ردت الإعلامية رضوي الشربيني على تساؤل وجهته إليها الإعلامية منى عبدالوهاب في الجزء الثاني من استضافتها في برنامج "أنا والقناع" حول ما إذا كانت الفنانة شيريهان خالة زوجها، كانت على علم بطلاقها وخروجها من منزلها مع بناتها وفي جيبها 180 جنيه فقط قائلة: "معرفش.. أعرفي انتي استضيفيها وأسأليها". وحول ما إذا كانت لجأت لها أو تواصلت معها فقالت رضوي "وألجأ لها ليه هي خالة باباهم.. أنا لجأت لربنا وهو كان رحيم بيا أنا وببناتي، أنا شوفت قدرة ربنا سبحانه وتعالي وفي تحويل حياة واحدة مفلسة بائسة غير ناجحة في حياتها، لواحدة تانية خالص..فأي حق ليا عند أي حد مش عايزه في الدنيا". وكانت كشفت الإعلامية رضوى الشربيني، مواصفات رجل أحلامها، الذي تريد الارتباط به، قائلة: "لازم يكون عنده مبدأ إن الدين المعاملة".
مواصفات الرجل المثالي ل رضوى الشربيني وتابعت خلال لقائها ببرنامج "أنا والقناع" الذي تقدمه إيمان أبو طالب بقناة "سي بي سي": "الرجل الحقيقي لازم يكون قوي مش بعنتظته وشخطه ونطره وصوته العالي، الرجل القوي يقويكي مش ميقواش عليكي وحتي عند الفراق يجيبك ويقولك انا مش عايز أكمل لا يجرحك ولا يهينك ولا يخونك".
وأضافت: "الراجل لازم بيكون بيحاول ويكد ويسعى في الدنيا علشان يسعد نفسه ويسعدك ويكون حنين من القلب وظهر وسند موجود عند اللزوم".
وأكملت: "الراجل مبيضحكش علي بنات الناس ولا بيهين بنات الناس، واكيد النوعية دي موجودة وقابلت النموذج ده، وقابلته في حياة أخريات وكنت بنصحهم انهم يحافظوا عليه ويستحملوه ويكونوا شركاء للحياة ويمتصوا غضبه ولو مكنش معاه متثقليش عليه بالطلبات".
مواصفات رجل أحلام رضوى الشربيني وعن مواصفات رجل الأحلام، أوضحت رضوى الشربيني: "عايزة رجل يكون قادر علشان انا ست قادرة، وكل ما يكون رجل قادر مش هيبص علي اخطائي والصغائر اللى انا بعملها وهيكبر دماغي ومش هيتلككلي ومش هيبص علي عيوبي".
وأضافت: "عايزاه رجل قوي يقويني يبقى ضهري وسندي ويتكلم معايا في البرنامج والحياة، قوته يستعملها معايا مش عليا، ولازم يكون ناجح، مقدرش اتجوز راجل مش ناجح، ويكون عنده طموح، ويتقى ربنا في معاملة البني اَدمين وانا مش أولهم والدته ووالده".
واختتمت: "عايزاه يهتم بيا أوي ويعرف يتعامل معايا علشان انا صعبة أوي ويكون دمه خفيف مقدرش اتجوز راجل دمه ثقيل، ولازم يبقى شيك كده في نفسه وخفيف ". ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو،أسعار العملات، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطال، الدوري المصري، دوري أبطال أوروبا،دوري أبطال أفريقيا ، دوري أبطال آسيا ، والأحداث الهامة والسياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.
