باسم يوسف ل بيرس مورجان: إسرائيل أفسدت الغرب أخلاقيا، وليه أمريكا ما تاخدش الإسرائيليين في فلوريدا بدلا من سيناء

تحدث الدكتور والإعلامى الساخر باسم يوسف مع الإعلامى الشهير بيرس مورجان عن تطورات القضية الفلسطينية وما يعانيه الفلسطينيون من انتهاكات وجرائم حرب عنيفة من قبل الإحتلال الإسرائيلي.
باسم يوسف وبيرس مورجان
وأكد فى مطلع حديثه أن إسرائيل أفسدت الغرب أخلاقيا بشكل لا مثيل له وأنهم يحتاجون لكثير من الوقت لتبيض وجوههم من جديد. فالمجتمع الغربي كان يظهر بكون ليبرالي متفتح حامي الحقوق والحريات إلا أن الحقيقة أظهرت العكس فهم حتى لا يستطيعوا ولا يقوا على مشاهدة المجازر التى ترتكبها إسرائيل فى الشعل الأصلى لفلسطين.
كما تحدث باسم يوسف عن تاريخ الصراع من وقت الانتداب البريطاني مستعينا بخرائط، ومشيرا إلى أن الفلسطينيين مازالوا محتفظين بمفاتيح بيوتهم القديمة، كما تحظث عن فكرة صفقة القرن متساءلا كيف ل الفلسطنيين ترك أرضهم والمغادرة ل الأردن ولا مصر ما كلنا عرب طيب خلاص ليه الغرب اللي بيدعم إسرائيل ماياخدش إسرائيل عندهم ولا أمريكا تاخد إسرائيل وتعملها ولاية عندها فيمكن تطببق صفقة القرن فى فلوريدا مثلا..
باسم يوسف
وعقب إنتهاء الحوار كتب باسم عبر حسابه الشخصي بموقع "فيسبوك":
انا دخلت الحوار ده وفي مخي الاهداف التالية:
1. اني بتكلم مع المشاهد الغربي. هذا المشاهد شايف صورة تانية غيرنا. اللي بيتعرضله غيرنا. قناعاته مالهاش علاقة بالحقيقة اللي عايشينها. فكان لازم اكلمه بلغته واجيبه ناحيتنا.
2. اني اثير فضول المشاهد الغربي اني اقول اسماء مصادر هو يدور عليها بعد كده بنفسه ويشوف الحقيقة
3. اني افصل بين الصهيونية والسامية واكشف الناس اللي بتتهمنا بمعاداة السامية وهما اصلا اكثر كارهين ليهم بمافيهم نتنياهو
4. اني احكي تاريخ الصراع من الاول خالص واوريهم ان دي مشكلة اوربية هما رموها علينا
5. اني اكشف دولة الفصل العنصري ضد مواطنيها ايا كان اصلهم واكشف ان موضوع "الدولة الديموقراطية الوحيدة في المنطقة" انها كذبة كبيرة
6. اني ابين كذبهم واضرب مصداقيتهم قدام الجمهور الغربي
7. النبرة بتاعة الحوار لازم تبقى هادية والواحد مش لازم ينجر للاستفزازات. فيه حاجات كتيرة كان واضح اني مفوتها بمزاجي عشان مافيش وقت اني احرق بنزين في نقاشات بيزنطية مالهاش لازمة. انا كنت باتجنب الوقوع في فخ الخلاف الفاضي لان ده تكنيك هدفه انه يخرجك عن شعورك وتنسى النقط بتاعتك. كنت باسمه كلام انا مش موافق عليه عشان استثمر الوقت ده في النقط اللي فوق. الحوار ده مش بتاع قصف جبهات وزعيق ونرفزة لان في الاخر مش عايز ابقى "رجل عربي غاضب" لان دي الصورة المتداولة. انا مش داخل عشان "اهزمه" انا داخل اكلم الناس اللي بتتفرج واللي يمكن ماكانوش سمعوا اي حاجة عننا. اكبر غلطة انك تخللي الايجو بتاعك يقف في السكة عشان في الاخر المهم الكلام عن القضية مش انك تاخد نقط حوارية مالهاش لازمة.
تاني، ده انترفيو للخارج عشان يفضل كمرجع مستقبلي نكلم بيه العالم اللي بره. انا حاولت اعمل على قد ما اقدر. والحقيقة المؤسفة ان لما الناس تبقى مستنية كوميديان يتكلم عن قضية بالاهمية دي فده شئ حزين جدا. انا اقل واحد مؤهل اني اعمل كده بس ده موقف وانحطيت فيه واتمنى تبقى دي بداية لاسلوب تاني للحوار مع الخارج.

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.