شباب "فيس بوك" يكشفون سر ابتسامة "البلتاجي"

أخيرا هشرب كابي.. كان أحد التفسيرات لابتسامة محمد البلتاجي بعد القبض عليه، بينما رأى آخرون أن البلتاجي كان مبتسمًا لأنه لم يكن يعلم أنه تم القبض عليه، بينما توقع آخرون أن الشرطة تقوم "بزغزغتهم".. الشباب سخروا من قيادات الجماعة بعد القبض عليهم وخاصة أنه لم يبق منهم أحدا خارج السجن إلا العريان وأوباما، "فيتو كافيه" رصدت تعليقات الشباب..

علاء الصيرفي: الإخوان حاولوا يكوشوا على مصر كلها بس طلعوا منها بإزازة عصير كابي..
فارس غنام: وعلي رأي المثل: اللي أوله رابعة.. آخره طرة..
لمياء الجيزاوي: كده بقى مش فاضل من قيادات الإخوان غير العريان وأوباما.. !
طارق الشيخ: الظابط: مين رئيسك الشرعى ؟
البلتاجى: محمد مرسي يا باشا
الظابط: طااااااااااااااااااااااخ
البلتاجى: يسقط يسقط حكم المرشد
هشام أبو يوسف: بصراحة البلتاجى اتظلم كان لازم يجيبوا له حاجة يشربها
تغريد ياسين: محمد البلتاجي بعد القبض عليه: أنا مش إخوان.. التاني كان بشنب
خالد عبد الوهاب: بفكر بالمناسبة السعيدة دى امنشن كل الإخوان واللى بيحترموهم اللى عندى
انا مبسوط يا هانى وعايز كل اللى نجوا يبقوا مباسيط زيى.. اصرفلهم تلت سنين سجن
محمد العباسي: حتى البلتاجى اللى مبيضحكش ضحك.. أنتوا بتزغزغوهم تحت باطهم وانتو ماسكينهم !؟
نادر عمارة: فرحان أخيرا هيشرب كابي
أنا إخوان أنا مقطف بودان: اللى مش عاجبه يروح كندا.. من الأقوال الماثورة للشيخ محمد حسين يعقوب !!
بوسي أحمد: واحنا بقي نقولهم اللي مش عاجبه يروح قطر أو تركيا
رودي روزي: البلتاجي كان بيقول بكرة في اخبار هتفرح الناس تاني يوم اتقبض عليه.. الحق عليه يعنى عايز يفرحنا هههههههههههه
سجود العايدي: البلتاجى قعد طول حياته مكشر ومضحكش غير لما اتقبض عليه..
ليلى أحمد: حد يقوله إنه اتقبض عليه عشان شكله مش مستوعب الموقف
رشا مدكور: وسيذكر التاريخ أن الصورة الوحيدة اللي ابتسم فيها البلتاجي كانت صورته وهو مقبوض عليه