ثورة «فيس بوك» تشتعل مجددا ضد «السبكي» بسبب فيلم «حلاوة روح».. عزة: «الكلام خسارة فيه».. نجلاء: «ربنا هيحاسبه عالفلوس إللى بيصرفها في العك».. سيكا: «يبقى يخلي هيفا تشفع له».. حسن: «خليتوا البلد دعارة»

اشتعلت ثورة نشطاء موقع التواصل الاجتماعي "فيس بوك" مجددا ضد منتج فيلم "حلاوة روح" محمد السبكي، بسبب تصريحه الأخير بأنه سيعرض الفليم "مجانا" ردا على قرار رئيس الوزراء المهندس إبراهيم محلب بإيقاف عرضه سينمائيا، وإعادته إلى هيئة الرقابة على المصنفات الفنية.
العيب مش عليه
في تدوينة له على "فيس بوك" وجه إيهاب الخنينى رسالة إلى السبكي قائلا: "أقول له العيب مش عيبك، العيب عيب الأب اللى ما رباش وساب ابنه يروح السيما، فلولا كثرة الزبائن لوقف حال هؤلاء وعيب الحكومة ووسائل الإعلام التي تطبل، وعيب الأزهر الذي استيقظ مؤخرا".
فيما علقت نجلاء سعيد قائلة: "ربنا يرحمنا من أشكاله.. أكيد ربنا هيحاسبه حساب عسير عالفلوس اللى بيصرفها في العك ده". بينما علقت عزة درويش: "نو كومنت.. الكلام خسارة في أمثاله"
وكتب محمود فتحي سيكا: "لما تغيب شمس الإسلام من قلوب المصريين يبقم يخلوا هيفا تشفعلهم"
ربنا ينتقم منهم
أما حسن سعيد فكتب تدوينه قال فيها: "ربنا ينتقم منكم وسختوا سمعة البلد وخليتوا كل البلاد تقول أن مصر بلد الفسق والدعارة ودة بسبب العرى والوساخة اللى في أفلامكم بس الحمد لله ربنا هينتقم منك اكتر واكتر في الدنيا والاخرة"
فيما علقت سناء صبرى قائلة: "السبكي هرب بره مصر عشان محدش يقاضيه لما الأمور تهدي يعني لما تصرف عشرين مليون جنيه على الفيلم ياخي اعمل حسنه بيهم تدخل الجنه دا انت حتى وشك عليه غضب ربنا".
السبكي راجل جدع
وبسخرية لاذعة علق سعد حمادة قائلا: "والله اجدعان السبكى ده راجل جدع بيحب الشعب.. الراجل شاف اللحمة غالية في السوق فحب يخلي اللحمة في متناول محدود الدخل.. فبقى يقدم أرخص لحمة". بينما علق أبو كنزى: "فيلم داعر وغير لائق بالمرة ربنا ينتقم منكم شياطين".
وكتبت إيمي أكسنت: "بصراحة فيلم زى الزفت وكل اللى اشترك فيه هباب وقطران والواحد احتقرهم، وسقطوا من نظري، وعمرى ما أخشلهم أفلام تانى.. يا خسارة خسروا رصيدهم عند الناس.. أين الرقابة؟".