مني فاروق ل "فيتو": في بدايتي كنت طالعة زي الصاروخ ودلوقتي بتحارب وبتظلم وممكن أنتحر قريب

تحدثت الفنانة منى فاروق ، من جديد عن معاناتها بسبب قلة مشاركتها في الأعمال الفنية قائلة:" كل الذي أريده أن أعود للعمل و لم أجد أي رد فعل بعد البوست الذي أوضحت فيه معاناتي من قلة مشاركتي في الأعمال الفنية.
منى فاروق: "أنا اتظلمت فنيا"
وأضافت في تصريحات خاصة لفيتو:" أنا اتظلمت فنيا واجتماعيا وبتحارب وماعرفتش ليه ومن مين وأنا مش نقابية وقدمت وعملت كل حاجة وبحترم دكتور أشرف زكي جدا.
و تابعت: " أنا كل اللي عايزاه إني أشتغل وزملائي في الوسط الفني يواسوني فقط مشيرة " بيقولو لي بشفقة إن شاء الله خير وبإذن الله هتشتغلي، أنا في بدايتي كنت طالعة زي الصاروخ طالما أنا كويسة مش بشتغل ليه !!!.
و كشفت الفنانة منى فاروق عن رأيها في قلق الجمهور عنها بعدما كشفت عن نيتها في الانتحار بسبب حزنها الشديد من قلة المشاركة في الأعمال الفنية قائلا:" مسألة إني أنتحر ممكن تحصل قريب ".
وتصدرت الفنانة منى فاروق خلال الساعات القليلة الماضية، موقع التدوينات الصغيرة تويتر وذلك بعد اعتزالها الفن بسبب عدم تلقيها عروضًا للمشاركة في أعمال فنية.

الجمهور يتفاعل مع اعتزال مني فاروق
وتفاعل رواد موقع تويتر مع إعلان منى فاروق الاعتزال للفن، ومن أبرز التعليقات التي جاءت على لسان متابعة: "ارحموا منى فاروق وشغلوها، شغلوا منى فاروق لا نصحا على خبر انتحارها، منى فاروق صعبانة عليَّ بجد ونفسي حد يشغلها".
كما أضافت مغردة: "منى فاروق ربنا يعينك اتمسكي إنك تعيشي حياة أفضل إنك تشتغلي ممكن يكون رزقك مش في المهنة دي دوري ومتفقديش الأمل ربنا كريم".
وكتبت أخرى: "منى فاروق للأسف المجتمع ما بيحرمش وبيعتبر الغلط من البنت بس وهي اللي تعيش طول عمرها متعلم عليها مع إن على الفكرة الراجل بردو ليه سمعة ولازم يحافظ عليها عشان يبقى راجل مفاهيم كتير محتاجة تتغير في المجتمع بلاش تبقوا جلادين ربنا رحيم خلونا نساعد بعض مش ندبح بعض".
وغردت متابعة: "للأسف، تتعرض منى فاروق لنبذ مجتمعي كبير ومفيش حد واقف جمبها، غير إنها محبطة ومكتئبة إنما الأمر مش هيوقف لحد كدا! خايفين نصحا على خبر انتحار منى فاروق، لازم نساعدها قبل فوات الأوان".

اعتزال منى فاروق التمثيل
أعلنت الفنانة منى فاروق، اعتزالها التمثيل بسبب عدم تلقيها عروضًا من شركات الإنتاج للمشاركة في أعمال فنية، مما تسبب في حدوث أزمات مادية لها.
في هذا السياق قالت مني في منشور لها عبر حسابها على "إنستجرام": "مساء الخير الكلام اللي بقوله دا خارج خالص عن فكرة إني آخد التريند وأعمل زي أي حد أنا قُلت أعتزل الفن لسبب واحد إن هو دا مصدر رزقي الوحيد اللي أنا بحبه وعاوزة أشتغله، لكن لما أوصل لمرحلة إني مش عارفة أدفع إيجار بيتي حاجة تتعب أنا محتاجة أشتغل عشان أعيش زي أي بني آدمة".

وتابعت في منشورها "أنا غلطت وربنا بيسامح ليه البني آدمين مش عاوزين يسامحوا أنا بسمع بودني لا بلاش منى عشان الفيلم والدعاية ما يضرش الفيلم أو المسلسل ليه يا ربي أنا بقيت منبوذة من كل الناس أنا مش طالبة غير أشتغل الحاجة اللي بحبها عشان أعرف أعيش".

واختتمت كلامها قائلة "المجتمع حاططني في المكان الوحش بس مش يمكن عاوزة أبقى كويسة زي أي واحدة ليه يتقفلوها قدامي في كل حاجة عشان كدة أنا بناشد الدكتور أشرف زكي والأستاذ أشرف عبد الباقي وشركات الإنتاج محتاجة الشغل عاوزه أعرف أعيش ولما قولت قرار اعتزال من أجل لو حد شافني بشتغل في محل لبس أو أي شغل ميقولش إيه ده والله مش طالبة غير اشتغل أبوس ايديكم عاوزه أشتغل".
ويذكر أن منى فاروق شاركت في أكثر من عمل درامي، كان آخرها مسلسل "أيام" مع حورية فرغلي، شيري عادل، وأحمد صفوت، وسلوى خطاب، وميدو عادل، ومحمود حجازي، ورياض الخولي، وندى موسى، مي القاضي، وحجاج عبد العظيم ولقاء سويدان، وسماح السعيد، حنان يوسف، صفاء جلال، محمد دسوقى ومحمد مغربي، تأليف سماح الحريرى وإخراج محمد أسامة.


ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.