غضب النشطاء لاغتيال الطفل بائع البطاطا.. نوارة: مش هيعدى دم الطفل على خير.. محمد: اتركوا مصر أنتم لستم منا.. حسام: ربنا ينتقم من القتلة.. شريف: موت الطفل هو موت إنسانيتنا

حالة من الغضب والثورة انتابت نشطاء تويتر بسبب الطفل الذى قتلته الشرطة، وتركوه أمام عربة البطاطا التى يعمل عليها، أمام السفارة الأمريكية، وقاموا بتدشين هاشتاجات "الإخوان قتلة الأطفال" و"الطفل المجهول بائع بطاطا" .
نوارة نجم "افتكروا التويتة دى.. دم الطفل ده ربنا مش حيعديه علينا على خير.. وفى دم كتير جاى علينا كلنا.. ده مش بس طفل ده فقير كمان.. "
أحمد صابر: "إيه الخطر اللى هيعمله الطفل ده على نظامكم !"
محمد إسماعيل: " اتركوا مصر أيها... فأنتم لستم منا ودعوا ديننا السمح بعيدا عن قذاراتكم فهو منكم براء"
وقال: من أطلق على نفسه مصر هى قدرى "موت الطفل ده سيكون مسمار أخير فى نعش مرسى قاتلون ويضحكون ويستهزئون"
وقال محمد الساعد: " الإخوان يا يتجوزوا الأطفال يا بيقتلوهم" .
وقالت سجا حسن: " الطفل ده عمل ليكم إيه ؟ .. غلط وعمل إيه للداخلية ؟ .. غلط فى الشرعية والشريعة إزاى ؟"
وقال حسام أحمد: "ربنا ينتقم من القتلة... فى غياب العدل القصاص مش هيجى بالهتاف هيجى بالقوة وأى كلام غير كدة تهريج" .
وائل إيجى: " كلنا عارفين ده وكبيرنا قاعدين نهرى على تويتر ..الكل باطل ..الكل" .
وقال شريف عاطف: "إنها الصورة ليست بسوريا ... ولا بفلسطين الصورة لطفل مصرى بمستشفى المنيرة، الإخوان قتلة الأطفال رصاصة بالقلب."
وقال من أطلق على نفسه عايش نصف ميت" بأى ذنب قتل ؟ حسبى الله ونعم الوكيل" .
إسراء جاد قالت: " يعنى واحد قتل وسرق واتستر ع القتلة وكرمهم واداهم مناصب وقلادات نيل وعرى شعب بحاله هيستحرم يقتل طفل؟!"
البروفيسور قال: " من قتل يقتل ولوبعد حين لقد تلوثت يداك وذقنك وجلبابك وسجادة صلاتك ومسبحتك بدماء الأطفال يا مرسى ومسواكك يتساقط منة الدم "
محمد إبراهيم قال: " يا أساتذة الإخوان مش بيخافوا إلا من رد فعل الغرب ..يجب نشر كل ما يتعلق بالأطفال بسرعة وبكثافة فى الإعلام الغربى" .
عمرو وديع قال: " حسبى الله ونعم الوكيل، الولد ده دمه فى رقبة مرسى. ربنا يرحمه يا رب ويصبر أهله وينتقم من اللى قتله" .
وقال شريف عثمان"انظرو فى صورة هذا الطفل المقتول ليعبر مع موته عن موت إنسانيتنا" .
وقالت أم دينا: "عمر كان أكيد عنده أمل وبيحلم إن اللى صور معاه دا يجيله يساعده فى يوم من الأيام زى ما قاله قتلوه وقتلوا حلمه" .
مصطفى مسلم قال: " كان بيبيع بطاطا عشان يأكل أمه وإخواته خد طلقتين مش طلقة غلط .. ده برضو بلطجى!؟" .
عبد الله السماحى علَّق: "لما تلاقى طفل عنده 12 سنة للأسف بقا هوا رأجل البيت بحكم الظروف، يبقى بجد الحمد لله أوى للى الواحد فيه دلوقتى" .
وقال أحمد منسى: "عاش منسى ومات مجهول واندفن وحيد" .
وقال شادى طه: " كل اللى كان بيشترى من هذا الطفل بكى لما رآه غرقان فى دمه جنب عربية البطاطا بتاعته" .
وقال الجبالى: "أهملوه عن عمد وقتلوه بالخطأ.. دمه فى رقبتك يا مرسى إنت وأهلك وعصابتك لم يرحموا طفلا مريضا بالسرطان ولم يرحموا بائع بطاطا"
وقال أحمد سعفان: "بكرة تقرير الطبيب الشرعى يقول: إن عربية البطاطا خبططه مات" .
وقال عمرو شتاين: " ثورة الغضب ستأتى ولن ترحم من نفذ وتواطأ وتخاذل" .
وقالت نينا صبرى ساخرة: " عمره ما تجاوزش 10 سنين، لكنه أرهب الداخلية المجهزة بالعدة والعتاد، فاضطروا يقتلوه، بس طبعا كان قتل خطأ".