عمرو أديب ل التجار: الرحمة حلوة كدة المركب هتغرق بينا كلنا (فيديو)

سعر الدولار، قال الإعلامي عمرو أديب: "أنا مش دارس اقتصاد بس درست منطق وفلسفة، المدخلات المنطقية إن الدولة صرفت من دم قلبها دولارات لكي تفتح الموانئ وتدخل الأعلاف وسلعا أخرى من أجل استقرار السوق وانخفاض الأسعار، ومع ذلك التجار بيرفعوا أسعار الدواجن والبيض والسلع".

تسعير الدولار للبضائع المفرج عنها من الموانئ
سعر الدولار اليوم، وتابع خلال برنامج "الحكاية" المذاع على قناة "إم بي سي مصر": "الدولة بتفتح وتدخل الأعلاف والسلع الغذائية على 24 جنيهًا للدولار فالتجار مايحاسبوناش عليه ب30 جنيهًا".

تسعير التجار للدولار
وأضاف عمرو أديب: "ليه انا بتحاسب علي سعر الدولار بالنسبة للبضائع ب30 جنيهًا، والدولة فاتحة الإفراجات على 24 جنيهًا".

أسعار كارفور
ولفت: "الناس كلها اللى ماسكة في عيد ميلاد كارفور والخناقة على الشاشات مش هي دي الأسعار ولا القوة الشرائية يعني اتباع كام شاشة في اليوم 150 شاشة دول لا يمثلوا الناس اللى بتاكل وتشرب في مصر، وطبعا فيه ناس باعت صبيانه يشتروا علشان يتاجر فيهم في المحل بتاعه".

عمرو اديب: الدولة بتفتح وتدخل دولار والافراجات فاتح على 24 فالتجار مايحاسبوناش عليه ب30
تقدر تشوف الحلقه كامله على شاهد (اتفرج ببلاش)https://t.co/LayFZOKEEy #الحكاية#MBCMASR pic.twitter.com/LnoDBoeBHF
— الحكاية (@Elhekayashow) January 8, 2023
تحذير عمرو أديب للتجار
وأضاف: "احنا قادرين نعدي الأزمة بس لازم يكون فيه شوية رحمة وعقل في اسعار السلع وقلنا للتجار والموزعين والأسواق 100 مرة انتو بتخرموا المركب وللا اتخرمت المركب هتغرق بينا كلنا، إنما دولار يدخل وبضائع يدخل وسعر يعلى هذا لم نسمع به من قبل وعلم جديد بعيد عن المنطق".

قال الإعلامي عمرو أديب: "سعيد جدا أن الرئيس اتكلم عن خوف وقلق المصريين، نعم سيادة الرئيس إحنا مش خايفين على مصر إحنا خايفين على نفسنا، إحنا مش قلقانين على مصر إحنا قلقانين على نفسنا وعيالنا، والحالة اللى اتكلمت عنها موجودة وفي حالة قلق بكل بيت مصري وخوف من المستقبل، إذا كان عام 2022 عام الأزمة فالمفترض أن عام 2023 يكون عام الحل".
مخاوف وقلق الناس بسبب الأزمة الاقتصادية
وتابع خلال برنامج "الحكاية" المذاع على قناة "إم بي سي مصر: "سيادة الرئيس الخوف والقلق مبرر، المخاوف الرئيسية موجودة عند البقال والسوبر ماركت ومصروف المدرسة ومصروف البيت والدروس الخصوصية، بسبب الأزمة اللى احنا فيها".
عناء المصريين بسبب الأزمة الاقتصادية
وأضاف الإعلامي عمرو أديب: "الخوف والقلق موجودة خاصة بعد القرارات اللى تم اتخاذها الأيام اللى فاتت، وأنا سعيد بالسنة الجميلية اللى عملتها ياريس، ويا ريت الحكومة هي كمان تطلع تتكلم، الواقع اللى إحنا فيه صعب ومؤلم وبنعاني وأغلب الناس تعاني حتى الأغنياء والطبقة المتوسطة والفقيرة يعانوا الكل يعاني والعالم يعاني، وياريت المسئولين يطلعوا يشرحوا للناس إيه اللى بيحصل، وياريت يكون حديثك فاتحة خير والمسئولين يطلعوا يتكلموا، وهناك إجراءات اقتصادية يتم اتخاذها كل يوم ياريت تتشرح للناس".

توضيح الحكومة الوضع الاقتصادي لمصر
وأكمل: "الحكومة عندها كل الأرقام والمعلومات لكنها مش موجودة عند الناس وعلشان كده بيجتهدوا في فهم ما يحدث وما سيحدث".
وتابع: "الصورة الكاملة يجب أن تكون واضحة للشعب من أصغر واحد لأكبر واحد، علشان الكل يكون عارف ايه المستقبل".

وأكمل الإعلامي عمرو أديب: "لو احنا بنعمل حلول صعبة وهيبقى فيه انفراجة قولوا لنا الانفراجة امتى، الحكومة لو عارفة والناس مش عارفة هنبقى طول الوقت معرضين للقصف من الجبهة الأخرى".

عمرو أديب ل السيسي: إحنا بنعاني يا ريس وخايفين على عيالنا ولو في انفراجة قولوا لنا
عمرو أديب: وارد الدولة تبيع بعض الأصول وده بيحصل في العالم كله (فيديو)
رسالة عمرو أديب للرئيس السيسي
وتابع: "باقول للرئيس السيسي وقت الأزمات محدش بيثق في حد، لازم نبنى الثقة عند الناس، أنا عايزك تطمنى وتقولي فيه حاجات نقدرنعملها وحاجات منقدرش".
نقدم لكم من خلال موقع (فيتو)، تغطية ورصد مستمر على مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، أخبار الحوادث ، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.