دعوات على "الفيسبوك" للتبرع لأطفال الشوارع بالملابس والبطاطين

بسبب برودة الجو..

مع أول قرصات برد الشتاء تذكر عدد من الشباب معاناة أطفال الشوارع مما دفع بعضهم للدعوة عبر صفحات موقع التواصل الاجتماعى "الفيسبوك" للتبرع لهؤلاء الأطفال بالملابس الشتوية والبطاطين التى تمنحهم بعض الدفء فى هذا الجو شديد البرودة.
وتحت عنوان "أنت حاسس بالبرد وأنت فى البيت طب أطفال الشوارع حاسين بإيه"، دشن مجموعة من الأصدقاء دعوة للتبرع بالملابس القديمة لأطفال الشوارع يوم الجمعة القادمة ولم يحددوا مكانا معين لذلك؛ حيث قال "أدهم" و"هيما" أدمن صفحة الدعوة على الفيسبوك: "وأنت بتطلع هدومك الشتوى هتلاقى حاجات صغرت عليك وحاجات مبقاش ليك مزاج تلبسها، جمعهم وخليهم معاك فى شنطة وأنت ماشى فى الشارع هتلاقى ناس غلابة بردانين كتير فى الجناين وعلى الأرصفة وسلم المترو، "كما دعيا من يقدر للتبرع ببطانية أو لحاف لينال ثواب كبير قائلين عبر صفحة الدعوة لحث الشباب على التعاطف مع معاناة أطفال الشوارع، "إحنا فى البيت وسقعانين جدا أمال اللى مش لاقى أربع حيطان يتدارى بيهم من البرد!".
"الفكرة بدأت من "ستاتس" على الفيسبوك.. هكذا أشار "هيما هيجلر" أدمن الصفحة قائلا: "كنت بتصفح الفيسبوك لقيت صديقى كاتب ستاتس على صفحته عن الفكرة دى فعجبتنى وكتبتها على صفحتى فعجبت أصاحبى، وأحمد حامد صاحبى قالى دى ممكن تكبر وتبقى دعوة للناس كلها على الفيسبوك وبالفعل عجبت ناس كتير وتحمسوا للفكرة"، مضيفا: "ياريت كل اللى يقدر يضيف أصحابه عشان يشاركوا فى الفكرة وناس تانية تشتغل عليها".
فى حين تحمست "دونا محمد" إحدى المشتركات فى صفحة الدعوة قائلة، "كنت لسه بفكر أعمل صفحة أو جروب لنفس الفكرة دى لأن بجد البرد داخل جامد والناس اللى فى الشارع كتير وياريت نقدر نساعدهم".