الرعب يجتاح سكان العشش المجاورة لكوبرى عزبة النخل المنهار.. أحد الأهالى: "خايفين ندخل عششنا".. وآخر: "طلعنا العزال برة علشان مايرحش اللى ورانا واللى قدامنا".. وسيدة: "رضينا بالهم والهم مش راضى بينا"

استيقظوا على رائحة الحريق الذى التهمت نيرانه "عشش" جيرانهم الذين لا يفصلهم عنهم سوى أمتار قليلة، "ستر ربنا" – مثلما يقولون- تكفل بعدم احتراق عششهم بالمثل والتى تقبع بدورها أسفل كوبرى الشيخ منصور الممتد بين منطقتى عزبة النخل والمرج، الذى سقطت إحدى حارتيه المرورية من المنتصف تقريبا نتيجة لعدم تحمله للحريق الذى شب فى مجموعة من العشش أسفله.
شقوق بطول الكوبرى المتهالك الذى لم ينهار كلية بعد تنذر بكارثة فى الطريق ستحط على رؤوس بقية الأسر التى تسكن عشرات العشش القابعة أسفل الكوبرى.
"رشاد محمد" أحد سكان العشش التى تتوجس من مصير مماثل يقول ل"اليوم السابع"، "صحينا على ريحة الشياط كنا فاكرين عششنا اللى بتتحرق بس لقينا الحريق عند العشش اللى بعدينا بكام خطوة وجرينا نحاول نطفى معاهم الحريق ومن ساعتها مش عارفين ندخل جوه عششنا خايفين يقع عليها الكوبرى زى ما حصل معاهم".
بعد أن وصلت الشرطة والمطافئ انصرفوا عن نكبة جيرانهم فى محاولة لإنقاذ ما يمكن إنقاذه من "عزالهم"، ويقول رشاد: "بنحاول نطلع العزال بتاعنا بره العشش عشان لو وقع عليها الكوبرى ميرحش اللى ورانا واللى قدامنا".
"رضينا بالهم والهم مش راضى بينا" هكذا وصفت "أم حسين" مأساة حياتهم داخل العشش القذرة دون صرف صحى ووسط قطاع الطرق والبلطجية دون سكن آمن يحتموا بداخله، مضيفة: "حتى العشش اللى كانت بتلمنا هتقع هى كمان فوق دماغنا، من ساعة الحريق ووقوع الكوبرى وإحنا عايشين فى رعب ومعندناش مكان تانى نروحه وأدينا قاعدين قدام العشش لحد ما يصلحوا الكوبرى أو يدونا بيوت تأوينا"
موضوعات متعلقة..
بالفيديو..سقوط أجزاء من الكوبرى الواصل بين عزبة النخل والمرج
مرور القاهرة: تحويلات مرورية بسبب انهيار كوبرى عزبة النخل بالمرج
انهيار كوبرى "الشيخ منصور" بعزبة النخل يكشف عن مأساة 10 أسر يسكنون العشش منذ 13 عامًا.. "سعاد": "عربية وقعت من الكوبرى من سنتين موتت بنتى".. "أحمد": "مُتنا من البرد والمسئولين ودن من طين وودن من عجين