سر ابتسامة البلتاجى.. أخيرا هاشرب « كابى» ويزغزغونى!

أخيرا هيشرب كابي.. كان أحد التفسيرات لابتسامة محمد البلتاجي بعد إلقاء القبض عليه، بينما رأى آخرون أن البلتاجي كان مبتسما لأنه لم يكن يعلم أنه تم القبض عليه، بينما توقع آخرون أن الشرطة تقوم "بزغزغته"... الشباب سخروا من قيادات الجماعة بعد القبض عليهم وخاصة أنه لم يبق منهم أحد خارج السجن إلا العريان وأوباما، "فيتو كافيه" رصدت تعليقات الشباب..
علاء الصيرفي: الإخوان حاولوا يكوشوا على مصر كلها بس طلعوا منها بإزازة عصير كابي..
فارس غنام: وعلي رأي المثل.. اللي أوله رابعة.. آخره طرة..
لمياء الجيزاوي: كده بقى مش فاضل من قيادات الإخوان غير العريان وأوباما.. !
طارق الشيخ: الظابط: مين رئيسك الشرعى ؟
البلتاجى: محمد مرسي يا باشا..
الظابط: طااااااااااااااااااااااخ..
البلتاجى: يسقط يسقط حكم المرشد..
هشام أبو يوسف: بصراحة البلتاجى اتظلم..كان لازم يجيبوا له حاجة يشربها..
تغريد ياسين: محمد البلتاجي بعد القبض عليه: أنا مش إخوان.. التاني كان بشنب..
خالد عبد الوهاب: بافكر بالمناسبة السعيدة دى امنشن كل الإخوان واللى بيحترموهم اللى عندى.. أنا مبسوط يا هانى وعايز كل اللى نحوا يبقى مباسيط زيى.. اصرف لهم تلات سنين سجن..
محمد العباسي: حتى البلتاجى اللى مبيضحكش ضحك.. انتوا بتزغزغوهم تحت باطهم وانتوا ماسكينهم !؟
نادر عمارة: فرحان أخيرا.. هايشرب كابي..
أنا إخوان أنا مقطف بودان: اللى مش عاجبه يروح كندا.. من الأقوال المأثورة للشيخ محمد حسين يعقوب !
بوسي أحمد: واحنا بقي نقول لهم اللي مش عاجبه يروح قطر أو تركيا..
رودي روزي: البلتاجي كان بيقول بكرة فيه أخبار هاتفرح الناس.. تاني يوم اتقبض عليه.. الحق عليه يعنى عايز يفرحنا... هههههههههههه..
سجود العايدي: البلتاجى قعد طول حياته مكشر ومضحكش غير لما اتقبض عليه..
ليلى أحمد: حد يقول له إنه اتقبض عليه عشان شكله مش مستوعب الموقف..
رشا مدكور: وسيذكر التاريخ أن الصورة الوحيدة اللي ابتسم فيها البلتاجي كانت صورته وهو مقبوض عليه..