تامر أمين: راقصة أرجنتينة رفضت العمل في مصر بعد حملتي على العرى (فيديو)

كشف الإعلامي تامر أمين، قصة علاقته بالراقصة الأرجنتينية، موضحا:"في عام 2012 كنت في روتانا مصرية، وعملت حملة ضد غزو الراقصات للمجتمع، وهاجمت الفيديوهات الفاضحة اللى كانوا بينشروها علي السوشيال ميديا".

متعهد الراقصات الأجانب
وأضاف خلال الجزء الثاني من لقائه ببرنامج "العرافة" المذاع علي قناة "المحور":"من كتر ما حملتي ضد الراقصات سمعت بقوا الراقصات يقلقوا مني ، وفوجئت مرة تليفوني بيرن وشخص بيقولي أنا متعهد رقصات وبستقدمهم من أوروبا وأمريكا الجنوبية، وبجيبلهم عقود عمل يشتغلوا هنا في مصر، فقاللي في رقاصة أرجنتينية لسه جايبها وهتعمل عقد عمل مع فندق وملهي ليلي ، ومن ساعة ما وصلت مصر قعدت مع أصحابها وقالولها اعملى اللى انتي عايزاه بس خلي بالك من تامر أمين، لأنه كان هيرحل صافينار وحبس الرقاصة بارديس، فقاللى الست مصرة قبل ما تبدأ رقص إنك تيجي تتفرج عليها وتقر إن اللى بتقدمه فن راقي مش ابتذال وعرى فقعدت اضحك ضحك محصلش ووقتها مراتي كانت قاعدة جنبي".

تحذير تامر أمين لراقصة أرجنتينية
وتابع تامر أمين:"قلت لمتعهد الراقصات أنا لا بتفرج علي رقصات ولا بروحلهم ولكن يوم ما تغلط أنا هنتقدها في البرنامج، أنا رقابي وحارس القيم والأخلاق وسلطة رابعة وخامسة وسادسة وسابعة ومحامي ولسان الناس، وقعدت اهزر بس مروحتش، ولما قالوا عليا رئيس مباحث آداب مدينة الإنتاج الإعلامي انا انبسطت وربنا يقدرني واعمل الشغلانة دي".

الراقصة الوحيدة التي يحبها تامر أمين
وأكمل:"الوحيدة اللى بحب اتفرج علي رقصها فريدة فهمي، وهي فنانة استعراضية واللى بتعمله فن حقيقي مش مجرد رقص".

تامر أمين: منعت بناتي من نزول البحر علشان حرام حد يشوف جسمهم (فيديو)
تامر أمين: لا أقبل علي نفسي أكل الحمير بس غالبا أكلتها (فيديو)
عودة الراقصات لمعاقلهم
وأشار:"كنت مركز أوي في موضوع الرقص بس ربنا تاب عليهم وكلهم اختشوا ورجعوا إلي قواعدهم جوا الكباريهات والمراقص ومبقاش فيه غزو للمجتمع ولا الفيديوهات الراقصة".
ونقدم لكم من خلال موقع "فيتو"، تغطية ورصدًا مستمرًّا على مدار ال 24 ساعة ل أسعار الذهب، أسعار اللحوم، أسعار الدولار، أسعار اليورو، أسعار العملات، أخبار الرياضة، أخبار مصر، أخبار الاقتصاد، أخبار المحافظات، أخبار السياسة، أخبار الحوادث، ويقوم فريقنا بمتابعة حصرية لجميع الدوريات العالمية مثل الدوري الإنجليزي، الدوري الإيطالي، الدوري المصري، دوري أبطال أوروبا، دوري أبطال أفريقيا، دوري أبطال آسيا، والأحداث الهامة والسياسة الخارجية والداخلية، بالإضافة للنقل الحصري ل أخبار الفن والعديد من الأنشطة الثقافية والأدبية.