أحمد عزمي يروي تصرفا غريبا من باسم سمرة عندما علم بإدمانه الكوكايين: جاب ناس وخطفوني

أحمد عزمي، كشف الفنان أحمد عزمي، تفاصيل أزمته مع الإدمان وموقف الفنان باسم سمرة معه خلال تلك الفترة الصعبة.
إدمان أحمد عزمي للكحول
وقال الفنان أحمد عزمي خلال لقائه ببرنامج "واحد من الناس" الذي يقدمه الإعلامي عمرو الليثي بقناة "الحياة": "موضوع الإدمان معايا بدأ بالكحول، أول طريق الإدمان اللي خلاني أبقى أعتمد على أي حاجة تبعدني عن واقع أنا رافضه".

سبب إدمان أحمد عزمي
وأضاف: "بعد مقتل حمدي أخويا حسيت بغربة وسط كل الناس اللي أنا أعرفهم وجوايا غضب كبير جدًّا وبيظهر على الناس القريبين مني واستمريت مع الكحول فترة كبيرة وسافرت شرم الشيخ واشتريت هناك شقة واختلطت بناس ما أعرفهاش ومن هنا بدأت مراحل الإدمان لحد لما انتهت بالقضية والمشكلة اللي كانت حصلت".

وفاة شقيق أحمد عزمي
ولفت: "أخويا اتطعن ب13 طعنة في مشاجرة من واحد حاول يسرقه ولما تشاجر معاه غزه وكمل عليه الطعنات".
مشكلة أحمد عزمي
وتابع: "أنا كنت بشتغل فيلم الشوق مع خالد الحجر في الإسكندرية، وبعدين شربت وأنا عمري ما كنت بشرب أثناء التصوير، ودي كانت المرة الوحيدة اللي عملت كدا وزعلت حد من العاملين وخرجت عن النص ودي كانت أول مشكلة ليَّ".

موقف غريب من باسم سمرة
واستطرد: "باسم سمرة كنا بنشتغل كتير مع بعض وفي في فترة شك إني مدمن كوكايين، فجالي البيت هو وهشام أخوه وابن عمه وخطفوني وقال لي تعالَ بس معايا وخدني عنده لمدة 4 أيام، وقال لي أنا عايز أتأكد لإني سامع عنك إنك مدمن كوكايين وأنا عايز أتأكد إنك كويس فقلت له طب كويس بس أنا مدمن كحول، بس الفكرة إن فيه أوقات ببقى عايز أهرب عن كل الناس بما فيهم الأهل ومراتي وابني آدم اللي كل حاجة في الدنيا، وأنا أخدت قرار إني أبعد عن ابني لإني كنت محتاج صدمة إلهية ودا اللي حصل من القبض عليَّ ودخولي السجن 6 شهور ودا كان فرصة إني أبص على نفسي من برة وأشوف الحاجات اللي كنت ممكن أقف عندها".
أحمد عزمي: أمي توفيت بسببي وبطلب منها تسامحني (فيديو)
أحمد عزمي: عرفت طريق الإدمان بعد مقتل شقيقي وزوجتي خلعتني بعد حبسي (فيديو)
صدمة سجن أحمد عزمي
وتابع: "صدمة دخولي السجن تجربة قاسية وصعبة عليَّ وحسيت إني دفعت ثمن غلطة أنا غلطتها وحمدت ربنا إنها جت في دي، لأن الإدمان ممكن يخليني أعمل حادثة وكنت ممكن ارتكب جريمة في حد قريب مني فتبقى حاجة عايش بيها طول حياتي واعتبرتها قرصة ودن علشان ارجع لربنا".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.