عمرو عبد الجليل: قعدت سنين أثبت إني كوميديان ورفضت مساعدة ابني (فيديو)

قال الفنان عمرو عبد الجليل:"ابني عبد الجليل لسه بيدرس وحاول يدخل الفن بس محتاج مني زقة وأنا بقوله لأ مش هزقك لأن تجربتي تخليني أرفض مساعدته في دخول الوسط الفني".

معاناة عمرو عبد الجليل في الوسط الفني
وأضاف خلال لقائه ببرنامج "حبر سري" الذي تقدمه الإعلامية أسما إبراهيم بقناة "القاهرة والناس":"قلت لابني أنزل أشتغل وعافر وعاني لأن المعاناة حلوة جدا للفنان، والممثل محتاج يعاني علشان يقدر يعبر عن الأشياء اللى ممكن يعبر عنها بعد كده".

ولفت:"لو أنا مدقتش طعم الظلم ازاي هطلع أعمل مشهد إني مظلوم فيه، ولو مدقتش طعم النصر ازاي هعرف أعمل مشهد أنا منتصر فيه، المعاناة مهمة جدا للفنان".
نصيحة عمرو عبد الجليل
وتابع:"يضر الفنان لما يبقى مسنود علي حد، واتقال لي من حد قريب انت اللى هتنفع نفسك غيرك مش هينفعك، وبالتالي لازم الوحد يعتمد علي موهبته بعيدا عن الواسطة والمحسوبية، وأنا شايف أني ابني يقدر يعتمد على نفسه بس هو معتمد عليا وأنا ضد الفكرة دي ولازم يعاني علشان يوصل لو عايز يمثل".

كوميديا عمرو عبد الجليل مشروع تأخر لسنوات
ولفت عمرو عبد الجليل:"قعدت سنين في الشغلانة أقول أنا كوميديان ومحدش مصدق ويبقوا قاعدين في الكواليس ميتين من الضحك من هزاري وافيهاتي ولما نيجي بقى في التمثيل أقوله أنا عايز أقول إفيه يقولي إفيه ايه ما تسيب الكوميديا لأهل الكوميديا أنت مالك بالكوميديا، وأنا طبيعتي كوميدي".

الأجهر الحلقة 9، ميدا يغدر بأبيه سيد رجب لصالح عمرو عبد الجليل
الدراما وعمايلها (1) عمرو عبد الجليل!
بداية عمرو عبد الجليل مع يوسف شاهين
وأوضح:"علشان شافوني في بدايتي مع المخرج يوسف شاهين في دور معقد ومركب فشافوني كلكيعة وعلشان أطلع من دي وأقول أن دمي خفيف وأعرف اضحك وأقول إفيه قعدت سنين، والطريق مكنش سالك".
ونقدم لكم من خلال موقع (فيتو)، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.