بالصور.. بائع فوانيس: عندى أكبر فانوس بالسوق.. والزبائن تفضل المصرى

أيام على بداية شهر رمضان الكريم، وكالعادة يسبقه استعدادات الشارع المصرى لعرض المنتجات الخاصة بهذا الشهر، الفوانيس تتصدر المشهد دائما وتحديدا فى منطقة خان الخليلى وشارع المعز، ستجد هناك كل ما تبحث عنه وكل شىء متعلق بشهر رمضان.
يتحدث عم زكريا، أحد الباعة بشارع المعز، عن استعداداته لشهر رمضان، "السنة دية تعتبر أحسن شويه من السنة اللى فاتت، وحركة البيع والشراء أحسن والناس بدأت تشترى من فترة وكمان فى إقبال كبير على الفوانيس المصرى مع أن فى أشكال كثيرة من الفوانيس ظهرت صينى وغيره بس الناس الحمد لله ركزت مع المصرى السنة دى، وديه بشرة خير أن الناس تحس أن صناعة بلدها أحسن ميت مرة من الصينى".
ويستكمل "أنا هنا عندى أكبر فانوس فى السوق، وممكن كمان أعمل أكبر منه على حسب طلب الزبون وكل واحد على حسب ما هو عايز".