أحمد العوضي يتعاقد على بطولة فيلم الإسكندراني من إخراج خالد يوسف

أحمد العوضي، أعلن الفنان أحمد العوضي تعاقده على بطولة فيلم جديد من إخراج خالد يوسف.

ونشر العوضي صورة له برفقة خالد يوسف عبر صفحته على فيس بوك وكتب قائلا: بسم الله توكلنا علي الله، تم التعاقد علي فيلم الإسكندراني للمخرج الكبير خالد يوسف، إن شاء الله فيلم يليق بكل إخواتي".
وفي وقت سابق حل أحمد العوضي ضيفا على برنامج صاحبة السعادة مع الفنانة إسعاد يونس، وقال: "أي مشهد فيه كوميديا بيكون فكرة ياسمين عبد العزيز وأنا بمشي وراها في الكوميديا".

غيرة أحمد العوضي على ياسمين عبد العزيز
ولفت: "كنت بتخانق وأنا صغير في المدرسة بس اتعلمت حاجة إن أي اتنين بيضربوا بعض بيتهانوا وعلشان كدا كنت بحوش بس في الخناقات، بس أنا لو أنا غِرت على ياسمين عبد العزيز لو حد غتت هتخانق وهنا العقل بيعطل والحمية هي اللي بتسحبني، بس عمري ما أتخانق مع أخويا أصل إحنا اتنين واتخانقت لأخويا وإحنا صغيرين".



منطقة عين شمس
وأضاف: "طول الوقت بطلع بقول أنا فخور إني من عين شمس لإن هي دي المنطقة اللي علمتني".

وفاة والدة أحمد العوضي
ولفت: "أمي ماتت وأنا صغير كان عندي 9 سنين فأبويا هو اللي رباني أنا وأخويا وعلشان كدا ممكن تكون شخصيتي ناشفة شوية لإني تربية راجل وما كانش فيه أم، اتربينا في بيت بسيط مساحته 60 متر، ولما جيت اخترت أبقى ممثل أعطاني والدي الحرية أبقى أختار زي ما أنا عايز بس محمل بالتجارب في عين شمس ولغة الشارع وأي حاجة بنجح فيها بنزل آخد صداها من منطقتي وكل أسبوع بروح هناك بس بالليل متأخر شوية، وأنا منتمي لعين شمس علشان الناس اللي هناك، وأنا على الفيس بوك بقول الجمهور دول إخواتي".

نصيحة نور الشريف لأحمد العوضي
ولفت: "الفنان الراحل نور الشريف أول واحد اكتشفني وكان لما بيقعد وكان دايما طول الوقت يقول لي لازم توسع مداركك وتقرأ كل حاجة ولو ورقة جرنال لأنك وارد تتسأل في أي حاجة".

ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.