعت مع راجل محترم " وتابع: "يعني إيه المطلوب مننا؟ لو كان مد إيده عليها كانت الشرطة والداخلية وبلطجية، اتعامل بالراحة الداخلية تستاهل اللي بيحصلها، انتم عايزين مننا إيه؟ ضبط النفس، احنا شغالين ضبط النفس لحد ما نفسنا اتقطع. وقال: "الواحد بقى قاعد مع نفسه مقهور بسبب الحاجات اللي بيشوفها كل يوم"، مضيفًا: "طبعا الكلام ده بيضايق حضراتكم". و أكد الضابط: "كلامي للناس الي هي على طول ضدنا وراكبة الموجة، لكن فيه ناس كتير والأكتر معانا، الاستفزاز وقلة الذوق زي اللي شفناها، لكن الناس الأغلب معانا كلنا والحمد لله". وسخر فى نهاية حديثة: "بالراحة علينا شوية بعد إذن حضراتكم لأن إحنا ناس محترمة وزينا زيكم ، تعالوا على نفسكم شوية وخليكوا حلوين معانا عشان احنا كويسين معاكوا"