«ثورة الإنترنت»: القومي لتنظيم الاتصالات متواطئ مع الشركات

قالت حملة "ثورة الإنترنت"، إن الجهاز القومي لتنظيم الاتصالات متواطئ مع شركات الإنترنت.
وأضافت الحملة على صفحتها بموقع "فيس بوك"، اليوم الأربعاء:"لما بتكلم أي حد من خدمة عملاء شركات الإنترنت عشان تشتكي من الخدمة، كالعادة لازم تنتظر أكتر من ساعة على التليفون ويسمعوك موسيقي لحد ما حد من البهوات يرد وفي الأخر تسمع رد من الردود المستفزة دي..'' افصل الروتر وشغله تاني يا فندم''
''طب ممكن تشيل كابل الPower لمدة 5 دقائق وتحطه تاني''
''لو في أجهزة كهربائية جمب الروتر ياريت تفصلها أو تبعده عنه''
''في مشكلة في السنترال وقريب هنحلها''
''أصل عندك فيرس على جهازك وهو اللي عامل المشاكل''.
وتابعت:"كل الكلام ده بيتقال لكل الناس اللي بتشتكي من الخدمة ومفيش حاجة بتتحل، والمفروض إن الجهاز القومي لتنظيم الاتصالات بيحل المشاكل دي وبيحمي حقوق المستخدمين، لكن للأسف هو متواطئ مع شركات الإنترنت".