وطن للبيع مين يشترى؟

وطن للإيجار، كله استثمار، مليان ثروات، ومعاه شعب طيب غلبان، مغلوب على أمره.. عايش تعبان شقيان، حد عاوز وطن مجروح لسه عايش بألف روح.. حد عايز وطن مليان ثروات وعايش مديون وفقير مقهور من حكامه.. حد عاوز وطن أرخص ما فى شعبه، هو الوحيد ملوش ثمن، نظامه بايعه.. حد عاوز وطن سر الحياة فى شعبه.. وطن للبيع وقع فى يد الجماعة، هدفهم تطبيق الخلافة، واحنا فى متاهه.. أى نظام فاشل هو اللى بيبعها ويأجرها واحنا قعدين على بابها نستنى اللقمة بدل ما نشغلها.. ليه بيبعها ماهو ده الأسهل لنظام فاشل.. دوستو علينا علشان مصلحتكم وبرضه مش هنسلم ولا يوم راح نستسلم.. كفرنا وقتلنا ونهب قوتنا.. مهما تصهين بلاش تستهون مش هنأجرها ولا هنبيعها.