قناة السويس الجديدة

عايزين نبنى بلدنا
بأيدينا وبإيدين ولدنا
احفر يا مصرى بإيدك
احفر زود مواردك
اضرب بعزم شديد
اضرب بأيد من الحديد
مرت سنين وسنين
وإحنا قعدين مستنين
نفسنا فى حاجة تلمنا
عايزين بلدنا تضمنا
صرخ السيسى وقال
هنحفر قناة بالرجال
عايزين نزود دخلنا
علشان كدة هنحفر فى أرضنا
والمصريون هما اللى هيدفعوا
مش هنسيب مشروعنا لحد هيوقعه
هنحط إيدينا فى جيوبنا
ونلم من بعضنا مش مستنين حد يدفعلنا
وبدأنا نطرح شهادات
وبدأنا نرجع اللى فات
والسيسى قاعد قلقان فى القصر
مش عارف هيكون إيه رد مصر
اصلوا شايف إن إحنا لازم نشتغل بجد
زى زمان ما بيننا سد
والرد جالوا بسرعة
يا ريس الناس واقفة فى البنوك بالطوابير
من صغير لكبير
وفى طابور لقيت صغير بيقول للكبير يا والدى
لو تعبان اتفضل قبلى
على طول افتكرت ميدان التحرير
إزاى الصغير كان بيحترم كبير
أصل فى الميدان كان نفسنا نبنى بلدنا
بأفكارنا وبأيدنا مش بأيد الأمريكان
اللى مش عايزين خير البلد لناسها وشعبها
عايزين بس يسيطروا على أرضها
والجوع و المرض يأكلوا فى الشعب بجد
أصلوا ما بيصعبش على حد
لحد ما ظهر مشروعنا جديد هنبنى ونحفر فى أرضنا
ونعمل قناة جديدة لوحدنا ومحدش هيهمنا
وبعد تمن تيام
قالوا خلاص لمنا الفلوس وكلوا تمام
صرخ اللى بالى بالك وقال إزاى فى تمن تيام
لموا كل فلوس دى وبقوا قدام
أصلهم كانوا فاكرين إنهم مش هتقملنا قومه كمان
بعد اللى خططوة لينا زمان
بس احب أفكرك إن أولادها اللى بنوا الهرم والسد
مش عايزين مساعدة من حد
وربنا معانا وحافظها أصلها مذكورة فى القرآن
أكتر من أى دولة كمان
سنة والماية تجرى فى القناة والشعب يقول الله
الله يا بلدنا الله على جيشك والشعب معاه
وآخر الكلام عايزين نبنى بلدنا يا سيسى
متنساش إنك رئيسى
وربنا هيسألك فى الأخرة
أصل الحكاية مش سهلة
وربنا معاك والشعب وراك