المطربة ياسمين علي تتحدث عن حادث احتراق منزلها

تحدثت المطربة ياسمين علي عن الحريق الذي تعرض له منزلها بسبب ماس كهربائي.

وقالت ياسمين علي في تصريح خاص:" الحمدالله مفيش خساير وحتي لو فيه أنا يهمني أن الأسرة هي اللي تكون كويسة ومحدش فيهم يتعرض لأذى.

وأضافت: الحمدالله محدش فيهم شاف النار اللي كانت في السقف عندي أنا بس اللي شوفت، وعدم الشعور بالأمان دا صعب، ومش مهم أي خساير السقف مازال بايظ.. لكن أي حاجة مش مشكلة.. المهم ان احنا نبقي كويسين.


وكانت المطربة الشابة ياسمين علي كشفت عن تعرض منزلها لحريق بسبب ماس كهربائي، فضلا عن تعرضها قبله لحادث سير.

المطربة الشابة ياسمين على
ونشرت (ياسمين على) صورة لغرفتها عبر حسابها الشخصي بموقع تبادل الصور والفيديوهات (انستجرام) وقالت: ما بحبش الطاقة السلبية والله بس اعمل ايه طيب، امبارح الساعه 2 بليل كنت قاعدة مع بابا وماما وبنتفرج على التليفزيون قمت عشان أروح أوضتي أنا.. دخلت الأوضه قعدت دقيقه شميت ريحة بلاستيك محروق ومش فاهمه الريحة جاية من فين فجأة بدون مقدمات وربنا عالم باللي حاقوله لقيت السقف على وسعه مولع نار كله بمعنى الكلمة وفجأة النار اتشفطت وبقت مختصرة فالشكل اللي انتوا شايفينه ده وقفلنا الكهرباء ورشينا ميه.

واستكملت حديثها قائلة: كل ده ف لحظات اتاري الجار من فوق في مية بتنزل من عنده عالسقف عندنا فعملت ماس في الكهرباء وحصلت النار اللي شوفتها دي، لو ماكنتش دخلت الاوضه ف التوقيت اللي روحت فيه، الله اعلم كان حصل ايه.

كما وجهت رسالة إلى جمهورها قائلة: وقبلها بكام يوم كنا لسه عاملين حادثه بالعربية مع عربية نقل كبيرة، فما تنخدعوش بالضحك اللي بضحكه، كل واحد له فيلم عايشه، احمدوا ربنا علي كل لحظة امان انتوا عايشينها بدون ترويع وعدم ستر وماتبصوش لحياة حد ابدا من بره.

نقدم لكم من خلال موقع (فيتو)، تغطية ورصد مستمر علي مدار ال 24 ساعة ل أسعار الذهب، أسعار اللحوم ، أسعار الدولار ، أسعار اليورو ، أسعار العملات ، أخبار الرياضة ، أخبار مصر، أخبار اقتصاد ، أخبار المحافظات ، أخبار السياسة، ويقوم فريقنا بمتابعة حصرية لجميع الدوريات العالمية مثل الدوري الإنجليزي ، الدوري الإيطالي ، الدوري المصري، دوري أبطال أوروبا ، دوري أبطال أفريقيا ، دوري أبطال آسيا ، والأحداث الهامة و السياسة الخارجية والداخلية بالإضافة للنقل الحصري ل أخبار الفن والعديد من الأنشطة الثقافية والأدبية.